1 Samuel 17:46 - Ohiatonhseratokénti

⁴⁶ Kwáh nón꞉wa wenhniseráte ne Roiá꞉ner kwáh entʼiátʼkawe thóh katiá꞉nake, tánon ní꞉i kwáh enkonhiatiénenhte tánon enkonhnontsístsiaʼke; tánon kwáh ne entekhéhion notsitenhó꞉kons ne tsi ioweráhre kontítses ne ronenhé꞉ions raonenheiónhtas ne Philistiaró꞉nons ronterí꞉ios ne ne kwáh nón꞉wa wenhniseráte ó꞉ni ne kontírios kontitshénen ne tsi ionwenhtsá꞉te, ne ká꞉ti nohontsakwékon aiá꞉wens ahonateriéntahrane thóh nón꞉we Israeronónke tsi Rotiniʼioseraiénhse,

1 Samuel 17:46 ပူးပေါင်းရင်းမြစ်များ

Genesis 40:19

ne náhsen nenwenhniserakéhaton ne Pharaoh enhianontsistóhskare tánon tsi ioròn꞉tote enhiaiaʼtihá꞉ren; tánon otsiʼtenʼokón꞉ʼahs enhatiʼwá꞉rake ne saieròn꞉ta.”

2 Samuel 18:28

Ehʼthóhʼne ne Ahimaaz iathohén꞉rete rahonhá꞉ke ne ronnontí꞉io, “Akwé꞉kon tseioiá꞉nere!” Wahatatsiatiénenhte raohén꞉ton ne ronnontí꞉io kwáh tsehakónsaienhohontsá꞉ke, tánon wahén꞉ron, “Tehonwanonweráton ne Roiá꞉ner Saní꞉io í꞉ken, rahónha táhion natesenhniétsera tsi waʼhesatkónten tsi sanontí꞉io í꞉ken.”

2 Samuel 21:10

Ehʼthóhʼne ne Saul tenihiá꞉sene Rizpah, ne ne sakoiénha ne Aiah, káiare iaká꞉hawe ne ahontrenhósthakwe thóh ostenrá꞉ke tsi nón꞉we natewehionthó꞉taro, tánon thóh kenteronhtá꞉kwe kwáh tsi nontontásawen naieietʼtwá꞉ko tsi niió꞉re ne ienkahnenhnákene nenhtsiokenhnoréhseron. Ne tsi niwenhní꞉seres kwáh iáh tahiakoríhon notsitenokónhas ne kenhniakotí꞉iere noieróntas, tánon nokaʼrasné꞉ha kontírhios nenhné꞉e iakotekwáhtha.

1 Kings 8:43

satʼthóntek ne rahonaterénhnaient. Thóh karonhiáke nónhwe, tsi nónhwe teshí꞉teron, tsiatʼthóntet tánon thóh nátser tsi nihiarihwaʼnonhtónhnis, né káti nonhkwetaʼkwékon tsi nihiohóntsa ahiakoteriéntaraʼne tánon naʼiesawenhnarákwaʼke, tsi né nihatiʼiéra ne shonkwetaʼshón꞉as Nisraerʼró꞉nonke. Ethòne kíʼ enhonateriéntarahne kí꞉ken Ononsatokentiʼkówa ne wakenonhshí꞉son tsi thóh nónhwe nenhieshasenhnaiénthakwahke.

1 Kings 8:60

Né káti nonhkwetaʼkwékon ne tsi nihiohóntsa ahiakoteriénhtaraʼne nètho Roiá꞉ner iatehahiáti khók tsi Ní꞉io í꞉ken—iáh ónhka nakóren tekáien.

2 Kings 19:19

Ó꞉nen kíʼ, Saiá꞉ner nonhkwah Ní꞉io, saskwahniá꞉kent tsi nòkwah ne Assyriaró꞉nons, né ká꞉ti niakahontsakwékons kwáh ahiakoterientátraʼne nètho tsi í꞉sek khók, O Saiá꞉ner, tsi Sewenhní꞉io í꞉ken.”

