1 Samuel 2:12 - Ohiatonhseratokénti

¹² Nón꞉wa ne raoʼnekenteronhtsheraʼsónhas ne Eli tenonkwetahétʼkens; iáh othènen tehoniónhni ne Roiá꞉ner

1 Samuel 2:12 ပူးပေါင်းရင်းမြစ်များ

1 Kings 21:10

Thó꞉ka niháti ietsínanh né ratinikonhrátha nahonwarihwáro kwáh tsi nithotseráton né tsi nihosenhnaieshá꞉tha ne Rawenni꞉io ó꞉ni ne ronhnonhtí꞉io. Ethòne ástsʼte nakanathá꞉ti niatsisewahiathénhaf tánon tsi sewanenhiónhiak tsi rénhie.”

1 Kings 21:13

Né tenihiáse né nihnikonhráhtha onhkwétake tsi wahonwarihwáro ne tsi nihoseniaiesátha ne Rawenni꞉io ó꞉ni ne ronhnonhtí꞉io, káti átste nakanatáti niahonwahiathénhawe tánon wahonwanenhióhiake tsi nióre iarénheʼie.

Jeremiah 2:8

Ne rohkháres iáh othènenh tehoriwahnónhton, ‘Kahnónhwe níhres ne Roiá꞉ner?’ Ne kwáh Í꞉ih akonhkwéta ne rohkháres iáh tehatientéri; Ne ratiʼkoráhsons iáh tehionkewenhnahráhkwen; ne rohtitokénhse Baal rahosénnhakon tsi wahontháti tánon wahkonhwahsénnahien ne iáh othènenh tekariwástha kahiatónni.

Jeremiah 22:16

Kwáh íken tsi ioiánereh tsi nashaʼkotiérahse ne iakóten, tánon akwékon ioiánereh tsi naháwenhne ne rahoriwáhke. Thóh kíʼ niʼiáwenhs nahonwahientériʼke ne Roiá꞉ner.

Jeremiah 9:3

Kwáh tsiókonhte tsi ronahthateweiennenhtáhon nahonnhówenhte; kanikonhráhton tsi ní꞉ioht ne kariwahkwarishión꞉tshera né wahsáhrihʼne tsi ionwenhtsiáte. Ne Roiá꞉ner ráton, “Nakonhkwetashón꞉a kwáh tiehothithakwahrishiáton kén niehathihiéra ne kariwahétken tánon iáh tehionkeriwahniráthi tsi Í꞉i ne rahotiʼNí꞉io.”

Ezekiel 22:26

Ne rothikháres tehothihiákon natianerénsehras tánon iáh othènenh tehathikweniénstha nahoténsons ne iotokénti. Iáh othènenh tatehathitíhas nahó꞉tens ne iotokénti tánon ne iáh teiotokénti. Iáh teshakotirihonniénhnis tsi natetʼtsaktíhen ne iotkwéniens tánon ne iáh teiotkwéniens oriwahsónhas, tánon iáh othènenh karíhwah tèken nawenhtatokenhtíke. Né iónhnis nonhkweshón꞉ʼa ne Isareró꞉nonke iáh tehiontkweniénstha.

John 16:3

Neh ȣaonni eh nenhietsiierase ne tsi iah teionkhiienterhaon ne Rakeniha, iah oni nii.

John 17:3

Kenh kaien enhiakaonnhete onȣe: neh naiakoterientarake tsi sonhaa ok ne Niio, nok ne tetsiatorion, Iesos-Keristos.

John 8:55

Iah se sane tetsiseȣaienterhaon; nok tanon nii riienteri: nok nakiron iah tehiienteri, eh ki naonkenoȣenseke, tsiki nise niiot: riienteri ki neneh nok riȣennarakȣa oni.

