1 Samuel 19:9 - Ohiatonhseratokénti

⁹ Eʼthóhne kanikonrahét꞉ken tahaténieʼte ne Roiá꞉ner ne wahó꞉rahne Saul, tsi nihenskó꞉te raonónskon rahá꞉we ne raosí꞉kwahra; tsi neh nikaríwes ne Táwit roterenʼnhó꞉tes.

1 Samuel 19:9 ပူးပေါင်းရင်းမြစ်များ

1 Kings 22:22

‘Onhní꞉ioht?’ ne Roiá꞉ner waʼharihwanónhton. Né raronhiakeró꞉non watharihwaseráko, ‘Thóh iénke tánon ratikwékon ne Ahab rahonkwetashón꞉ʼas rotitó꞉kense enkhehiónhnien nahonhnó꞉wenhthe.’ Ne Roiá꞉ner wahénron, ‘Wáhs kíʼ tánon tetsenikonhrakénhni. Kwáh kíʼ ensaterihwathénhtsaʼse.’”

1 Samuel 16:14

Nón꞉wa ne raoʼnikonratokénti ne Roiá꞉ner éhʼren sawehte rahón꞉hake ne Saul, tánon kanikonrahét꞉ken tahaténiete ne Roiá꞉ner neh nahoronhiákente ne rahón꞉ʼa.

1 Samuel 16:15

Tánon ne Saul raonhatserashón꞉ʼahs wahonwénhase, “Sát꞉kato ó꞉nenh, ne kanikonrahetʼkénsera tahaténieʼte ne Ní꞉io ne nahiaronhiákente.

1 Samuel 16:16

Áhnionh kiʼ ó꞉nenh nonkwahiá꞉ner sakó꞉nhan ne raoʼnhatsherashón꞉ʼahs tsi ronónha teiesarihwásnieʼse nahonnonhkwetísahke ón꞉kak ne rorenhnáhon ahaterenhnó꞉ten ne iehonrawátsta; tánon nó꞉nenh ne kanikonrahetkénsera ne toteniéton Ní꞉io enshatiénhase, ne rahón꞉ha kwáh kiʼ enhaterenhnóten, tánon ní꞉se kwáh kí enshonní꞉ione.”

1 Samuel 19:8

Shé꞉kon sonteriʼioseraién꞉taʼne, tánon ne Táwit iahá꞉re nahonterí꞉io ne Philistiaró꞉nons. Ne raónha ne wahakétsko ne iókste tsi iasakotiatónhti, ne wakarihónhni sahontèko ne rahohénton.

1 Samuel 22:6

Nón꞉wa ne Saul wahothóntene nètho Táwit tsi wahonwarihwatsénhri, ó꞉ni ne ronhnón꞉kwe ne ratikwekonhátieskwe ne raón꞉á. Ne Saul thóh renskó꞉tahkwe ne Gibeah nón꞉we, ná꞉kon tsi iorón꞉tote ne Tamarisk oh notoharahkéniaʼte tsi ionhniá꞉here, ne rahá꞉we ne raoshí꞉kwahra, tánon ratikwé꞉kon ne raonhatserashón꞉ahs ronhnéton rahiatákʼta.