1 Samuel 2:10 - Ohiatonhseratokénti

¹⁰ Ne Roiá꞉ner ronwáswenhs kwáh kiʼ enhionthatá꞉tonhte; ne kwáh éhʼneken thót꞉te kwáh entʼtáwere thóh karonhiáke. Ne Roiá꞉ner kwáh enharíwente tsehionhontsakwé꞉kon; raón꞉ha enhoshaststénseron ne raonnontí꞉io, tánon enhoshastsʼtenserowaʼnénhake ne rohiatarákwen.”

1 Samuel 2:10 ပူးပေါင်းရင်းမြစ်များ

2 Samuel 22:14

Né Roiá꞉ner kwáh ó꞉ni waʼhawéraste ne tsi karonhiáte, tánon ne raowénhna ne Kwáh Éhʼneken Tótthe waʼhonwahwenhnáronke.

2 Samuel 7:13

Kwáh raón꞉ha enhakenonsónhnien nononsatokentiʼkówa, tánon kwáh oriwí꞉io enkónhni ne raonakerá꞉sera tsi nènhwe enkathá꞉tse.

2 Samuel 7:8

Nón꞉wa ne káti tsi nahó꞉ten entsró꞉ri nakenhá꞉tshera Táwit: Ratón꞉ne Sakoroniakerónons: Í꞉i iekonnónkon ne tsikonwatiterontákwah ne watenhenrowanénhke, tsi shenikonrahrátsieskwe teiotinakarontónha ne naseiatenontí꞉ioste nakonkwetashón꞉ahs Israerʼró꞉nons;

Job Tánon ne Raoronhiakensera 40:9

Thó꞉ken nisenentsó꞉ten tsi ní꞉ioht ne Rawenni꞉io, tánon enskwé꞉ni ken asewé꞉raste ne sawénhna tsi ne ní꞉ioht ne raowén꞉na?

Psalms 132:17

Thóh nón꞉we nenhkateriwaʼthéntiaʼte tsi nenhishaststénhseron ne Táwit iatehahiati; watkwahtákwen natónnets nahonhtahí꞉hion ne rihiatará꞉kwen.

Psalms 148:14

Sakoshaststenhseráwi ne rahonkwetaʼshón꞉has, tehonwanonweráton akwékon tsi niorihwatóken, asèken nonkweshón꞉has Nisraeronónke rahiatát꞉ta rónhnes. Tehonwanonweráton ne Roiá꞉ner!

Psalms 2:2

Né rotinontí꞉ios nonwenhtsáke wahonthateweienénhtane nateriʼiósehra, tánon skát꞉ne wahontkenhnísa ne ratikoráshons, nahonwatkónten ne Roiá꞉ner tánon ne ronwahiataraken, ronhtónhnions,

Psalms 2:6

“Ríh꞉teron nakenontí꞉io ne Zion nón꞉we, né nakenonthatokentíke nón꞉we.”

Psalms 2:9

Kwáh thenséhiake karísthatsi enshathenhnitseronhniáthakwe né꞉ne tehioristhónton tsi iehiótʼte, kénk níwas tsi tesheiatʼthókwat tsi ní꞉ioht ne otára kátshe.”

Psalms 20:6

Ónen kíʼ waʼkateriéntare ne Roiá꞉ner kwáh enhoiénawase ne rohiatará꞉kwen; kwáh tenhorihwasehrákwahse thóh nón꞉we nénhtewe ne iotokénti raówenk tsi karonhiáte tsioríhwa ne ne Roiá꞉ner tsi nihashástste, rosniénons ne ronhnontí꞉io nasahkosénhni ne ronwáswenhs.

Psalms 20:7

Ótiakes ne teiakothaterenhsaronkwáhton ne otsiónkwas, tánon ótiakes koshá꞉tens nenhné꞉e teiakothaterenhsaronkwáhton, ók nonkwanaieséhra né꞉ne raosénhnakon ne Roiá꞉ner onhkwahNí꞉io.

