1 Samuel 17:36 - Ohiatonhseratokénti

³⁶ I꞉i kwáh kekononhwarhiákhon tetsá꞉ron ne kénreks ó꞉ni nokwáhri; tánon kí꞉ken ne iáh teotewarakwétaron Philistiaró꞉non kwáh nonhnéʼeh tho nenhoiátawe tsi kíʼne eh nihotiʼiatawénhʼen ne ró꞉nonha, neh tsi sakosenhnakʼsáton ne raotió꞉kwas ronterí꞉ios ne ronhnheʼón꞉we Ní꞉io,”

1 Samuel 17:36 ပူးပေါင်းရင်းမြစ်များ

2 Chronicles 32:17

Né kahiatónhsera nètho rakóra rohiáton wahonikónhratsaʼte ne Roiá꞉ner, né Raní꞉io í꞉ken Nisraeró꞉nonke. Wá꞉ton, “Né sakotiniʼiohokónhas nonhkweʼshón꞉as iáh tesakotinóns꞉thaton nonhkweʼshón꞉as tsi nòkwah nakeshastsʼténhsera, tánon iáh ó꞉ni ne Hezekiah raoní꞉io tashakonónsthaʼte ne rahonkweʼtaʼshón꞉as tsi nòkwah ní꞉i.”

Isaiah 10:15

Ne ató꞉ken ahónha ontèken tahonthaterénsaron tsi ní꞉ioht tsi nikáien ne rahróks, khés ne teiehswenkariákstha ahónha kén ahontatkówanate tsi ní꞉ioht tsi nikáien ne tehaswenhkaríaks? Tsi ní꞉ioht ne kánia ahónha kén ahokétsko tsi niʼkáien ne tehaniá꞉kwah, khés tsi ní꞉ioht nathénnits ne kén ahkakétsko nahó꞉ten ne iáh óiente tèken!

Isaiah 36:15

Tó꞉sa tsi sewarí꞉hon ne Hezekiah natsitsiónhnien natsisewaniá꞉heʼse ne Roiá꞉ner ne tsi ratónhnions, Ne Roiá꞉ner kwáh oriwiʼiohónhwe ensehshonkwahtatewenhniʼiotseron; kí kénʼen kanatowanénhke kwáh iáh ratsanàke tahontahónhnion ne ronnontí꞉io ne Assyria,’

Isaiah 36:18

Tó꞉sa tsi sewaríhon ne Hezekiah natsisewathaʼharákwahte tsi ratónhnions, ne Roiá꞉ner kwáh enshonwanónsthaʼte. Ónhka kén ne raotiʼniʼiohokónhas ne thiʼononhontsátes rotinonsʼtháton ne raoʼnonhontsashón꞉has ne tahonsahonwashiotaríshionke ne ronnontí꞉io ne Assyria?

Ezekiel 28:10

Kwáh thóh ní꞉ioht tsi enshíheʼie tsi ní꞉ioht nʼérhar né꞉ne rahtisnonhsáke nónhwe niʼiothaténron ne iáh tehotiniʼiosehráhien thihononhontsáthes. Í꞉i ne Wakenonhtí꞉io Watiá꞉ner, tewahkatʼkáwenh né nahatíʼiereh.”

Ezekiel 32:19

Sheʼiénhas: Ísewere onhtèken í꞉se sénha setʼwatsatí꞉ios tsi ní꞉ioht nakorénhsonhs? Kwáh thóh iénsehwe tsi tiohontsáien ne kenhéion tánon thóh nónhwe iensehwatsiatiónhnite skátʼke ne iáh teotiniʼiosehráhien.

Daniel 5:23

Wahsatathará꞉tate tsi nonkwá꞉ti ne Roiá꞉ner Rawenni꞉io ne karonhiá꞉ke thén꞉teron tánon táhsionʼte ne kátshe ó꞉ni ne akehraʼshón꞉a ne thotíha ne raononhsatokenhtiʼkowáhne. Í꞉se tánon ne sonkweʼtaʼshón꞉ʼa ne ratihsennowá꞉nens, sewaniákhons, sahskareʼó꞉kon, ne wésewatste tsi wesewahnekí꞉ra ne notsì꞉tsa ó꞉ni wesewahsénnaien ne kaiaʼtón꞉ni ne ionniá꞉ton ne ohwistanó꞉ron, kahwistará꞉ken, ne kahwistárhon ne otsì꞉nekwar nikaristó꞉ten, karístatsi, ó꞉iente, tánon ne onén꞉ia—kaiaʼtón꞉nis ne iáh tekontí꞉ken tánon iáh teionathón꞉te iáh ó꞉ni thé꞉nen teionaterién꞉tare. Nok iáh tehtskweniénhston ne Rawenni꞉io tsi niká꞉ien thoniarotárhon ne tsi sónnhe ó꞉ni tsi satónrie ó꞉ni kwáh tsi ní꞉ioht tsi satoriá꞉nerons.