2 Kings 5:15

Elisha tsi thénteron nionhsáre rónhne ne rahonkwetashón꞉ʼas tánon wahénron, “Ónen kíʼ onhkateriéntaraʼne tsi kwáh iáh tekáien nó꞉ia ne ní꞉io akénhake kwáh nék khók ne Raní꞉io Nisraerʼró꞉nonke; káti asatʼthonthátseke, sién꞉shion, tséna kí꞉ken athatawítsera né konhiá꞉wis.”

Psalms 31:8

tánon iáh tieskatiakwahríhshion ronnónhake ne iónkshons; theteskáwi nakathatewenhniʼiósehra né kwák tsikʼnón꞉we niáke tsi nahontakaskáneke.

Psalms 46:10

“Thatesatótat, tánon sateriéntarak tsi Í꞉i ne Ní꞉io í꞉ken! Ksenhnowánen tsi nòkwa nonkweshón꞉ha, ionksenhnakaratháton ne tsi ionhwenhtsáte.”

Exodus 9:16

Ók né kíʼ nakènesthe nakeshastsʼténsera waʼkonhríhon nahshón꞉nheke né káti nahónton tahonré꞉ni tsi nihiohóntsa tsi niksenhnowáhnen.

Isaiah 37:20

Ká꞉ti nón꞉wa, Ó Saiá꞉ner onhkwahNí꞉io, saskwahnóns꞉tat thonsatʼtsiotarísi, né ká꞉ti akwé꞉kon tsi kanakeraserakérons ne tsi ionwenhtsáte ahónton ahiakoteriéntaraʼne tsi kwáh iateshiá꞉ti khók Saiá꞉ner í꞉ken.”

Isaiah 52:10

Né Roiá꞉ner kwáh ronenhtsakwahrí꞉shion ne iotokénti í꞉ken ranenhtshàke ohénton tsi tehatiʼkanerónhnions ne ronhnonhontsakeʼró꞉nons; tánon kwáh tsi iehiotonhontiokʼtaníhon nió꞉re tsi enhiontkathóseron ne raoʼienawaséhtsheras nónkwah Ní꞉io.

Isaiah 56:9

Sewariotakwékons ne sewarakonrónons, sewariotakwékons ne sewarakonrónons, ká꞉sewe ietsihiaʼwénhtho!

Jeremiah 19:7

Ne kénʼen watenáhthaien kwáh tenkhehianikonhrhiáten tsi nihonatenikonhrónni nonkweshón꞉a ne Judah ó꞉ni ne Jerusalem nónhwe. Enkheríhon ne tehontátʼtions nahonwatisénni ó꞉ni nahonwatiʼnonhwarhakónnion tsi waterí꞉io. Otsitenokónha tánon ne konhtírhios ienkhehiátsienʼse ne raotihierontahsónhas nakonhtekhónniaʼte.

Jeremiah 34:20

Ienkheʼhiatiakwahríshi tsi nòkwah ne tehontáttions, tsi nikáien ronnére nahonwahtiʼnonhwahrhiákon, tánon ne rahotiʼierontahsónhas otsitenhokónhas tánon ne kontírhios enhónneke.

Daniel 2:47

Né ronnontí꞉io waʼthorihwaʼserákwaʼse ne Daniel rá꞉ton, “Thí Rawenni꞉io tsi niká꞉ien ne ehtshénnaienhs, ne raonhá꞉ʼa thaʼshátste tsi nihá꞉ti ne niioʼokón꞉ʼa, raónha thieshakoiá꞉ner ne rotinontiióshon, tánon raónha ó꞉ni reʼnéhstha ne kariʼwahsehtánion. Né aorì꞉wa wahskwé꞉ni wahsheʼnikonhraién꞉tate ki kariʼwáhsehton.”

