1 Samuel 19:5 - Ohiatonhseratokénti

⁵ asèken thóh wahathatonhnáren ratsanáhke nó꞉nen shiaʼhotiatónhti ne Philistiaró꞉non, tánon ne Roiá꞉ner tahá꞉hawe kowánen atesenhniétshera nakwé꞉kon akorihwáke NʼIsraerʼronónke. Ní꞉se satʼkáton, tánon satonhnaráhon; onhnontiéren ká꞉ti tsi asherihwánerake tsi nòkwah ne iáh tehoníkon rón꞉kwe ne tsi atieʼnonhwarhiákon Táwit ne kwáh iáh othènon teiorihonhníhon?”

1 Samuel 19:5 ပူးပေါင်းရင်းမြစ်များ

2 Samuel 23:10

ók iáh kí ne éhren tesawé꞉ton. Ne rahónha wasakononwarhiakhónnion ne Philistiaró꞉nons tsi niió꞉re iathanenhtsakénheie, kíʼ shá꞉ne ne ratshanáke thóh rosará꞉kwakon. Ne Roiá꞉ner tahahá꞉we kowánen atesenhniétshera nètho wenhniserátekwe. Eʼthó꞉ne nonkweʼókons rahonhá꞉ke nionsáien—ók ne khók nahonwatinenskwenhá꞉ton ne roʼnenhéions.

1 Chronicles 11:14

ká꞉ti ne rahón꞉a ó꞉ni ne rahonkwetaʼshón꞉as satekahentíʼen nón꞉we wahonhenróten tsi wahonterí꞉io ne Philistiaró꞉nons. Né Roiá꞉ner kowánen natesenniétshera tahá꞉wen.

1 Chronicles 11:18

Né áhsen nihá꞉ti ne ratisennowáʼnens ronterí꞉ios thontaʼonhnónton tsi iahontáweiaʼte tsi rohnatathóʼserohte ne Philistiaró꞉nons, iahatiʼnekó꞉tsenhte tsi tsonáʼwerohte, tánon iahonwanekenhawíten ne Táwit Ók iáh kíʼ teʼonekíren; khèʼkhok kíʼ waʼhanekáweron né Roiá꞉ner wahotát꞉tie

Psalms 109:5

Ioiánere tsi nikhehiatiéraʼse, ók né tiontkariakthénhnis ne karihwaʼhétken, khenorón꞉kwah, ók iónkshons.

Psalms 119:109

Tiotkonhónwe ne tsi kónnhe iotʼteronhónwe nakíheʼie; ók iáh kíʼtewahkenikonrénhen ne saianerénhsera.

Psalms 25:3

Tsi niʼiákon ne tsesehthákwen kwáh kíʼ iáh thahionthatesénhni; né khók tsi niʼiákon ne ratihiataʼstó꞉re naiesarihwá꞉kwaʼse.

Psalms 69:4

Tsi nihiákon ne iónk꞉shons sénha ne ronatsokowánen tsi níkon waʼkenonkwiseróhte ne kenontsíne né tsi nihiákon iónkʼshons né꞉ne kwáh iáh othènen tetsiorihonhníhon; né ró꞉natsiokowanen satehatinón꞉wes nahionkatonhte, né iónkshons onó꞉wenhs tsi nihionkerihwáros. Nahóten ne iáh tewaʼkenénskwen ónen né énstsien?

Psalms 94:21

Iesakonatsatónhtses ne tionkwetaiéris, tánon sakotinonhtánats ne iáh tehiakoníkon nahonhníheʼie.

Exodus 14:13

Ne Mahís waʼthariwasehráko, “Tó꞉sa sehwaʼteronhiénten! Sehwaʼnikonhraʼnirónhak, tánon ensewatʼkátho tsi nenháiere ne Roiá꞉ner tsi entsiʼsewaʼnóns꞉thate nónhwa wenhniseráte; kwáh iáh shé꞉kon nonhwénhton tahonsaʼietʼtsíken ne Egyptró꞉nons.

Jeremiah 26:15

Ók kwáh sehwahriwaʼhienteríhak kí꞉ken: tó꞉ka enskwahnonhwahrhiákon, i꞉se tánon ne kíʼ kanathakonhró꞉nons tsi ensehwáhniʼke tsi wahtsiʼsehwaʼnonhwarhiákon ne iáh thènen tehosthónton, tsioríhwa tsi ne ne Roiá꞉ner thakathó꞉rion nakwahronkáten kí꞉ken.”

Matthew 27:24

Pilat Sahattoke tsi iah othenon ohriȣa tehatons, ok ehken tahonkȣisronne, Oneka ȣahariȣanonton. Akohenton nonkȣeokon eh ȣahatsiohare nok raton: iah othenon teȣakiatoron ne raonekȣensa; ise kati enseȣateriȣaketate.

