1 Samuel 2:25 - Ohiatonhseratokénti

²⁵ Tó꞉ka ónkak aiontateriwánerakse naʼkó꞉ren, Ní꞉io enhakwéni nenhteshá꞉kone tsi niká꞉ien waʼtionterenhtáwenhreh; ók ónka aiekwé꞉ni nahontaʼiontáteʼne nón꞉kak aieriwáneraʼke tsi nó꞉kwah ne Roiá꞉ner?” Ók iáh teiakotahonsatháton ne raowenhnaókons ne ronwaníha; asèken thóh nihotenikonrón꞉ni ne Roiá꞉ner naʼsakononwarhiá꞉khon.

1 Samuel 2:25 ပူးပေါင်းရင်းမြစ်များ

Genesis 38:10

Tsi nahá꞉iere kwáh í꞉ken tsi karihwáksen í꞉ken raohén꞉ton ne Roiá꞉ner, sók kíʼ nenʼ ne ʼeh né Roiá꞉ner wahononhwariá꞉kon.

Genesis 38:7

Ók ne Er, ne ne Judah thakowá꞉nen roién꞉ʼa kwáh í꞉ken tsi ionkweʼtahetkén꞉tahkwe raohén꞉ton ne Roiá꞉ner; tánon ne Roiá꞉ner wahononwariá꞉kon.

1 Kings 8:31

“Nónen nónhkak enhionhthaterihwàro tsi wahonthatenikonhrákʼsaʼte nakorénhsons tánon enhtsionhthatsiathénhaʼwe ne tsi tsienharákwah ne kénʼen Ononsatokentiʼkówaʼne tsi enhierihwanírate tsi iáh tehiakoníkon,

1 Kings 8:32

Ó Saiá꞉ner, tasatahónsatat thóh nónhwe karonhiáke tánon tetsiató꞉ret ne sanhátshera. Sheréwat ne iakoníkon tsi naʼtehonathénhtion, tánon sashehiátʼkaf ne iáh tehiakoníkon.

2 Chronicles 10:15

Né tsi éhtho nihonikonhró꞉tenhne ne Roiá꞉ner Raní꞉io né naiáwenhne tsi nahó꞉tens rotharáhni ne Jeroboam né꞉ne ronikénʼen ne Nebat thóh rahonháke ne rotokenhséhakwe Ahijah né Shiloh nón꞉we nihanákerehkwe. Né kih kí꞉ken ahoríhwa ne ronhnontí꞉iokwe iáh othènen karíhwa tehahónhni tsi nòkwah nonhkweʼshón꞉as.

2 Chronicles 25:16

“Kát꞉ke onhtèken,” ne Amaziah waʼthorihwihiatʼse, “Í꞉se kén kwahiatarákwen naʼtiatenikonhrahsónhterase ne ronnontí꞉io? Sát꞉kaf tsi sáthare, tó꞉ka iáh enkonhnonwarhiákhon!” Káti ne rotokenhséhakwe wahát꞉kaʼwe kíʼ, ók niáhreʼkwe kíʼ wahénron, “Ó꞉nen kí onhkateriénhtaraʼne ne Rawenni꞉io tsi í꞉rehre ahiáthonte tsioríhwa tsi nisatieránion kí꞉ken orihwakwé꞉kon tánon waʼshatarónhti tsi nihkonhiatenikonhráhwisʼkwe.”

Job Tánon ne Raoronhiakensera 9:33

Iáh tehionkwè꞉taien ne skén꞉non ahrón꞉hni tsi natehiatiá꞉tere, nónhkak ahónton ne tehiakenitiá꞉ron tashontsanisnón꞉sarenh.

Psalms 51:16

Iáh né thatesatonhontsóni ne kariwiʼiosehokónhas; tó꞉ka né iakontátʼtse ne watéskonte, iáh né tahisehrenhtí꞉ioste.

Psalms 51:4

Waʼkerihwáneren tsi nòkwah ní꞉se, tánon kariwák꞉sen tsi niwaʼkatiéren ne sahénton, tesèhrits nó꞉nen enskénhase, saníkon tsi watestsiatórete tkariwaʼiéri tsi ní꞉ioht tsi wasetréwaʼte.

Proverbs 13:1

Ratsa꞉ʼa ne raʼteʼnikonhrattókha enhotahónhsatate ne roʼniha nó꞉nen enhotakwahrisi, ók ne ratiʼnikonhráksen iáh nonhwénhton tahontró꞉ri nahò꞉ten ne iáh tetkariwaié꞉ri tsi nihontiéhrha.