Psalms 21:1

Sashaststenserákon ne ronhnontí꞉io nón꞉we nihatsenhnonniatákwah, Ó Saiá꞉ner, tánon sahienawasehtsherákon nón꞉we nihatatsenhnakarátats!

Psalms 28:8

Né Roiá꞉ner rahónha ne kashaststénhsera í꞉ken tsi nòkwah ne rahonkwetaʼshón꞉ha; thó꞉nes tánon roʼnónstats ne roʼhiataráhkwen ronhnontí꞉io.

Psalms 45:7

sehnorónkwah nahóten ne tkariwahiéri tánon skenrónni nahóten ne iáh tetkariwahiéri. Né ká꞉ti aoríhwa ne Rawenni꞉io, ne Shaʼní꞉io, í꞉se iahiatará꞉kwen nahisanontí꞉ioke tsi ní꞉ioht nón꞉kak akóren rónkwe, tánon sénha wé꞉so thowéron natʼtsenhnonhniátshera ne shonháke sénha tsi ní꞉ioht ne ronátsiakes roʼtinontí꞉ios.

Psalms 89:17

Asèken í꞉se ne raotiʼshaststénhsera í꞉ken tsi thóh nón꞉we nihotiʼiatanerákwat; Né꞉ne sashaststenhseroʼwanenhkó꞉wa waʼhonkwasniénon tsi waʼhakʼkhisénhni ne hionkhíshons.

Psalms 89:24

Nakerihwatokentítsera tánon ne iorihwató꞉ken akenoronhkwáhtshera tsi ensenikwekónhake; tánon aksénhnakon tsi tsókonhte enisnienónsehke nashakosénhni ne ronhwáshons.

Psalms 89:25

Kwáh énkonste ne raonakerá꞉sehra né꞉ne Mediterranean entewaʼtáshawenh iénwahne ne Euphrates tkaniataratátse.

Psalms 96:13

raohénton ne Roiá꞉ner; asèken tarèse, asèken tá꞉re nahá꞉rihwenhte ne tsi ionhontsate. Kwáh né enharihwénhthakwe ne tsi ionhontsáte ne karihwaʼkwarihshióntsheras, tánon tsi nòkwah nonkweshón꞉has neʼnéʼe ensakorihwénhthakwe noriwiʼiohónwe í꞉ken.

Psalms 98:9

né꞉ne tsi nón꞉we níres ne Roiá꞉ner, asèken taré꞉se ne naharíhwenhte tsi ionhontsáte. Kwáh kí karihwaʼkwahrishiontserákon tsi enharíhwenhte ne tsi ionhontsáte, tánon tsi nòkwah nonhkweshón꞉has kwáh kíʼ nonʼnéʼe sathehiotónhake.

Exodus 15:6

“Né sehseweienteʼtáhkwen, Saiá꞉ner, ioneráhkwat tsi nihioshatsʼtenserowáhnen; ononwénhseri iakahónhnis tsi tehiakohiataʼríhtha ne tehontátʼtshons.

Ecclesiastes 11:9

Nitisewahiónhsa, sewathonhnárak tsi ken nitiʼsewahiónha. Sewatʼtsenonhníhak tsi shé꞉kon ken nitiʼsewahiónha. Thóh nahsewáhier tsi nísewehre, tánon sehwáhser tsi nitewaskáneks ne sehwerhiá꞉ne. Ók sehwehiá꞉rak tsi Rawenni꞉io tentsisewahiatórehthe kwáh tsi nenhsewáhtsere.

Ecclesiastes 12:14

Rawenni꞉io kwáh oriwakwékon tehahiatórehthe tsi nenhtewátiere, ahioianeréhake khóni nahonhetkéntahke, iehióhe tsi nahionkwatiérenhke nathaséhtonhke.

Isaiah 29:6

Ní꞉se kwáh enianatarénase ne Sakoiá꞉ner ne ronterí꞉ios ratironhiakeró꞉nons né entahá꞉wite ne kawéhras tánon ne tahiahontsishónkwa tánon kowánen tsi nathenhiotón꞉hare, ne entahá꞉wite ne katsiskahionhniátha tánon ne iowerashátste, tánon notónhkwah ne watóntha ótsire.

