1 Samuel 18:18 - Ohiatonhseratokénti

¹⁸ Ne Táwit wahawénhase ne Saul, “Ónhka ónhte ní꞉i tánon ónhka nakwátsireh í꞉ken, ne rakení꞉ha raowátsireh Israerʼronónke ne eh thatíteron, nètho ní꞉i ronontí꞉io rakwenón꞉sa aká꞉ton?”

1 Samuel 18:18 ပူးပေါင်းရင်းမြစ်များ

2 Samuel 7:18

Ehʼthóhʼne ne Ronnontí꞉io Táwit iahatáweiaʼte tánon thóh wahanitskwáren raohénton ne Roiá꞉ner, tánon wahén꞉ron, “Ón꞉ka ní꞉i, Ó Saiá꞉ner, natwátsire, nètho ní꞉se tastsiaʼténhawe ne kén niió꞉re?

1 Kings 4:15

Ahimaaz, né꞉ne rothiniákon ne Basemath, né nó꞉ia Solomon sakohénha íken: né꞉ne tsi kanakerasehráien ne Naphtali raná꞉kere

Exodus 3:11

Ók kí ne Mahís wahawénhase ne Rawenni꞉io, “Iáh ní꞉i onhkakʼkó꞉wa tèken. Ónh ní꞉ioht tsi akʼkwéni ne Ronhnonhtí꞉ioʼke niáke tánon ne tahonthakhehiaʼtínekenʼwe ne lsraeró꞉nons ne Egypt nónhwe?”

Proverbs 15:33

Ahtskweniénhsthake Roiá꞉ner ensarihónnien ne taiesaʼnikonhrátheʼne. Ó꞉nenk tsi enhsaní꞉tenhte nohén꞉ton nenhskwé꞉ni nahshié꞉na kakwenienhstáhtshera.

Proverbs 18:12

Iáh ónhka thatskwénienhste tsik roniténhton; nón꞉kwe iontatón꞉ni tho néntewe tsi eniontatkarón꞉ni.

Jeremiah 1:6

Watkerihwahsehráko, “Shanonhtí꞉io Saiá꞉ner, iáh tewahkateriéntahre onʼní꞉ioht tsi ahkatáhti; sóhtsi nitewahtiónha.”

Ruth 2:10

Ruth onhwentsà꞉ke niió꞉re waʼtiontsà꞉kete iahonwatárhahse ne Boaz, “Oh niiotié꞉ren tsi teskwaʼnikónhrhare tánon oh niiotié꞉ren tsi enteskeriʼwaierítshe nonhwentsakaionʼró꞉non?”

1 Samuel 18:23

Káti ne Saul raonhatsherashón꞉ʼahs wahonwaró꞉ri kíʼnikawenhnó꞉tons ne Táwit kwáh rahonhatsíwah khók kènhne. Tánon ne Táwit wahén꞉ron, “Iáh kén ní꞉se kénk nihioríhwa tèken ne ronnontí꞉io ienón꞉sa ashá꞉ton, tsewé꞉ne nètho ní꞉i tsi niwakí꞉ten tánon iáh othènon satehianéka tèken?”

1 Samuel 9:21

Ne Saul tsi wathariwaserá꞉ko, “Ní꞉i kwáh nek khók tsi Benjaminró꞉non na tiathó꞉ten, ne ne kwáh ken nithotitiokwá꞉ʼa NÍsraerʼronónke, tánon natwátsire ne ne kwáh ehʼtàke rontatónhnis akweʼtsiniʼkawatsirákes ne tsi rotiʼtiókwaiens ne Benjaminró꞉nons. Ón꞉kati nihioʼtiéren tsi èhʼthoh ní꞉iot tsi waʼsekthárhaʼse?”