1 Samuel 18:17 - Ohiatonhseratokénti

¹⁷ Eʼthóhʼne ne Saul wahawénhase ne Táwit, “Kénʼen í꞉iens ne tiekowánen kheién꞉a Merab; kwáh enkatʼtónhthate nakahónha ne seksténha ahiónton; nék khók tsi sanikonratiaʼnitónhak nakeriwáke tánon saterí꞉ios ne Roiá꞉ner raoteriʼióseras.” Asèken ne Saul wárehʼre, “Kwáh ní꞉i iáh tiaʼtahiʼianisnónhsaren; áhnion ne ne Philistiaró꞉non kén niehó꞉ier.”

1 Samuel 18:17 ပူးပေါင်းရင်းမြစ်များ

2 Samuel 11:15

Ne kahiatón꞉sera tsi nahaʼhiá꞉ton, “Thóh tétsʼtats ne Uriah ne kwáh ohénton ne tsi waterí꞉io, raonhá꞉khok thóh réhset, ne káti nahónton tahonwakwá꞉te tánon arénheʼie.”

2 Samuel 12:9

Onhniʼiotséren tsi iáh karíhwa tesón꞉ni ne raowénhna Roiá꞉ner, tsi ne thonáshere ne karihwahetkénsera ne raohén꞉ton? Í꞉se watienonwarhiákhon ne Uriah ne Hitró꞉non ne washástste ne raonasharehkówa Ammonró꞉nons.

2 Samuel 6:16

Ne raoneró꞉kwah ne raoteriwaseronniátshera ne Roiá꞉ner tsi ónh꞉we ne kanatowanénhken ne Táwit, Michal ne ne sakoién꞉ha ne Saul thontketóten tsi iononstonkwahkáronhte, tánon wahó꞉ken ne Táwit tehanitionkwahkwánions tánon teononniákwen rahohénton ne Roiá꞉ner; tánon nahón꞉ha wahokénron nawerhiá꞉ne.

Psalms 12:2

Ratikwékon tehonthatenowenhténhnis; tehontatahskanekstenéʼni tsi naʼteshakotiʼtsikhetárohse.

Psalms 55:21

Né tsi ró꞉thare thóh niwaʼtsésen tsi ní꞉ioht ne kawistoseró꞉kwen nahionhnékwane, ók ne rawerhiáne ateriʼiósera raská꞉neks ne raowenhnashónha iakonikonranetskhátha tsi ní꞉ioht nahionthateienároh iehiátake, ók thóh kíʼ nikaré꞉nas tsi ní꞉ioht ne iosarothí꞉ie.

Proverbs 26:24

Nónhka teiekonhsotáhkwen ionséhtha atswènhsera, karenhsarónhtshera owennaʼshón꞉ʼa énhontste.

Proverbs 26:25

Tókaʼ nón꞉wa ioiánere tsi sathón꞉te, tóhsa kiʼ tatshéhtahk, ne tsi rawerià꞉ne titkáhere ne atswènhsera.

Proverbs 26:26

Enwá꞉ton enhatkonwaró꞉roke tsi ráhtswens, akwé꞉kon kiʼ ienieièn꞉tereʼne tsi wahétken tsi nihatiéhrha.

Numbers 21:14

Né aoríhwa ne Ne Roiá꞉ner Rahohiatonhsehrákon ne Ionhteriʼiostákwah iotharáhkwen “Ne tsi kanátaien ne Waheb né꞉ne tsi iokwénhrahre ne Suphah, tánon nahonráhkwahkons; ne Arnon Kaniatarahtátie,

Numbers 32:20

Ne Mahís watharihwasehráko, “Tó꞉ka tókenske thóh ní꞉ioht tsi niʼsehwáton, kén kíʼ rahohénton ne Roiá꞉ner sewathateweienénhtha nahisewateriʼiósera.

Numbers 32:27

Ók kíʼ hiakwahkwékon hionkwataʼteweienhnenhtáhon nahiakwahteriʼiósera né kíʼ ne Roiá꞉ner entesonhkwahniarotároʼke. Iatenhiakwahiáiake ne Jordan tánon enhiakwahterí꞉io, kwáh kíʼ tsi nísen.”

Numbers 32:29

“Tó꞉ka ne ronhnónhkwe ne Gad tánon ne Reuben tenhatihiáiake ne Jordan roʼnathateweienhnenhtáhon nahonterí꞉io tsi kíʼ nenhthatáti ne Roiá꞉ner tánon tó꞉ka né tsi enhieʼtshiʼsniénon ensehwakwénhni nahisewatiénawasthe nonhóntsa, ethòne kíʼ thaʼietʼtsíhion kí꞉ken ohóntsa ne Gilead tsi enhonawenhkhónhweke.

Deuteronomy 17:7

Ne ratiriwahní꞉rats ne enʼthontié꞉renhte ienhotinenhiónti, tánon ethò꞉ne ne otiaʼkéshons ronhwatinenhióiak; thóh ki nenhiá꞉wenhne tsi éhren ensewahawite ki꞉ken kariwahétken ne sewentsiokwahkon.