Proverbs 15:10

Tókaʼ tho nénhshiere tsi nahò꞉ten iáh tetkariwaié꞉ri, kwáh í꞉ken tsi ensatré꞉wahte; enhsíheie tókaʼ iáh thaʼsatateríhon ne ahserihwakwaríhsi.

Proverbs 29:1

Tókaʼ sénha enhsatenontsistahní꞉rate tsi ní꞉kon ónhka aiesarihwakwaríhshion, éntewe nenhnísera akwáh tokén꞉ʼen ensateraʼswáksenʼne tánon iáh nonwén꞉ton thaonsahsatonhnhakwatá꞉ko.

Ecclesiastes 3:3

tsi nienkáhewe nahionthatenonhwarhiákon tánon tsi nienkáhewe nahonsahionthatetiénthe, tsi nienkáhewe nakariwénhthonke ne kanahtowánens tánon tsi nienkáhewe nahonsakakwahtakwénhke.

Numbers 15:30

Ók nónhka ne kwáh iakonikonhrónhni tsi aierihwánerake, né꞉ne tó꞉ka kén ienakerehónhwe khès ne tihiakahontsátes, rotiníkon tsi nihonwaiérase ne Roiá꞉ner tsi ronhwakenrónhni, tánon kíʼ ónenk kíʼ tsi enhonwatinonhwariákon,

Deuteronomy 1:17

Tó꞉sa sewè꞉nest nahontesewarihwarè꞉kwen tsi tensewahiató꞉rehte; tsi teieʼtsihiatorè꞉tase kwáh akwé꞉kon ne shakaʼnónhkwa akénhake, iáh tewatsterístha ónhka akénhake. Tó꞉sa ónhka ietsitsaʼnísek, asè꞉ken ne sewahiatoreʼtá꞉tshera Rawenní꞉ioke nitewétha. Ne thé꞉nen shótsi ahioriwaní꞉ronhke ne sewariwà꞉ke, akónhake nonhtasewáhaf, tánon í꞉i tetiaʼtó꞉rehte.’

Deuteronomy 2:30

“Ók ki ne rononhtí꞉io Sihon iáh ne teshonkwariwá꞉wi nahiakwató꞉hetste ne raonakeraʼsehrá꞉kon. Ne Roiá꞉ner sewaní꞉io wahononhtsistaʼní꞉rate ó꞉ni wahaterihioseranonhwè꞉ne, ne káti nahónton nashakwaʼsén꞉ni tánon aiakwatiénawatste ne raonakeráhsera, tánon shé꞉kon ki nihionkwatienawáston.

1 Timothy 2:5

Asèken saiátak ne Ní꞉io, tánon kwáh saiátak skátʼke sakahónʼnis ne Ní꞉io tánon nonkwesónhas, nètho rónkwe neh꞉ne Kerístos Ié꞉sos,

Hebrews 10:26

Asèken iáh ónen teskaien ne karonhiakenshera naʼhé꞉ren akahawithe ne karihwahnerens tóka thenʼtéwethe ientewahtashónteren enhionkwahriwahnerenhatiésheke nónen ne tewehtakwenh ionkhwahʼrónken.

Hebrews 10:27

Khé꞉kenk, thotʼkhók níkon tiotatenron nahitewahterahráthe katerontierakon ne táh꞉we kahiatórethatshera tánon ne kahtienhowá꞉nen nen iakothonthe tsi nihiakon ronwahshóns ne Rawenni꞉io!

Hebrews 7:25

Tánon káti rohkwénion, nónwah ó꞉ni tiókonte, nashakoniákente tsi nihiákon né rahonháke nónwe nién꞉ien rahohénton ne Ní꞉io, tioríhwa tsi ronnhehónwe nahoniténtase ne Rawenni꞉io ne rahotirihwáhke.

Joshua 11:20

Ne Roiá꞉ner iasakoʼnikonhrakónhthakwe nahonterí꞉io Nisraerʼró꞉nons, ne káti nahonwatiré꞉waʼthe né꞉ne kwáh tokén꞉en ahonwatikarón꞉ni tánon ratikwé꞉kon enhonwatinonhwarià꞉kon né꞉ne iáh othé꞉nen teká꞉ien nataniténron. Thóh ki ní꞉ioht ne Roiá꞉ner tsi rohró꞉ri ne Mahís.

1 Samuel 3:14

Ne káti aoríhwa wakerihwanírate thóh tsi ronónshoʼte ne Eli nètho raoʼriwahetkénhsera ne Eli tsi ronónshoʼte kwáh iáh ne éhʼren tahonsakaháwiʼte tsi akonwateskónten katshénenh khéhs nahontahatí꞉iestake ne tsi nénhwe akénhake.”