1 Samuel 2:34 - Ohiatonhseratokénti

³⁴ Tsi nenhotiʼiátawenh ne teniʼiáhse saʼnekenteronhtserashón꞉ʼahs, Hophni tánon Phinehas, kwáh kiʼ neh ensheʼnésten—tenitsá꞉ron tenhníheʼie neh saʼhennísera.

1 Samuel 2:34 ပူးပေါင်းရင်းမြစ်များ

1 Kings 13:3

Tánon iahatasónhteren ne rotó꞉kense tsi wahénron, “Kí꞉ken ietsienharákwah tewaréni, tánon né thóh ohkènra kwáh tenhionwénhtonhwe. Ethòne kíʼ ensateriéntaraʼne nètho Roiá꞉ner tsi akonháke nónhwe nihothatíhon.”

1 Kings 14:12

Tánon kíʼ ne Ahijah iahathasónhteren tsi wahatháraʼse ne Jeroboam teníteron, “Ónen kíʼ wáhs sashathénhti. Kwáh tsi niʼiostó꞉re iensenatáraʼne, netsiénha enrénheʼie.

Luke 2:12

Nok kenh kaien ȣatenientenstakȣen, neh oni entsiseȣaienterestakȣe꞉ nonen entsiseȣaiatatsenri neraksaa oniataraasonha tehaȣaȣenhekston, nok Katsenen tsi kontekkȣatahasta raiationni.

1 Samuel 10:7

Nón꞉wa nó꞉nen kí꞉ken waʼtenientensʼtánions ensatʼkathóseron, thóh nátier tsi nisatʼkáthos ne tkaʼriwaié꞉ri, asèken Ní꞉io ní꞉se senikwé꞉kon.

1 Samuel 2:33

Kwáh saʼiá꞉ta khók tsi nítsion raón꞉ha kwáh iáh taʼhí꞉iatʼse ne tsiktsienharákwah kwáh kiʼ enhiʼiatanónsthaʼte ne tahonsaʼhakaseréntaʼne ó꞉ni tsi nihotsiónhnion tsi rón꞉nhe; ratiʼkwé꞉kon ne saʼwáhtsires ne enhotírhiokte nasaʼrekó꞉wah.

1 Samuel 3:12

Ne éhʼthoh enwenhniserá꞉teke kwáh enkenáh꞉ne nahiʼiatkónten ne Eli akwé꞉kon tsi niwakathatí꞉hon ne aorihwáke ne tsi ronón꞉shote, kwáh tsi nitsiotásaʼwe tsi nió꞉re ne tsi iehió꞉tokʼte.

1 Samuel 4:11

Ne raoʼneró꞉kwah ne Ní꞉io wakonwaiéna; tánon ne teniʼiá꞉se raoʼnekenteronhtseraʼshónʼahs ne Eli, ne ne Hophni tánon ne Phinehas, waní꞉heʼie.

1 Samuel 4:17

Ne rariwaʼkaré꞉nies waʼtariwaseráko, “Israerʼró꞉nons wahontèko raotihén꞉ton ne Philistine, tánon kwáh í꞉ken tsi iawetatʼtsáni waʼshakonáwenʼtho nonkweʼó꞉kons ne ronterí꞉ios; sanekenterontsherashón꞉ʼahs ó꞉ni, Hophni tánon ne Phinehas, watʼníheʼie, tánon ne raoʼneró꞉kwa ne Ní꞉io waʼkonwaiéna.”

1 Samuel 4:21

Ne raksá꞉ʼa Ichabod waʼhonátonkwe, tsi nikenténtons, “Ne kaiatanerakwátshera éh꞉ren waʼhé꞉te NÍsraerʼronónke,” ne tioriwa ne raoneró꞉kwa ne Ní꞉io tsi konwaiénen tánon ne waʼkariónni ne shakosaʼfaskénʼen ó꞉ni ne ró꞉nekwe.

1 Samuel 4:22

Waʼkénron, “Ne kaiatanerakwáhtshera éh꞉ren iawé꞉ton Nisraeronónke, asèken ne raoneró꞉kwa ne Ní꞉io tsi konwaié꞉nen.”