1 Samuel 17:34 - Ohiatonhseratokénti

³⁴ Ók ne Táwit wahawénhaʼse ne Saul, “I꞉i wakerenhnáhon tsi khenikonráhraʼkwe ne rakení꞉ha raotsenenʼó꞉kons teiotinakaronhtón꞉a; tánon kát꞉ke ne kénreks khéhs nokwáhri wahón꞉newe, tánon enhsakotiʼiaténhaʼwe ne teiotinakarontón꞉ʼa owí꞉ra tsi nón꞉we nihiotitiokwínes,

1 Samuel 17:34 ပူးပေါင်းရင်းမြစ်များ

Genesis 31:39

Tsi niká꞉ien ne karioʼtaksenʼs iakotiiaʼtaratsónkwen iáh tsekonhawihtén꞉ni; Í꞉i seʼs akítshé꞉nen énhstien né thé꞉ten wesatenahskwáhtonʼse; í꞉se enhskónnien naonsá꞉tien, tóka kenh ne ne tsi niwenhnísereʼs kanènhskwen khehs ne tsi niwahsón꞉teʼs.

2 Samuel 17:8

Ne Hushai iahatashón꞉teren, “Sateriéntare ne ianíha ó꞉ni ne raonkweʼtashón꞉ahs ne ronterí꞉ios, tsi rotinhakwénhen, kwáh ne ne okwári konwawirákwen thóh kahentáke. Tsieská꞉te, ne iá꞉niha tsi rorenhná꞉hon nateriʼioseráke; ne raónha kwáh iáh thóh tahasontiʼiá꞉ke skat꞉ne ne ronterí꞉ios.

2 Samuel 23:20

Ne Benaiah ne roiénha ne Jehoiada kwáh í꞉ken tsi rasenhnowanénhne tsi raterí꞉ioskwe kènʼne Kabzeel nón꞉we nihanákerehkwe, ne roʼioténtenskwe ne iorihowánens; Kwáh ó꞉ni iehosnenhtón꞉ne nosonkwákon tánon iahanonwarhiákhon kénreks neh shiʼwenhniserátekwe satehionhokwatásekwe.

1 Chronicles 11:22

Né꞉ne Benaiah né꞉ne roienkénʼen ne Jehoiada né꞉ne Kabzeel nón꞉we nihanákereʼkwe rasenhnowanénhʼne tsi raterí꞉iosʼkwe; wé꞉so iorihwá꞉khés tsi nihoieránions ne iorihʼowá꞉nens, thó niiá꞉taʼre ne teniʼiáhse tenisenhnowáʼnen sahkononwariákhon ne Moabite iaterí꞉ioʼkwe. Iehioterátston osónhwaʼkon iehosnénhton né satehioniokwahtáʼsene tánon kénreks wahanonhwaʼriákon.

Psalms 143:5

Kéhiare ne wahónhnise tsi niʼiohtónhne, skanonhtonhniónkwas akwékon tsi nisatseránion, skatatehiarakwénhni akwékon ne sahiothénhseras.

Ezekiel 34:12

kwáh tsi ní꞉ioht tsi shakotinikónhrahre ne rahotitʼtshénenh teiotinahkaronhtónha ne tehionahrénion tánon shé꞉kon sahkonhwatihiataróh꞉roke. Kwáh tentekhehiaténhawe ne tsiknonhwésons niatehionahréhnion nètho tetsiókaras, kahkaronhniatsherowáhnen tewenhnisehrónhte.

Amos 3:12

Né katíʼ aorí꞉wa rá꞉ton ne Roiá꞉ner: tsi ní꞉ioht ne teiotinaʼkarontón꞉ʼa rá꞉nonhne tekahsí꞉nake khok enshahnhontá꞉ko ne kèn꞉reks tsi iawé꞉kon khehs sewahònhtaʼ khok ne kenʼk nísewa, ne katíʼ nonkwehó꞉konʼs Israerʼró꞉nons tsi nihá꞉ti iehatinákere ne Samaria tsi enshonwatiʼniá꞉kenhte, enkenikwekonhátie ne teionitskwahraʼtsherahrí꞉ʼon tánon ne kenʼ ná꞉ʼonske ká꞉nakte.

