1 Samuel 2:15 - Ohiatonhseratokénti

¹⁵ Senhá꞉ki, nohénton ne ióʼresen nahontsahʼáhtonhke, ne ratsihénstatsi raonhá꞉tshera éntre tánon enhawénhase tsi niká꞉ien ne roʼtéskonʼte, “Tatié꞉wahron ne ratsihénstatsi ne nahateskón꞉takwe; asèken iáh taʼhaiéna ne teionekontséon owá꞉ron ní꞉se aonthá꞉tion, nék khók ne owará꞉kate í꞉ken.”

1 Samuel 2:15 ပူးပေါင်းရင်းမြစ်များ

Exodus 12:9

Tó꞉sa thènnen ísewak ne okàhthe íken tó꞉ka ó꞉ni ne tekaʼnekonhtiéton, ók ne isewák naʼkwékon wateskónhte, tsewaʼkwékon nonónhtsi, oshí꞉nas, tánon ne kaiátakons.

Leviticus 3:16

Ne ratsihénsthatsi kwáh akwékon enhátʼtsahate kí꞉ken ne ietsienharáhkwahke né꞉ne ká꞉khwa íken tsi ronhwatáti né꞉ne kwáh rahwerienhtiʼióstha ne Roiá꞉ner. Akwékon ne iorèsenhs Roiá꞉ner rahó꞉wenk.

Romans 16:18

Asèken ónhka ne thóh niʼieweiennóten iáh kíʼ Kerístos sonkwaiáner tehonwahiótense, nók nek khók ronnonthónnions tsi nahóntiere ó꞉ni nahóten ahónneke. Kawenníʼios rónstha ó꞉ni tekarénsaron tsi ní꞉ioht tsi rontátis sakotinikonrahténnis ne tionkwetaiéris.

Philippians 3:19

Kwá onèson iahonahthakwariʼshatonʼhátie! Rathinekwentáke ne konwhasénnaiens tánon thonathaterénsaron tsi nihontiéra ne iohteriwhatehasónha. Ákwe nék khók rononthonʼnióntha ne tsi ionwentsiáte ahoriwhasónha.

Jude 1:12

Tsi kwáh iáh othé꞉nen tehontéhens tsi rothinikhirenháties kwáh thóh nihatiʼiathóten tsi ní꞉ioht ne kwáh tehiótion aʼiorakwarake tsi skat꞉ne sewatetkwáhere. Kwáh ronnónhak khók rontatéiare. Thóh nihatihiatóten tsi ní꞉ioht ne hiotʼtsatáre tsi iahóte iakáhawe, nok iáh othé꞉nen tekakennoréstha. Thóh nihatihiatóten tsi ní꞉ioht ne iáh othé꞉nen tewahianihiontʼtha ne kehrite, ó꞉ni ne kaneʼnahke꞉ne, né kehrite ne iohtenaharóhtion tá꞉non kwáh iehiokontákwen iawenhéion.

1 Samuel 2:14

tánon thóh iathenhá꞉wesheʼte onták꞉ne, kháhs ne iohón꞉ronhte, khéhs teienekontsetá꞉kwahke ontákne, khéhs ionteskontá꞉kwahke; kwáh tsi níkon ne tserahwestá꞉kwah iatenkawáhrakwe ne ne ratsihénstatsi khók enrá꞉ke. Thóh kí꞉ken nihotiʼiéren ne Shiloh nón꞉we kwáh ratiʼkwé꞉kon ne Israerʼró꞉nons neh thóh nón꞉we nihó꞉ti.

1 Samuel 2:16

Tánon tó꞉ka ne rónkwe enhawénhase, “Áhnion ne tontiérek rontsá꞉hat ne iórehsen, tánon eʼthó꞉ne iahá꞉shaf tsi nenhtesaská꞉neke,” kwáh nénh ne enhén꞉ron, “Iáh, kwáh ó꞉nenk tsi entesát꞉kaʼwe ón꞉wa; tó꞉ka iáh, kwáh kiʼ tentkanónton tsi ienkhaʼwe.”