Isaiah 32:1

Satkátho, ne ronnontí꞉io kwáh né enhatenonhtí꞉ioste ne karihwaʼkwahrihshióntshera; tánon ne ratiʼkoráshons kwáh ne enhontkóraste ne tkarihwaiérih.

Isaiah 45:24

Kwáh rahonháke khók ne Roiá꞉ner, nón꞉we nenhionkʼthá꞉rakwe, né꞉ne karihwaʼkwahrishióntshera tánon kashatsténhsersa; tshiehatiʼkwé꞉kon ne ronhwaná꞉kwase kwáh rahonhàke nentʼthón꞉ne tánon enhonwanatéhate.

Ezekiel 29:21

“Nónenh et nenhiáwenhne, kwáh enkhehiónhnien nonhkweshón꞉ʼa ne Israerʼró꞉nonhke nahatishástsʼtenhne tánon nahónton ní꞉se Ezekiel, nashatháti kwáh tsit nónhwe nahónton nahiesatʼthóntene, ne káti nahonahteriéntarahne tsi Í꞉i ne Watiá꞉ner.”

Matthew 25:34

Ethone ne Ronontiio ensakaȣenhase tsiniiakon tsi raȣeientetakon iakoiatontieton: karo kasene ise ne Rakeniha hetsiseȣaiatateriston, seȣataȣeiat tsi nonȣe niietsinaktaseronnienni sontontonȣentsiatasaȣen.

Matthew 28:18

Nok akta ȣarete ne Iesos ȣasakaȣenhase; kasastenserakȣekon ionkaȣi ne Karonhiake oni nonȣentsiake.

Luke 1:69

Oni tsi ȣasontion enskat ne rosastenseroȣanen nasakoiatakennha Taȣit raȣatsirakon ȣahaiakenne.

Luke 19:27

Nok kenh kaien ne ionksȣens oni iah tehonathontaton akheiaststeriston karo nontaietsiiatenhaf nok akkenton ietsiiaȣentho.

Acts 10:38

Sewateriéntare tsi nókwa ne Ié꞉sos Kerístos ne Nazarethro꞉non, tánon ó꞉ni ne Rawenni꞉io tsi nihohiatanorónston nikwékon ne Ronikonrarokén꞉ti ó꞉ni ne kaʼsatsténsera. Kwák tsikʼnonwéson niehawénon, ioʼiánere tsi nihotieránion ó꞉ni akwékon sesakotsientonhátie tsi nihiákon nehne iakotsenawáston nonesonrónon rahosatsténsera, Asèken nikwekón꞉ne ne Rawenni꞉io.

Acts 4:27

Asèken ne Herod tánon ne Pontius Pilate skátʼke tehonatátʼken ne kén꞉en kanátakon ratikwékon ne iáh tehatiʼsitaerónons ó꞉ni ne Israerʼró꞉nons nahonwatʼkónten ne Ié꞉sos, ne Rohiatathokénʼti sanátsera, tsi nikáien neh Kerístos tiónʼni.

2 Corinthians 5:10

Akwé꞉kon ne Kerístos tsi tewaiaʼtátson tenshonkwaiaʼtó꞉rehte naioianeréhake tóka ó꞉ni tó: naontakahetkén꞉take tsi naionkwatié꞉ren ne tewaieròn꞉ke tsi náhe tionhnhétie.

Judges 5:31

Aiáwens kíʼ ratikwékon ne shasóhtar thóh ní꞉ioht tsi ahonhníheie, O Saiá꞉ner, ók aiáwens ne sateró꞉seras thóh ní꞉ioht tsi tahononhkwetátʼtheke tsi ní꞉ioht ne tahiorakwenhnikenhátie! Tánon káti skénnenk thikènʼne ne tsi ionhontsáien né꞉ne kaiéri niwásenh nihiosehráke kènhʼne.

