1 Samuel 2:31 - Ohiatonhseratokénti

³¹ Satkáhtho, ne kawistáheks tsi tá꞉we nó꞉nen kwáh enkóniatse ne saʼsahtsténhsera ó꞉ni ne raotiʼshatsténhsera ne seshothonkonkénʼen tsi ratiʼwatsiratá꞉tie, nèkati nétho iáh ón꞉ka ne sahwá꞉tsire thahonnónhnheke nahotiksténhaʼne.

1 Samuel 2:31 ပူးပေါင်းရင်းမြစ်များ

1 Kings 2:35

Né ronhnontí꞉io Benaiah ohénton iathonhsahó꞉tasʼthe tsi ratitsiókwahien ne sóhtar né꞉ne Joab rahonatʼthakénʼen tánon Zadok né꞉ne ratsihénstatsi íken né nenhʼné꞉ʼe thonsahonatkʼthákwen né Abiathar.

Job Tánon ne Raoronhiakensera 22:9

Ní꞉se washehiatékwahte ne ionaterè꞉ons kwáh raothitsanóskont tísken, kwáh ó꞉ni watesheiatonhnakáriate ne tehontonhnakáriaks.

Psalms 37:17

Asèken ne Roiá꞉ner ensakó꞉kwah ne raotiʼshaststénhsera ne ionkwetahét꞉kens, ók entesakóneh ne tionkwetaiéri.

Ezekiel 44:10

Ne Roiá꞉ner wahakénhase, “Kherewáhthaʼne tí꞉ken Levites roʼnónha, skátke ne ronáhtsiakes nonhkweshón꞉ʼas ne Israerʼró꞉nonhke, hionkatewenhthéton tánon kahiatonhnisónhas konwasénhnaiens.

1 Samuel 14:3

neh roʼnaterosenhtátiene ne Ahijah ne ne Ahitub roién꞉ha, Ichabodʼs iathatekénʼa, ne nenhné꞉e ne Phinehas roiénh꞉ha ne Eli ne nènhne roién꞉ha ne Phinehas, ne raotsihénstatsi kènʼne ne Roiá꞉ner thóh nón꞉we Shiloh, raón꞉ha rahá꞉wine ne waniataríio í꞉ken atení꞉ionta. Nón꞉wa nonkweʼókons iáh teiakoteriéntarahkwe nètho Jonathan tsi kakʼniehawé꞉non.

1 Samuel 3:12

Ne éhʼthoh enwenhniserá꞉teke kwáh enkenáh꞉ne nahiʼiatkónten ne Eli akwé꞉kon tsi niwakathatí꞉hon ne aorihwáke ne tsi ronón꞉shote, kwáh tsi nitsiotásaʼwe tsi nió꞉re ne tsi iehió꞉tokʼte.

1 Samuel 4:2

Ne Philistine waʼontatʼkwahtáko tsi waʼthatinenhrá꞉taʼte niaʼkonwaʼtsatón꞉ti Israel, tánon nó꞉nen shonteriʼioserowáhna, ne Philistine waʼhonwatisénhni Israel, ne Philistine wasakotinonwarhiákon kákʼnon ne kaiéri niwenniaweʼetsheráhsen niháti ronterí꞉ios thóh kahentáke tsi waʼterí꞉io.