Zechariah 12:3

Ók nó꞉nenh ienkáhewe, kwáh ne enkonhiá꞉te ne Jerusalem tsi ní꞉ioht ne ionenhiáste—nakentiokó꞉ten ahonteniénten tahónhnekwe enhothikaré꞉wahte. Kwáh kanenrahkwé꞉kon ne tsi ionwenhtsá꞉te enʼthonténrohwe ne iakonhwatiaʼtón꞉ti.

Zechariah 2:8

Nónhka akénhake nahieshakahré꞉wahte wahekahré꞉wahte tsi nahò꞉ten ne kwáh kanó꞉ron nakerihwà꞉ke.” Káti ne Roiá꞉ner Roshatstenhserowá꞉nen tahakahthéniete nahontatʼkháwe kí꞉ken aterihwahnhothátshera ne rahothirihwà꞉ke tsi nihá꞉ti ne shakothinénhskwen ne rahonkweʼtashón꞉a:

1 Samuel 14:6

Ne Jonathan wahawénhase ne kén nithoiónha rón꞉kwe ne rahawinón꞉tse rateriʼiostákwas, “Káts, áhnion thóh niehé꞉tene tsi kentió꞉kwaien ne ronterí꞉ios ne ronónha tsi iáh tehonwatiʼwarakwétaron; tó꞉ka nón꞉wa ne Roiá꞉ner teshonkwariwáhwá꞉se; asèken ne Roiá꞉ner iáh thaónton tahoiótatʼtse nasakonónsthate aiakotiokówanenke khéhs kénk naiakónha.”

1 Samuel 17:10

Tánon ne Philistiaró꞉non wahén꞉ron, “Ónwa wenhniseráte wakhenenrót꞉thase NʼIsraerʼró꞉nons! Tationkwéton, ne nahón꞉ton skát꞉ne tsi ahiʼtewaterí꞉io.”

1 Samuel 17:26

Ne Táwit wahawénhase ne rón꞉kwe ne raiaták꞉ta rátahkwe, “Ónh nahonwatiérase ne rón꞉kwe nón꞉ka ahononhwarhiákhon kí꞉ken Philistiaró꞉non, tánon éhren ahaháwite natehénsera NÍsraerʼronónke? Asèken ónhka kí꞉ken ne iáh tehotewarahkwétaron Philistiaró꞉non ne ne rahón꞉ʼa asakonenrók꞉thaʼse ne ronwaterí꞉iose ne ronnheʼónwe Ní꞉io?”

1 Samuel 17:35

entkhésereh tánon ienhkatiaʼtónhti, enskeniákenhte ne teiotinakarontón꞉ʼa owí꞉ra ne tsi kasakáronhte; tánon tó꞉ka entewakatsiatónhti, kwáh kiʼ ientiéna ne karhió꞉tsake, entkón꞉rehke tánon enkenonwarhiá꞉kon.

1 Samuel 17:37

Ne Táwit wahén꞉ron, “Ne Roiá꞉ner, tsi raón꞉ha sakenonsthá꞉ton ne washitáhke ne kénreks tánon ne rashitákes ne okwáhri, kwáh kiʼ enhakenónsthate tsi nó꞉kwah ne ratsanáke ne kí꞉ken Philistiaró꞉non.” Káti ne Saul wahawénhase ne Táwit, “Wáhs, tánon aiá꞉wens ne Roiá꞉ner ahiʼsenikwekónhake!”

1 Samuel 18:17

Eʼthóhʼne ne Saul wahawénhase ne Táwit, “Kénʼen í꞉iens ne tiekowánen kheién꞉a Merab; kwáh enkatʼtónhthate nakahónha ne seksténha ahiónton; nék khók tsi sanikonratiaʼnitónhak nakeriwáke tánon saterí꞉ios ne Roiá꞉ner raoteriʼióseras.” Asèken ne Saul wárehʼre, “Kwáh ní꞉i iáh tiaʼtahiʼianisnónhsaren; áhnion ne ne Philistiaró꞉non kén niehó꞉ier.”

1 Samuel 31:4

Ehʼthóhʼne Saul wahawénhase rateriʼiostáhkwa ráhas, “Shió꞉tion ne shá꞉sare tánon testiaʼtáwehest nètho, ne káti nètho ne iáh tehonatewarakwátahron ne tó꞉sa ahón꞉ton nahontahón꞉ne tánon ne tahiontiatáweheste, tánon ne ahionkatswátahkwe.” Ók ne ráhas ne rateriʼiostákwa iáh tehothontháton; asèken sótsi roteronhienténhni. Káti Saul wahathá꞉wa ne raoʼsarehkó꞉wa tánon thóh iahathatsá꞉tsenenhte neh wahaiatohárahne.