1 Samuel 18:7 - Ohiatonhseratokénti

⁷ Tánon ne konnón꞉kwe watʼkonthateriwákwahse tsi nakontenikonró꞉ri, “Ne Saul sakononwarhiaʼkhónhnion tewahniawehetseráhsen nihá꞉ti, tánon ne Táwit raón꞉ha nènhne sakonʼnonwariákhon noié꞉ri tehonnenhwenʼniaweʼehtserásen ní꞉hati.”

1 Samuel 18:7 ပူးပေါင်းရင်းမြစ်များ

2 Samuel 18:3

Ók ne ronnónkwe wahonní꞉ron, “Ní꞉se kwáh iáh thóh shiá꞉se. Asèken tó꞉ka enhiakwahtèko, iáh othènon tahonsterísthaʼkwe neh nahiakwáiere. Tó꞉kaʼ satehionkwanenrí꞉hen ahiakwenhé꞉ie, iáh kíʼ othènon tahonsterísthakwe nahiakwenhé꞉ie. Ók ní꞉se oiéri tewenhniawehetseráhsen satesé꞉na tsi ní꞉iot nonkwátiakes. Asèken nón꞉wa ó꞉nen oiéri teonanienwehetseráhsen nihá꞉ti tsi ní꞉i nihionkwenhtsió꞉kwa káti ne ioiá꞉nere ní꞉se iasateriwániet ne kanatowakénʼne nahionkhiʼiatakéna.”

2 Samuel 23:1

Nón꞉wa ne kí꞉kens nonáken tsi nithotáti ne Táwit: Ne ne raowénhna ne Táwit, ne roièn꞉a ne Jesse, ne raowenhnaʼókons ne rónkwe tsi niká꞉ien ne Ní꞉io rosenhnakará꞉taton, ne ronwahiatará꞉kwen ne ne raoNí꞉io ne Jacob, ne ronwanonwéstha tsi nihashástste NIsraerʼronónke:

2 Samuel 6:5

Táwit tánon ratikwé꞉kon NʼIsraeró꞉nons teotinonniakwenhátsie ó꞉ni teotirihwakwenhátsie raohén꞉ton ne Roiá꞉ner kwáh tsi nihotishaststénhsera, ratiʼrenhnotáhtsie ó꞉ni rotinakwahehátsie ó꞉ni ronaterenhnotátsie ne onowakówah ó꞉ni ne kén nikanakwáhas ó꞉ni ne ionterakarehrasthákwah ó꞉ni ne teiotwasakweʼnón꞉ni.

Exodus 15:21

Ne Miriam waʼtshiaʼkoriwáhʼkwahse: “Tetsisewariwáhkwas ne Roiá꞉ner, tsoríwa tsi athonwesenhtsherákon rotʼkwénion; kaniatarakheʼkówah ieshaʼkohiatóntion ne kosáhtens ó꞉ni ne roʼshátens.”

1 Samuel 21:11

Ne raonhatsheraókons ne Achish wahawénhase, “Iáh kén kí꞉ken ne ne Táwit ne ronnontí꞉io tsi ionhontsáien? Iáh kén thaʼteotirihwákwen tsi natehón꞉tereh ne raónha raorihwá꞉ke tsi wathaʼtinónhniaʼkwe, ‘Ne Saul sakononwarhiaʼkhónhnion tewahniawehetseráhsen nihá꞉ti, tánon ne Táwit raón꞉ha nénhne sakonʼnonwariákhon noié꞉ri tehonnenhwenʼniaweʼehtserásen ní꞉hati’?”

1 Samuel 21:12

Ne Táwit kí꞉ken owenhnasón꞉ʼahs kwáh í꞉ken tsi iahonikonrenháwite tánon kwáh í꞉ken tsi wahotsánike ne Ronnontí꞉io Achish ne Gath nón꞉we.

1 Samuel 29:5

Iáh kén ne kí꞉ken ne Táwit tèken, ne ne ronónha wathontaterihwákwase thóh kanonhniatserákon, ‘Ne Saul sakononwarhiaʼkhónhnion tewahniawehetseráhsen nihá꞉ti, tánon ne Táwit raón꞉ha nènhne sakonʼnonwariákhon noié꞉ri tehonnenhwenʼniaweʼehtserásen ní꞉hati’?”