Matthew 27:4

Ratonne: onkennhike kanekȣensanoron ȣakatenninon. Tahonniron ii kati ken onkȣariȣa? Satateriȣaseronnien ki ȣahi nise.

John 15:25

Neh ki tanon nehne ne iakaierine tsini kaiaton ne raotiiatonserakon: ok tiȣakstonstston tsi ionksȣenhon.

Acts 20:24

Kheʼrenkátiʼken ni꞉i tsi kónʼnhe iáh thé꞉nen satèkena tèken; nek khók níhkere ne hiatakókʼten ó꞉ni niákʼsa kíʼ ken kahioténsera tsi nithakáwi ne Roiá꞉ner Ié꞉sos, nahkateriwatsʼtéristhe, nehne akatʼróhri ne kariwí꞉ios nehne tsi nithoriwaiéri ne Rawenni꞉io tsi nókwa nonkwesónhas.

Philippians 2:30

Serèka ahawehéion tsi Kerístos rohiótense, tánon ehʼronnárakwe tsi nahatsniénon neh tsi nahóten ne iáh tesewakwénion nahontaskwawike.

Hebrews 2:3

Onhkáti, ne ní꞉ioht, tsi aitewahié꞉na kénhʼne tóhka iáh taitewahtennikonráhratʼte né꞉e nikowáhnen kaiatakenátshera? Rahonhatsíwah ne Roiá꞉ner tohtierénton rorihowahnáton kí꞉ken kaiatakenátshera, tánon tsi niʼiákon ronwahtontéʼon ionkwahterihwahniráti tsi tóhkenske íken.

Judges 12:3

Nónen shaʼkátʼthoke tsi iáh seh tahontésehwe, eh wakatatonhnáren tánon watʼkeristíhiake niahiakwahterí꞉io, tánon kíʼ ne Roiá꞉ner tahá꞉kon naʼtesenhniéntshera nakhesénhni. Onh káti niʼiohtséren tsi ónenh kénʼen nonhtésewe nahitewaterí꞉io ní꞉se?”

Judges 9:17

Sasewehiárah tsi rakeníha etʼtsisewaterí꞉iose. Ehʼronhnárahkwe tsi satsisewaniákenhte tsi nòkwah ne Midianró꞉nons.

1 Samuel 11:13

Ók ne Saul wahén꞉ron, “Iáh ónka tahionthaʼtenonwarhiáʼkhon nón꞉wa wenhniseráte, asèken ón꞉wa wenhniseráte ne Roiá꞉ner taháhaʼwe tsi sasahkonónstaʼte NʼIsraerʼró꞉nons.”

1 Samuel 14:45

Eʼthó꞉ne nonkweʼókons wahonwénhase ne Saul, “Ó꞉nenk kén tsi enrénheʼie ne Jonathan, ne tsi raón꞉ha roriwakanonhní꞉hon kí꞉ken kowánen atesheniétshera NÍsraerʼronónke? Ahínon ít꞉ken! Ne tsi nironnheʼón꞉we ne Roiá꞉ner, iáh ne skanonkwísera ne ranontsíne tsiakaién꞉taʼne nonwenhtsá꞉ke; asèken ne raónha tsi nahoióten nón꞉wa wenhniseráte Ní꞉io seh wahoiénawaʼse.” Káti nonkweʼókons thonsahonwatentsaháhten tsi rónnhe ne Jonathan, tsi iáh tharénheʼie.

1 Samuel 19:6

Ne Saul wahatahonsatháte ne raowenhnaókons ne Jonathan; ne Saul waharihwanírate, “Tsi nironnheón꞉we ne Roiá꞉ner, ne raónha kwáh kiʼ iáh tahonwanonwahrhiákhon.”

1 Samuel 20:32

Ethóhʼne ne Jonathan watoriwaserákwahse ne roní꞉ha Saul, “Nontiéren tsi kwáh ahonwanonwarhiákhon? Ónhnihotiéren?”

1 Samuel 22:14

Eʼthó꞉ne kiʼ ne Ahimelech watorihwaʼserákwahse ne ronnontí꞉io, “Ónh꞉ka ne ratiʼkwé꞉kon tsi nihá꞉ti shonkwétaien thóh nahorihwatokénhake tsi ní꞉ioht ne Táwit? Raónha ne ronnontí꞉io rawenónhsa í꞉ken, tánon iostó꞉reh tsi watatkarahténi ne ne ahaterihwaténtiaʼte taiaién꞉hase, tánon tsi nihonwakweniénsta ne sanónskon.

1 Samuel 28:21

Ne iónkwe wahoiatórenhne ne Saul, tánon nó꞉nenh saó꞉ken nètho tsi nioteronhnientén꞉ni, wahawénhase, “Ne sanhá꞉tshera kwáh í꞉se wahiatahónsathate; Ní꞉i tonthakatenikonratsánite, tánon wakatahónsathate tsi nahó꞉ten waskeriwanón꞉tonhse.