1 Samuel 18:4 - Ohiatonhseratokénti

⁴ Ne Jonathan wahatiatawitáhsi ne wakó꞉ses rótstonʼne, tánon ne tahá꞉wenh Táwit, ó꞉ni ne raotserón꞉nia rateriʼiosthákwa, iekaní꞉hare ne rahosarehkówa ó꞉ni ne raohén꞉na ó꞉ni ne raotiathána.

1 Samuel 18:4 ပူးပေါင်းရင်းမြစ်များ

Genesis 41:42

Eʼthó꞉ne ne Pharaoh wahanisnonsawiʼtáhshi ne kahiá꞉tonhkwe ne katsihkwènhton ne kanontiióhtshera aoteʼnientáhtshera tánon Só꞉se sahosnònhsawiʼte; ne wahohserónniaʼte ne kwáh waniaʼtarí꞉ioʼs, tánon ohwistanó꞉ron oronkwáhsa wahóhtiake.

2 Samuel 1:22

Thóh nitsiawénon ne raoʼtinekwénhsa ne ronwanawénkʼton, thóh nitsiawénhnon tsi nihonarésenskwe ne ratisháststeskwe, ne raohén꞉na ne Jonathan iáh thaʼtetsiókton, khéhs ne raosarehkó꞉wa ne Saul thaʼtetsiókton ne iáh othènen tahiorihontákwen.

Isaiah 61:10

Kwáh í꞉ken tsi kowá꞉nen enkatonnháren rahonháke ne Roiá꞉ner, kwáh akatonnhetsherakwékon iaʼtetsokétoʼte tsi enwatonnháren rahonháke nakeʼNí꞉io; asèken né ratseronhniáton naoʼtsherónh꞉niat ne kaienawaséhtshera, né rakerorókston né wakóses atiátawi ne aterihwakwahrihshón꞉tsheras í꞉ken, tsi ní꞉ioht né roniák꞉khe waharáseste wahatʼtatsitsaráh꞉raʼke, tánon tsi ní꞉ioht ne ioniát꞉khe wakará꞉seste né ionsthá꞉nion naowistanoroshónhas.

Luke 15:22

Nok ne rokstenha ȣasakonnhane ne kannhatsera: ahontahatihaȣe nok ahonȣaseronniate nakȣa niateseȣakȣenniios, nok ahonȣasnonsaȣite oni tahonȣata.

2 Corinthians 5:21

Kerístos iáh nowén꞉ton tehorihwanéren! Nok ne Rawenni꞉io eh nontahó꞉tate tsi shí꞉ken ní꞉ioht ne ahorihwanéren, eh naontá꞉we ne Kerístos ahshonkwariʼwawá꞉se ne Rawenni꞉io ahshonkwaié꞉na.

1 Samuel 17:38

Ne Saul ne wahoserónhniate ne Táwit ne rahón꞉ha raotserónhniat rateriʼiostáhkwah; ne wahanonwaróhroʼke ne otsínekwar nikaristóten iononwarotsheraníron tánon ne wahatiáʼtahwite ne tekaristaiéston.

1 Samuel 18:5

Ne Táwit ionsahahiákenhne tánon kwáh í꞉ken tsi wahoianerásten ne kwáh tsitnón꞉we ne Saul ienhoténieʼte; tsi nahá꞉wenhne, ne Saul thóh wahorihónten rahotitsiókwahkon ne ronterí꞉ios. Tanon ratikwé꞉kon ne ronterí꞉ios, iekaníhareh ne raonhá꞉tsheras ne Saul, wahatirihwahnírate.