Zechariah 11:16

Wahirihón꞉ten ne sahkonónhne teiotinakarontón꞉a nashakotenhnikónhrahren nakitshenenhó꞉kon, ók iáh ki teshakoienahwáse ne teiotinakarontón꞉a ne kontsiatátons iáh ó꞉ni tesheshakohiaʼtí꞉saks ne kenk tiehioné꞉non; iáh ó꞉ni tesheshakotiéntha ne iothikarewáhthon, iáh ó꞉ni teshakonónhtens ne ionathakárithe. Kek, ne rahwá꞉rats ne kwáh ionarésenhs ne teiotinakarontón꞉a, kwáh ó꞉ni shakotsinahriéntsiats.

Zechariah 9:7

Kwáh iáh ó꞉nen tahonshahatiwáhrake nahionekwenhsá꞉rahke, tó꞉ka ó꞉ni ne thé꞉nen karihwáston ne káʼkhwas. Rathikwé꞉kon ne ronahthaténron kwáh Í꞉i akonkwè꞉ta enhónton tánon thó꞉nenh hióton tsi enhothitharahiénhtahke ne rahothitióhkwakon ne Judah. Ekron ó꞉ni Í꞉i akonkwè꞉ta enhónton, tsi ki ní꞉ioht ne Jebusites.

Luke 2:8

Iah ihnon tehken eh nonȣe, katsenen sakohnaststerista astste ronnonȣestskȣe nok asontakȣekon sakotinonnaties ne raotitsenenhokon.

John 10:11

Ii ne ranonnhatseriio: ranonnhatseriio sakoȣis ne rahotsenenhokon tsi ronnhe.

Romans 5:4

Naiontakátsʼtate tkáhas ne Rawenní꞉ioʼs rahoriwahniráhtsera, tánon ne rahoriwaniráhtsera iónʼnis ne askanéktsera.

Hebrews 11:33

Tewehtákwen tsi ní꞉ioht tsi wahʼhontirí꞉ioste tánon kanakerahserakwékon tsi wahontʼkwéni. Tóh nahatí꞉iere tsi nateiotonwentióʼon tánon wahatiʼiéna tsi nihorahrátston ne Rawenni꞉io. Wakonwatískweʼke ne kénreks,

Revelation 13:2

Tánon ne kátsi noniowá꞉nen né꞉tho wahí꞉ken ne teshiatiéren ne rorakwarónhnion takós, ne rashì꞉takes kwáh né꞉ne okwá꞉ris, tánon ne tsi rasaká꞉ronhte kwáh né꞉ne kénreks tsi rasaká꞉ronhte. Tánon ne rononwahronhiétha ne kwáh raónha raoshatsténhsera ne tahá꞉wen né꞉tho katsinoniowá꞉nen tánon ne raonitskwá꞉ra tánon ne raokweniá꞉tshera.

Judges 14:6

Thontahiawénhstsi ne Roiá꞉ner rahoshastsʼténhsera sénha wahoshastsʼténhseron ne Samson, tánon rahotsianóskon tsi wahohiataratiónhko ne kénreks, tsi shí꞉ken ní꞉ioht ne kenʼnithohiónha kaiatákeras akénhake. Ók iáh kíʼ teshakoró꞉ri ne ronhwaiénha tsi nahá꞉tiere.

1 Samuel 17:15

ók ne Táwit tehateratánions nenhʼné꞉eh tsi nón꞉we nihénteron ne Saul ne nasakó꞉nonte ne roʼníha raotshenenhókons teiotinakarontón꞉ʼa ne Bethlehem nón꞉we.

1 Samuel 17:33

Ne Saul wahawénhaʼse ne Táwit, “Ní꞉se iáh taskwénhni niatsaʼtiatónhti kí꞉ken Philistiaró꞉non nahitsaterí꞉io rahón꞉ʼa; asèken ní꞉se seksá꞉ha khók, tánon ne raónha kénk shiʼthoiónha nènhne eh shiʼhaterí꞉io.”

1 Samuel 17:35

entkhésereh tánon ienhkatiaʼtónhti, enskeniákenhte ne teiotinakarontón꞉ʼa owí꞉ra ne tsi kasakáronhte; tánon tó꞉ka entewakatsiatónhti, kwáh kiʼ ientiéna ne karhió꞉tsake, entkón꞉rehke tánon enkenonwarhiá꞉kon.