1 Samuel 17:45 - Ohiatonhseratokénti

⁴⁵ Ók ne Táwit wahawénhase ne Philistiaró꞉non, “Ní꞉se akonhá꞉ke nontáhse sasharenháwi tánon kaiénkwireh ó꞉ni ne iesahniontsethákwa; ók kiʼ ní꞉i shonháke nontáhke thóh raosenhná꞉kon ne Sakoiá꞉ner ne ratironhiakeró꞉nons, ne ne sakoNí꞉io í꞉ken ne ronterí꞉ios NʼIsraerʼronónke, tsi nikáien ní꞉se entsenhnaksáton.

1 Samuel 17:45 ပူးပေါင်းရင်းမြစ်များ

2 Chronicles 14:10

Né Asa thóh niaháre nahiaterí꞉io, tánon tetiarónhkwen tsi waʼhontenatʼthaserónhni né Zephath Ahonrahkwáhkon nón꞉we ákta ne Mareshah.

2 Chronicles 32:8

Ónhkwe né akoshastsʼténhsera ró꞉ien, ók ní꞉i Roiá꞉ner onhkwah Ní꞉io enshonkwahiénawaʼse tánon enshonkwahterí꞉iohse.” Nonhkweshón꞉as waʼhakonikonhrahníra tsi nikawenhnoténshons ne ronnonhtí꞉io Hezekiah ne Judah waʼhenrónhnion.

Psalms 124:8

Nonkwahiatakenátsera thóh nónh꞉we nikáien raosénhnakon ne Roiá꞉ner, ne tsi rahónha ró꞉son ne tsi karonhiáte ó꞉ni tsi ionhontsáte.

Psalms 18:2

Roiá꞉ner se nakisténhra í꞉ken, nakatenhénhra, tánon ne sahtiathákwen, akeNí꞉io, nakisténhra ne rahonháke nón꞉we nikatasehthákwah, ne nakatʼroʼosthákwah, né꞉ne kashaststénhsera sewatiathákwen, ne nakáwenk iotenhenraníron.

Psalms 20:8

Kwáh enhatiʼiathakwenhtarane tánon enhatihiatsénenhne, ók kwáh kíʼ thentsitewátane tánon entsitewatsathakwahrísi.

Psalms 3:8

Roiá꞉ner sèh sesakohiatákwas; ne sahiathateríhtshera ahotiráhne ne shonkweʼtaʼshón꞉ha! Selah

Psalms 44:6

Asèken iáh akahénhna tekeniahésen, khés nakasaré꞉kowa nakakwéni ahonkenóns꞉thate.

Proverbs 18:10

Roiá꞉ner ne táhtsheren ne kwáh tioʼnikahtaʼní꞉ron, tsi nón꞉we enwá꞉ton niá꞉ien ne tionkweʼtaié꞉ri ne skén꞉nen aionnonhtonniónhake.

Isaiah 37:23

“‘Ónhka ónhte sherákwe tsi thiʼtierónhakwe tánon tienikonratsʼsáthakwe? Ónhka rahonhá꞉ke tsi satewenhnakétskwen tánon tsi nisathatónhni tsi ní꞉ioht tsi wasatarakétsko? Rahonhàke ne Roiatatokénti NʼIsraerʼronónke!

Isaiah 37:28

“‘Wakateriéntare tsi nathentéstaʼne tánon tsi niensehshá꞉tien, tsi nieshiá꞉kens tánon tsi nieʼsehshataweiátha, tánon tsi niskeʼnákwahse.

2 Corinthians 10:4

Tókas ó꞉ni entewaterí꞉io, iáh kiʼ né꞉ʼe tetewátstha ne onhontsaʼkéhkha ionteriiostáhkhwa. Ne khók tewátstha ne Rawenni꞉io raohsatsténhsera, ne khók kakwénies tekahrí꞉tha ne iorihwahní꞉rons. Tewarihwahtón꞉tha ne aterihotahrhóktshera.

2 Corinthians 3:5

Iáh teionkwaianerenhserá꞉ien ne aietewathró꞉ri oh nahò꞉ten aionkwaióʼten ne iaʼtetewaiá꞉ti. Rawenni꞉io tehshonkwá꞉wis tsi naʼteiotonhontsó꞉hon ne thé꞉nen naietewá꞉iere.

Philippians 4:13

Kwá tsík nakahiotenseróten enkʼkwéni nahontióten tioríwa tsi Kerístos rahkesastenseráwis.

1 Samuel 17:10

Tánon ne Philistiaró꞉non wahén꞉ron, “Ónwa wenhniseráte wakhenenrót꞉thase NʼIsraerʼró꞉nons! Tationkwéton, ne nahón꞉ton skát꞉ne tsi ahiʼtewaterí꞉io.”

1 Samuel 17:26

Ne Táwit wahawénhase ne rón꞉kwe ne raiaták꞉ta rátahkwe, “Ónh nahonwatiérase ne rón꞉kwe nón꞉ka ahononhwarhiákhon kí꞉ken Philistiaró꞉non, tánon éhren ahaháwite natehénsera NÍsraerʼronónke? Asèken ónhka kí꞉ken ne iáh tehotewarahkwétaron Philistiaró꞉non ne ne rahón꞉ʼa asakonenrók꞉thaʼse ne ronwaterí꞉iose ne ronnheʼónwe Ní꞉io?”

1 Samuel 17:36

I꞉i kwáh kekononhwarhiákhon tetsá꞉ron ne kénreks ó꞉ni nokwáhri; tánon kí꞉ken ne iáh teotewarakwétaron Philistiaró꞉non kwáh nonhnéʼeh tho nenhoiátawe tsi kíʼne eh nihotiʼiatawénhʼen ne ró꞉nonha, neh tsi sakosenhnakʼsáton ne raotió꞉kwas ronterí꞉ios ne ronhnheʼón꞉we Ní꞉io,”

1 Samuel 17:6

Tánon ne rostahwinorókons ne notsínekwar nikaristótens í꞉ken, tánon ne raoiénhkwire ne notsínekwar nikaristóten ionhniá꞉ton thóh iorénton tsi natehatnensáterehs.