Daniel 3:29

“Ó꞉nen kiʼ nón꞉wa entianerenhserón꞉ni ne kwáh tsik naienekwenhsoténhake, naionhsohkoténhake, tsi naiewennoʼténhake ne oʼthé꞉nen ahonwahsénhten ne Raotiʼní꞉io ne Shadrach, Meshach, tánon Abednego, enhonwaiaʼtaratsón꞉ko kwáh tsi niió꞉re thostiéntare, ó꞉ni entkení꞉kwekte ne tsi ronóhnsote aiotstohkó꞉take tsi ní꞉ioht tsi takahríhton. Iáh teká꞉ien ne akó꞉ren akenhá꞉ke ne Rawenni꞉io ne ahakwé꞉ni ne éhthoh ní꞉ioht tsi aonsahshakoʼniá꞉kenhte.”

Matthew 24:28

Aseken tsi nonȣe nenhioiataststokotonke nʼiakoȣentaon ethononȣe natenkontentasente nʼAkȣeks.

Deuteronomy 28:26

Ne nó꞉nen ensíheie, notsitenʼokón꞉as ó꞉ni ne konhtí꞉rios entkón꞉ne nakón꞉nheke ne saierón꞉ta, tánon kwáh iáh ónhka nakonwatiʼterón꞉kwen nakonhwanatékwahte.

Deuteronomy 7:2

Nó꞉nen ne Roiá꞉ner saNí꞉io sashatstenhserá꞉kon nón꞉we nenhsakotkà꞉we kí꞉ken onhkweshón꞉a tánon ensheʼsén꞉ni, ó꞉nenk tsi ratikwé꞉kon ensenonhwarià꞉kon. Akwáh tó꞉sa thé꞉nen iatesewateriʼwá꞉iest ne ronónha tó꞉sa ó꞉ni thé꞉nen ietsinaʼtónhas nataniʼténron.

Deuteronomy 7:23

Ne Roiá꞉ner ne tesewatà꞉tsons sewashatstenhserá꞉kon nónhwe nenhsakotʼkà꞉we tánon ensakahón꞉nien nahotiʼterónhseke tsi nió꞉re akwáh ienhonwanáhtonʼte.

Joshua 10:8

Ne Roiá꞉ner wahoró꞉ri ne Joshua, “Tó꞉sa seʼtshá꞉nik. Ó꞉nenk thonká꞉wi natesenhniétshera. Iáh ne sahiáta tahakwé꞉ni nahonthahiatiaʼtónti.”

Joshua 4:24

Ne aorì꞉wa kí꞉ken kwáh onhkweʼtakwé꞉kon nonhontsá꞉ke kwáh enhiakoterienʼtaráne tsi naʼtehiotenonhianì꞉ton ne Roiá꞉ner Raoshatsténhsera, tánon kwáh enskwéniensthe ne Roiá꞉ner Sewaní꞉io ne tsi nénhwe.”

1 Samuel 14:6

Ne Jonathan wahawénhase ne kén nithoiónha rón꞉kwe ne rahawinón꞉tse rateriʼiostákwas, “Káts, áhnion thóh niehé꞉tene tsi kentió꞉kwaien ne ronterí꞉ios ne ronónha tsi iáh tehonwatiʼwarakwétaron; tó꞉ka nón꞉wa ne Roiá꞉ner teshonkwariwáhwá꞉se; asèken ne Roiá꞉ner iáh thaónton tahoiótatʼtse nasakonónsthate aiakotiokówanenke khéhs kénk naiakónha.”

1 Samuel 17:44

Ne Philistiaró꞉non wahawénhaʼse ne Táwit, “Káts tiatákʼta nontáse, tánon ní꞉i kwáh ne tsi sónnhe otsitenʼokón꞉ahs ne tsi ioweráhre enkhé꞉nonte tánon ne kontírhios kontitshénens ne kahentahkésons kónhnes.”