Romans 1:21

Ronwaientéri ne Rawenni꞉io, nók iáh kíʼ theʼtonwáwis ne kakweniesthá꞉tshera tsi natehiothonwentióʼon, tóhkas ó꞉ni tahonwanonweráton. Sénha wahathitaráhetʼte tsi nihonanonthonniontserótens tánon ononwaroríhta iahónton tánon tsi iáh thènen tèwah ne rathinontsínes neh káti kananónkton ne kariwáksens.

2 Corinthians 6:15

Iatén꞉ro ken ne Kerístos tánon ótkon? Enwá꞉ton kenʼ ne tiakawehtáhkwen tsi nonkwá꞉ti ne Niióhne shakaʼnikòn꞉ra akénhake ne iáh tetiakawehtáhkwen?

Deuteronomy 13:13

né꞉tho otià꞉kes ne iáh othé꞉nen tehionkweʼtastathé꞉nion ne sewentióhkwakon wahonwanatahará꞉kwahte nonhkweshón꞉as ne rahotiná꞉takons né꞉ne akonwashén꞉naien ne nihioʼokón꞉as né꞉tho iáh nonhwénton teʼkonhwashén꞉naien ne tiotierénhton.

Deuteronomy 13:14

Tó꞉ka thé꞉nen ensewarihwá꞉ronke ne karihontienónties, kwáh tokén꞉en sewarihwísak; tánon tó꞉ka tó꞉kenske í꞉ken kí꞉ken karihwahétken é꞉tho nihiawénhen,

Judges 19:22

Kwáh í꞉ken tsi ronathonhnáhere kwáh thonthahiawénhstsi thó꞉ka nihionkwétakes ne kenhtésehra ronatenikonhrahetkénhton wathonwatiʼnonhsanáke tánon tahontásawenh wahatinoháhiake. Wahonwénhase ne roksthénha, “Tatʼtsiatínekenf tí꞉ken rónhkwe ne thatsaténhawe! Tehionkwahthonhontsóni ne rahónha skát꞉ke ahiakwahtenikonhró꞉ri”

Judges 2:10

Nó꞉nenh nètho kawatsirathátse shahonhníheie, ó꞉ia kawátsire sahonhnákerate iáh né othènen tehonwaientéri ne Roiá꞉ner ó꞉ni tsi nishakotiéraʼse Israerʼró꞉nons.

1 Samuel 10:27

Ók ótiakes ne iáh ohthé꞉nen tehatirihwásthas wahonní꞉ron, “Ónh ní꞉iot tsi ahakwéni kí꞉ken rón꞉kwe nashonkwanónstaʼte?” Wahonwaʼkén꞉ron tánon iáh ohthé꞉nen tethonwaʼhawiʼtén꞉ni nahón꞉ion. Ók ne raón꞉ha skénnonk thahataʼtónhni.

1 Samuel 25:17

Ó꞉nen kiʼ thóh nón꞉we naisateréntahrak kí꞉ken tánon tetsatóret onkwanáshiere; asèken ne kariwahét꞉ken teioiatoréhton tsi nòkwah ne shonkwaiataʼkwení꞉io tánon tsi nòkwah nakwé꞉kon tsi rononshó꞉tons; ne raónha tsi nironkweʼtahétken nètho iáh ónka tewátons ne tanitháren.”

1 Samuel 3:13

Asèken í꞉i riʼró꞉ri nètho í꞉i tsi ó꞉nenh thó꞉wa akréwaʼte ne tsi ronónshoʼte ne ne tsi nénhwe enkén꞉hake, asèken ne kariwahetkénhsera tsi roteriéntaraʼkwe, tsioríwa ne raoʼnekenterashón꞉ʼahs tsi ronwariwaiesaténhnis ne Ní꞉io, tánon iáh teshakoríston.

1 Samuel 3:7

Nón꞉wa ne Samuel arèko shiʼhoientéri ne Roiá꞉ner, tánon ne raowénhna ne Roiá꞉ner iáh arèko shiʼhonwarihotashiénhni ne raonháke.