1 Samuel 17:4 - Ohiatonhseratokénti

⁴ Tánon thóh tahatiʼiákenʼne tsi niwatohserótons ne Philistines ne ne raronhonkwénhawe ne ne Goliath ronwá꞉iats, ne Gath nón꞉we, ne rahón꞉ʼa tió꞉ton niwashí꞉tahke tánon tió꞉ton nihionká꞉rahke nihanénhies.

1 Samuel 17:4 ပူးပေါင်းရင်းမြစ်များ

1 Chronicles 11:23

Tánon ó꞉ni rononwaʼriákon nón꞉ne ne Egyptró꞉non, kwáh í꞉ken tsi raʼkowaʼnénhne tsáta tsatesewaʼsén꞉non niwasítaʼke nihanenhiésonhne, né raháwiskwe né teiotenoniaʼníton tsi nikowánen ashí꞉kwahra. Ne Benaiah ká꞉nia wá꞉rasʼte tsi iahotsatónhti,

Amos 2:9

Tshiehská꞉te kheiahtón꞉ton ne Amorʼró꞉nons ne raotihén꞉ton, tho nihatinenhié꞉sonskwe tsi ní꞉ioht ne onenʼtakwenhténhtshera iorón꞉tote, tánon thóh nihatiʼshátsteʼskwe tsi ní꞉ioht ne karíhton karón꞉ta; wakerihwahtón꞉ton ne raohikshón꞉ʼahs, kwáh waktehrohtshiónkwen ne tsi keríhtonskwe.

Deuteronomy 3:11

(Ne Ronhnonhtí꞉io Og raónha nonaʼkènkha iaʼtehotaténron tsi tahatiwatsiraʼtátie ne Rephaim. Ne raorónhto, onén꞉ia nahó꞉ten ionhnià꞉ton, iá꞉iak niwashì꞉take naʼtewataká꞉ron tánon kaié꞉ri iawénhre niwashì꞉take ní꞉ions, tioianénha tsi nikatokénston natenienʼténtsheras. Shé꞉kon enwá꞉ton naiontká꞉tho ne tsitkaná꞉taien ne Ammonró꞉non né꞉ne Rabbah nón꞉we.)

Joshua 11:22

Iáh ne saiáta tsiatesothaténron ne Anakim ne tsi ionhontsá꞉ien ne Israerʼró꞉nonhke; tó꞉khara khók niháti, ethosà꞉ne, thóh nón꞉we iatonathátere né꞉ne Gaza, Gath, ó꞉ni ne Ashdod.

1 Samuel 17:23

Tsi natehotiʼtháhreh ne ronónha, ne raronhonkwénhawe, ne ne Philistiaró꞉non ne Gath nón꞉we nihanákereh, Goliath ronwáiats, thontahanenhrót꞉kawe tsi rónhnes ne ronterí꞉ios Philistiaró꞉nons, tánon kwáh éhʼthoh ní꞉ioht tsi sahatáti tsi ní꞉ioht ne tiotserénhton. Tánon ne Táwit wahothóntene.

1 Samuel 17:3

Ne Philistines tho wathatínaʼne tsi ionontáhereh ne ská꞉ti nokwáhti tánon NʼIsraerʼró꞉nons í꞉se neh nahonontáʼti nontahatítahne, ne ne tsi natetsiá꞉tereh norón꞉wahkon.

1 Samuel 17:5

Ne rononwaró꞉ron ne iononwarotseraníron notsínekwar nikaristóten, tánon ne rotieronniáton ne tekaristaiéston; enskatewenhniáwe tewáhsen wísk nikakontseráke niʼiókste ne raoʼtserón꞉nia.

1 Samuel 27:4

Nó꞉nen ne Saul sahonwahró꞉ri nètho Táwit tsi thóh iehotekwásen ne Gath nón꞉we, ne raón꞉ha iáh kiʼ ó꞉nen teshoiatisákon.