1 Samuel 14:49

Nón꞉wa ne raonekenterontsherashón꞉ʼahs ne Saul ne ne Jonathan, Ishvi, tánon Malchishua; tánon tsi niʼiotisenhnó꞉tens ne tekeniʼiáhse sakoiohʼokónhas neh kiʼ ne: tsi niʼiakosenhnóten ne tsiaʼkotsierénton iakawenhnakerá꞉ton ne ne Merab, tánon tsi niʼiakosenhnóten ne kén nitsiaʼkoiónha ne ne, Michal.

1 Samuel 17:25

NʼIsraerʼró꞉nons wahonníron, “Etʼtsisewáken kén kí꞉ken rón꞉kwe tsi thawénon? Oriwiʼiohónwe tsi tahwénon ne nasakonenhrók꞉thase NʼIsraerʼró꞉nons. Ne ronnontí꞉io kwáh í꞉ken tsi teiotenonhianíton tsi enhokwatsésten ne rón꞉kwe nón꞉ka enhononhwarhiákon, tánon kwáh iensakótʼkaʼwe ne sakoién꞉a ne tsonatʼthonwisen ne ahotíniake ne rahón꞉ʼa tánon ne ensakahónhnien ne raowáhtsireh nahontatewenhní꞉ioke NʼIsraerʼronónke.”

1 Samuel 17:36

I꞉i kwáh kekononhwarhiákhon tetsá꞉ron ne kénreks ó꞉ni nokwáhri; tánon kí꞉ken ne iáh teotewarakwétaron Philistiaró꞉non kwáh nonhnéʼeh tho nenhoiátawe tsi kíʼne eh nihotiʼiatawénhʼen ne ró꞉nonha, neh tsi sakosenhnakʼsáton ne raotió꞉kwas ronterí꞉ios ne ronhnheʼón꞉we Ní꞉io,”

1 Samuel 17:47

tánon nètho ratikwé꞉kon ne kiʼkénʼen ronatsataróhron aiá꞉wenhs ahonateriéntaraʼne nètho Roiá꞉ner tsi iáh neh asahrehkó꞉wah khéhs ne kaiénkwireh tehátstha nashakonónsthate; asèken nateriʼiósera Roiá꞉ner sehʼné꞉eh raówenk tánon kwáh ní꞉se entʼiát꞉kawe iakwahtshanákes nenhtèseh.”

1 Samuel 18:21

Ne Saul wahanontónhnionwe, “Áhnion ní꞉i ne tekhehiateró꞉sehron nètho nahón꞉ʼa neh ahoteristaiéntaʼkwe tánon nètho ratshanáke ne Philistiaró꞉non ne ahokʼkónten ne rahón꞉ʼa.” Ne káti aoríhwa ne Saul wahawénhase ne Táwit ne ne tekení꞉haton ionshón꞉teratste, “Ní꞉se ó꞉nenh kiʼ konhienón꞉sa ensáton.”

1 Samuel 18:25

Eʼthóhʼne ne Saul wahén꞉ron, “Kwáh kén nahó꞉ten kiʼ enshetsisewaró꞉ri ne Táwit, ‘Ne ronnontí꞉io kwáh iáh othèon tehaská꞉neks nahotʼkárhiakse tsi nòkwah ne kaniák꞉tshera nékʼkhók ne énskaʼtewenhniáwe ní꞉kons ne ronwatiwahrakwétarons ne Philistiaró꞉nons, ne nètho nahón꞉ton nahonsashakokáriakʼse ne ronnontí꞉io ronwásons.’” Nón꞉wa ne Saul ne rotenikonrón꞉ni nahahónhnien ne Táwit nahahiatiénenhne thóh ronhtsanákes ne Philistiaró꞉nons.

1 Samuel 18:27

Ne Táwit wathá꞉tahne tánon iahá꞉re, wahón꞉ne ne rahonkweʼtahshón꞉ʼahs, tánon washakotinonwarhiakhónhnion enskatewenhniáwe niháti ne Philistiaró꞉nons; tánon ne Táwit tahá꞉hawe ne raotiné꞉ons ne ronwatiʼwahrakwétarons, tsi tahóntkawe kwáh kiʼ iekahiatonkwahiéri tahón꞉nion ne ronnontí꞉io, ne káti nahón꞉ton ronnontí꞉io rawenónhsa ahá꞉ton. Ne Saul watesakoteró꞉sheron ne sakoién꞉ha Michal ró꞉ne ahiónton.

1 Samuel 25:28

Ahsatthontátʼtsheke shasanikónren tsi natahioterenhtawehriéhon ne sanhá꞉tshera; asèken ne Roiá꞉ner kwáh oriwihiohónwe tsi enhianontí꞉ioste ní꞉se, ó꞉ni tsi waswatsiratátie, asèken í꞉se saterí꞉io ne raoterihiósera; tánon ne kariwahatkénsera iáh tahkattsiénronhke ne shonháke kwáh tsi nikarí꞉wes enshón꞉nheke.

1 Samuel 30:26

Nó꞉nen ne Táwit shiahárawe thóh nón꞉we Ziklag, iasakoteniéten wateshakokháshiaʼse ne kanenhskwenháton ne raoteroserashón꞉ʼahs, ne ne thotí꞉ions ne Judah, “Ratón꞉nions kén í꞉ken nathatawítseras sewarihwáke thóh nitsiawʼénon ne rotinenhskwenháton ne ronwasóns Roiá꞉ner”;