1 Samuel 17:28 - Ohiatonhseratokénti

²⁸ Ne thoksʼténha rotsíha Eliab wahothónhtene tsi tehotíthahre ne rón꞉kwe; tánon ne Eliab kanakwáhtshera tahkatsiró꞉ten tsi nó꞉kwah ne Táwit. Wahén꞉ron, “Onh nonhtiéren tsi kénʼen nontáse? Ónka washeiatiéten ne thí꞉ken thohʼkárah nikónton teiotinakarontón꞉ʼahs ne thóh iahonwenhtsiaʼthénhake tkón꞉nes? Wakateriéntahreh tsi nisatátʼthareh (tsi kenekerotsotáhrok nashiatóten) tánon tsi niserhiasákʼsen; asèken ní꞉se tsi táhse nék khók nasatʼkátho nateriʼiósera.”

1 Samuel 17:28 ပူးပေါင်းရင်းမြစ်များ

Genesis 37:11

Katíʼ ne rontateʼkoʼokón꞉ʼahs tsi nahonwaʼnóh꞉shen, ók kíʼ ne roʼníha tió꞉konte oriwakwé꞉kon ne ranonhtonniónkwas.

Genesis 37:4

Ók nó꞉nen ne rontateʼkonʼokón꞉ʼahs sahontkáhtho ne ronwaʼníha tsi sénha Só꞉se ronorónhkhwa tsi ní꞉ioht ne ronátiaʼkes rontateʼkoʼokón꞉ʼa, wahonwáhswenh iáh tewá꞉tonʼskwe ne skén꞉nonʼk khók tsi ní꞉ioht tsi taonsahatihthá꞉ren ne ráonha.

Genesis 37:8

Né rontateʼkoʼokón꞉ʼa wahonwènhahse, “Sanonhtónnions ónhteʼ kenh ahsatenontí꞉iohste? Tánon ahskwaianerenhserónnien?” Ó꞉nen kiʼ sénha wahonwáhswen tiorí꞉wa tsi nahó꞉ten rotetshén꞉en tánon tsi nahó꞉ten wahshakohró꞉ri tsi nihotetshén꞉ʼen.

2 Chronicles 11:18

Né Rehoboam Mahalath ne wahotíniake, né꞉ne ronhwanikénʼen ne Jerimoth né꞉ne Táwit roienhkénʼen tánon né꞉ne ronistenkénʼen ne Abihail, né꞉ne iesehsakoiénha ne Eliab tánon né sakoteréhakwe ne Jesse.

Psalms 35:11

Né natsiokentashón꞉has thontahatítane waʼhonkanowénhten; waʼhonhnó꞉wenhte tsi nahóten waʼhonhníron karihwák꞉sen tsi niwaʼkatieráhnion.

Proverbs 18:19

Sheiaʼtakéhnha ne sewatátenonhkwe tánon ronónha ó꞉ni eniesaiaʼtanónhstate tsi ní꞉ioht ne kanatowá꞉nen tewahsónhtote otstèn꞉ra. Tókaʼ tensewaterihwakén꞉ni enthatihnhó꞉ton tsi ronatehnhonhká꞉ronte ne sarihwà꞉ke.

Proverbs 27:4

Kanaʼkhwénhsera iakokarón꞉nis tánon enkahwatsirahríhsi iáh kiʼ ne thaʼtáhseren ne ateʼkehfáhtsera.

Ecclesiastes 4:4

Onhkaterientarahnèʼna káti ó꞉ni nonhtséren nónhkwe tsi niehiakótre iakohióthe né꞉ne ahiakohianerásten: Né aoríhwa né tsi rothinósen tsi nahoténsons ne tehonnonhsanékens rotí꞉ien. Ók iáh kíʼ thén꞉nenh tekástha. Thóh ní꞉ioht tsi ní꞉ioht ne owéra konhwá꞉sehre.

Matthew 10:36

Neh oni enshonȣasȣenseron nakȣa rahonnhatseraokon.

Matthew 27:18

Aseken roterientare tsi kannoshatsera ok ahoriȣa tsi ronȣaienahatie.

St. Mark 3:21

Siiahatiriȣaronke ne raoȣatsire ȣathotisterihen saonȣaiatisakha aseken iontonnionskȣe, tehanonȣaraȣenrie.

Jude 1:10

Nok ki nonkwesónha ienieʼtsiiatiathónti naietʼtsinikonratsáte tsi nahó꞉ten ne iáh tehotinikonraiénthas; tánon tsi nahoʼténsons ne ronaterièn꞉tare nakénhake, tsi ní꞉ioht ne konthírios, kwáh né rothirió꞉tha.

1 Samuel 16:13

Eʼthó꞉ne ne Samuel iahát꞉rakwe ne onákare ne wenhienáre, tánon waawehienáro raotihén꞉ton ne sakotsiʼokónʼahs; tánon ne raonikonratokénti ne Roiá꞉ner ónwe tehiotenonhianitonhá꞉tie tsi wahorahne ne Táwit nètho siwenhniserátekwe iahontásawen. Ne Samuel eʼthóhʼne ionsahaténti tánon thóh nón꞉we niahá꞉re Ramah.

1 Samuel 16:7

Ók kiʼ ne Roiá꞉ner wahawénhase ne Samuel, “Tó꞉sa ne tetsiatʼkáneren tsi nihatʼkatotieróten khéhs tonahaʼneniésonhke, tsioríhwa tsi ní꞉i rikenronníhon; asèken ne Roiá꞉ner iáh ne eh thoʼtèiot tsi tehatʼkáthos tsi ní꞉ioht nonkweʼókons tsi iontkáthos; neh ne eh teiekánereh nátste nó꞉kwah tsi niʼiehiatóten, ók ne Roiá꞉ner awé꞉ri ne tehakánere.”

1 Samuel 17:29

Ne Táwit wahén꞉ron, “Ónh naká꞉tiereh nón꞉wa? Nék khók tsi wakeriwanón꞉ton.”