1 Samuel 2:28 - Ohiatonhseratokénti

²⁸ Í꞉ih waʼhiʼiataráko thóh nón꞉we ne tékeniʼiawénhre nihotiʼtarákes ne Israerʼró꞉nons neh natʼtsihénstatsi ahá꞉ton, thóh iaharatʼténstake tsi ietsienharákwahke, nahatʼtsaháhtaʼke wenhnekerá꞉khon, ahteniʼión꞉ta ahatʼtserónhniaʼte nakʼkhénton; tánon tekheiá꞉wi ne raoʼtiwá꞉tsire ne ietsishotʼthonkonkénha akwé꞉kon tsi aiontʼtátʼtie ne notsirá꞉ke nahontahatíhaʼwe ne Israerʼró꞉nons.

1 Samuel 2:28 ပူးပေါင်းရင်းမြစ်များ

2 Samuel 12:7

Ne Nathan wahawénhase ne Táwit, “I꞉se nètho rón꞉kwe! Tiakariwakenhniá꞉te ráton ne Roiá꞉ner, ne Sakoní꞉io ne Israerʼró꞉nons: Í꞉i koniatará꞉kwen tsi sanontí꞉io í꞉ken nètho nón꞉we Israerʼronónke, tánon Í꞉i skonhniakénton ne ratshanáke Saul;

2 Samuel 6:14

Ne Táwit wathanónhniakwe raohén꞉ton ne Roiá꞉ner kwáh tsi nioshaststénhsera; ne Táwit neh teotsiakwaráhnen ne waniatarí꞉io ateniióntha.

Exodus 28:1

“Iatsínonk ne iatsíha Aaron tánon ne sakoioʼhokónhas, Nadab, Abihu, Eleazar, tánon Ithamar. Thesehkháshion nonhkweshón꞉has tsi nòkwah ne lsarerʼró꞉nons, né nahónton nahiontióʼtenʼse nahontʼtsihensʼtónhni.

Exodus 28:4

Seró꞉ri hiontenskwenorók꞉tha ronhnónhni, atenihióntha, wakóhses atiátawi, tewaseriʼiétaron ákhare, anonhwaró꞉re, tánon atiatána. Kwáh kíʼ ronhwakweniónhnien kíʼ ken rotikharesʼné꞉ha ne iatsíha Aaron tánon ne sakoiohʼokónhas, né káti nahónton nahiontiótense tsi ratiʼtsihénsʼtatsis akénhake.

Exodus 30:7

Né iatehioronhketseráke nónen ne Aaron éntre nahakwahtáko ne kahá꞉sehras, thóh nónhwe nenhátʼtsahate ne wenhsehrákons iontsienkwahronhniatákwahs.

Exodus 30:8

Kwáh nónhne ehʼnenháiere nó꞉nen henhahaseró꞉ten nokarasnéha nikaháwi. Kí꞉ken watʼkáwenh ne iontsienkwahronhniatákwah né꞉ne iehiokonhtákwen kwáh iáh othénnen takahiótaʼte né꞉ne tsi nénhwe thóh nenhiotónhake.

Leviticus 2:10

Né kenhiotsétons ne iewatká꞉wen ratsihénsthatsi né rahó꞉wenk; kwáh íken tsi iotokénti, tsioríhwa tsi thóh nónhwe nitká꞉ha ne ká꞉khwa né tsi Roiá꞉ner ronhwawíhon.

Leviticus 2:3

Ne iothaténron nonátsias ne tkaiéston ratsihénsthatsi né rahówenk; kwáh iotokénhti, tsioríhwa tsi thoʼnónhwe nikaráhkwenh né꞉ne Roiá꞉ner thonwáwi.

Leviticus 6:16

Tánon ne iothaténron nonátsias Aaron tánon ne rahoneʼkenteronhtsheraʼsónhas né enhónʼneke. Enkanatharonhniá꞉tonke né꞉ne iáh othènen thaʼtakaiéstonhke ne watʼtenkwáhtha tánon thóh nónhwe nenhónne꞉ke tsi nónhwe niʼiotokénti íken, né꞉ne atenhénrakon né tsi watóhsehrothe tsi nónhwe nihénteron ne Roiá꞉ner. Ráton ne Roiá꞉ner ratiʼtsihénsthatsis tetkheʼhiáwi né꞉ne áhonsthe nahionkʼtátʼtse né tsi iotékʼkha. Kwáh íken tsi iotokénti, tsi kíʼ ní꞉ioht ne karihwáneren tsi iehiontkháwas ó꞉ni ne nahonshaʼkakarhiákonʼke aorihwá꞉ke.

Leviticus 7:32

Né skanekwáti noná꞉ken nahosiʼnáti ne katshénen kwáh kíʼ né꞉e kakweniensthaʼtsherákon tsi ienwatkáʼwenke

Leviticus 7:36

Né tewenhniserátheʼkwe ne Roiá꞉ner shaʼsakorihónten nonhkweshón꞉as ne Israerʼró꞉nonhke nónhwe nahonthasakáwen kí꞉ken karó꞉rons. Né꞉ne kaianerénhsera íken nètho Israerʼró꞉nons ónenk tsi enhontewánhnarakwe né꞉ne tsi nénhwe enkénhake.

Numbers 16:5

Ethóne wahawénhase ne Korah tánon ne ronhwanonhteráties, “Ohronhkeʼnéha ne Roiá꞉ner enshonkwahnatónhase ónhka né rahónha rahonkwetashón꞉ás íken; né kíʼ ne, shakoiatarákwen íken, ákta ne ientsienharákwahke nónhwe natenhontátʼken.

Numbers 18:19

“Í꞉se kíʼ tkhonhiawìre, ó꞉ni ne sanekenhteronhtsherasónhas ó꞉ni ne sahiathasehtserasónhas, né꞉ne tsi nènhwe thóh nenhiotónhake, akwékon ne katokenstánions ne thonatkawánions NʼIsraerʼró꞉nons ne tsionhkáwi. Né kí꞉ken ne iáh thatewateríhshions Naterihwasehrionhniátsera né wákston tsi natetewátere tánon tsi niensatwatsírihne.”

1 Samuel 14:3

neh roʼnaterosenhtátiene ne Ahijah ne ne Ahitub roién꞉ha, Ichabodʼs iathatekénʼa, ne nenhné꞉e ne Phinehas roiénh꞉ha ne Eli ne nènhne roién꞉ha ne Phinehas, ne raotsihénstatsi kènʼne ne Roiá꞉ner thóh nón꞉we Shiloh, raón꞉ha rahá꞉wine ne waniataríio í꞉ken atení꞉ionta. Nón꞉wa nonkweʼókons iáh teiakoteriéntarahkwe nètho Jonathan tsi kakʼniehawé꞉non.

1 Samuel 2:18

Samuel roʼiotá꞉tiesʼkwe raoʼhénton ne Roiá꞉ner, ne raksá꞉a ne roʼteniiónte ne kwáh waʼniatarí꞉io ateniʼión꞉ta.