1 Samuel 2:13 - Ohiatonhseratokénti

¹³ khés tsi nihotiʼiotenseró꞉tens ne ratiʼtsihénstatsis tsi nó꞉kwah nonkweʼó꞉kons. Nó꞉nen nón꞉kak ne enhionteriwaténtsiaʼte nahionteskón꞉ten, ne ratiʼtsihénstatsis raotiʼnhá꞉tshera éntre, tsi nikaríhwes nowáhron teionekónties, ne ráhawe ne áhsen naʼteionatóken tserawestákwah,

1 Samuel 2:13 ပူးပေါင်းရင်းမြစ်များ

Ezekiel 46:20

tánon wahénron, “Kén kíʼ nónhwe ne rothikháres naʼtenhatinekónhtsethe nowáhron niahóntkaʼwe nahonteskónthake ne kariwáneren aoriwáhke tó꞉ka ó꞉ni né꞉ne ahonsakakharhiákon tsi akaró꞉ronhke, tánon ahonthariháthonke tsi iewatʼkáwen nothésehra, ne káti ne tó꞉sa othènenh ne iotokénti niakaiakénhenke nátsthe nonhtenhenráhti, tsi níwe nahiakokarónhniathe nonhkweshón꞉ʼa.”

1 Samuel 2:14

tánon thóh iathenhá꞉wesheʼte onták꞉ne, kháhs ne iohón꞉ronhte, khéhs teienekontsetá꞉kwahke ontákne, khéhs ionteskontá꞉kwahke; kwáh tsi níkon ne tserahwestá꞉kwah iatenkawáhrakwe ne ne ratsihénstatsi khók enrá꞉ke. Thóh kí꞉ken nihotiʼiéren ne Shiloh nón꞉we kwáh ratiʼkwé꞉kon ne Israerʼró꞉nons neh thóh nón꞉we nihó꞉ti.

1 Samuel 2:22

Ó꞉nen ne Eli kwáh í꞉ken tsi roksténha. Waʼhariwáronhke tsi nishakotiʼiéraʼse ratiʼkwé꞉kon ne Israerʼró꞉nons, tánon tsi ní꞉iot tsi skát꞉ne rónhrats ne konhnón꞉kwe tsi niká꞉ien iotiʼióte tsi iehiontawehiatʼtákwah naʼtoserá꞉kon ne tsi iontkenhnisahákwah.

1 Samuel 2:29

Nontiéren kátiʼ tsi naihsatetʼtséntaʼke tsi taskanéraʼke ionkateskontáni ó꞉ni ne iontáti nètho waʼkatenhnhá꞉hon, tánon sénha ne ietsikweʼniénstha ne sewanekenteronhtieraʼshónhas tsi ní꞉ioht ní꞉ih ne tsi neh sewarehsentsthákwah neh kwáh tsiórehsens ne akwé꞉kon tionká꞉wis nakonkwetaʼshón꞉ʼahs Israerʼró꞉nons?’