1 Samuel 12:13

Sewatʼkátho, ne kí꞉ken ne ronnontí꞉io tsi niká꞉ien tsisewaiatará꞉kwen, asèken raón꞉ha tsisewariwanónton; sewatʼkátho, ne Roiá꞉ner wahó꞉teron ne ronnontí꞉io raón꞉ha atsisewanontí꞉ioke.

1 Samuel 12:17

Iáh kén ná꞉ʼa tsi niʼieientkwákwas noná꞉tsa nón꞉wa wenhniseráte? Í꞉i kwáh ienhináton ne Roiá꞉ner, neh nahontahaténieʼte nakawéh꞉re ó꞉ni aiokenhnó꞉re; tánon ní꞉se kwáh ensewateriéntaraʼne tánon ensewatkátho tsi niʼioriwatsáni nètho ní꞉se tsi nishewatiéren raohén꞉ton ne Roiá꞉ner, ne tsi nisewarihwanónton naʼisewanontiʼiotseraiéntaʼne.”

1 Samuel 12:18

Káti ne Samuel iahonáton ne Roiá꞉ner, tánon ne Roiá꞉ner tahaténieʼte ne owèrha tánon nokenhnoréhsera nètho wenhniserá꞉tekwe; tánon onkweʼtakwé꞉kon teiotenonianíton tsi nahonwakwéniensʼte ne Roiá꞉ner ó꞉ni ne Samuel.

1 Samuel 12:3

Kénʼen í꞉kes; serihwanírat naskatʼkónten raoʼhén꞉ton ne Roiá꞉ner tánon raoʼhén꞉ton ne roʼiatarákwen. Ónhka raoʼtshé꞉nen ne teonákares tionhnhónskwaron iehiʼiaténha? Khéhs ónka raoʼtshénen tehahóntes iehiʼiaténha? Khéhs ónhka ahinikonraténhni? Ónhka ahironhiakénton? Khéhs ónhka ratsanáke nón꞉we nahontónkʼkha tsi tahionkhetsiketároʼse ne ne tsiaʼtahonkateronwékon? Seriwaní꞉rat naskatʼkónten tánon kwáh kiʼténtʼtion tsi nahó꞉ten ne iahónkʼkhake.”

1 Samuel 15:28

Tánon ne Samuel wahawénhaʼse ne Saul, “Ne Roiá꞉ner kwáh waharátion ne sanakerá꞉sera NÍsraerʼronónke nisèke ne kwáh nón꞉wa wenhniseráte, tánon ne tashakáwen ne tesewatonhonsanéken, tsi ronónha sénha rotiʼiánere tsi ní꞉ioht ní꞉se.

1 Samuel 16:1

Ne Roiá꞉ner wahawénhase ne Samuel, “Tohá꞉kwa nikarí꞉wes tsi entsationniónhkwen ne Saul? Ní꞉i rikenronníhon nahonontí꞉ioke ne NIsraerʼronónhke. Ne í꞉senanh ne katshénen aonakarakénʼen ne iakenʼiewá꞉tha kénhie tánon tho iahá꞉se, Ní꞉i kwáh ienkoniaténieʼte tsi thénhteron ne Jesse ne ne Bethlehemró꞉non, asèken ní꞉i neh wakathaterakwénhni ne iatetsiá꞉ti ne ahotinontí꞉ioke ne sakohiohokónʼahs.”

1 Samuel 7:10

Ne Samuel tsi nioteriwaʼthentiáton tsi rotenaskwaʼtsahʼáhton ne thoiéston, ne Philistines ákta waʼhón꞉nete niaʼsakonatsatónhti NʼIsraerʼró꞉nons; nok ne Roiá꞉ner wathohénrehte karonhiáke nontáwe kwáh ne ne waʼká꞉wereh nètho shiʼwenhniseráteʼkwe tsi iashakotiatónhti ne Philistines tánon neh watonnahniʼtonhniáten; tánon sahontèko raotiʼhén꞉ton NʼIsraerʼró꞉nons.