1 Samuel 17:26 - Ohiatonhseratokénti

²⁶ Ne Táwit wahawénhase ne rón꞉kwe ne raiaták꞉ta rátahkwe, “Ónh nahonwatiérase ne rón꞉kwe nón꞉ka ahononhwarhiákhon kí꞉ken Philistiaró꞉non, tánon éhren ahaháwite natehénsera NÍsraerʼronónke? Asèken ónhka kí꞉ken ne iáh tehotewarahkwétaron Philistiaró꞉non ne ne rahón꞉ʼa asakonenrók꞉thaʼse ne ronwaterí꞉iose ne ronnheʼónwe Ní꞉io?”

1 Samuel 17:26 ပူးပေါင်းရင်းမြစ်များ

2 Kings 19:4

Ne Assyriaró꞉non rakó꞉ra iehoteniétonhne nohénton iérate ne raʼonkwéta rasenhnowánen nahonikonrátʼsate ne ronnheónwe Ní꞉io. Aiáwens ne Roiá꞉ner Sewaní꞉io ahothónhteʼne kí꞉ken kasentáʼtseras tánon asakoréwaʼte tsi niʼiákon né꞉ne iakotáʼthiʼon. Ká꞉ti iasewaterénhnaien rahonháke ne Ní꞉io né꞉ne raoʼtirihwáke nontsonkweʼtashón꞉ʼas ne iateʼohnathaténron.”

2 Chronicles 32:17

Né kahiatónhsera nètho rakóra rohiáton wahonikónhratsaʼte ne Roiá꞉ner, né Raní꞉io í꞉ken Nisraeró꞉nonke. Wá꞉ton, “Né sakotiniʼiohokónhas nonhkweʼshón꞉as iáh tesakotinóns꞉thaton nonhkweʼshón꞉as tsi nòkwah nakeshastsʼténhsera, tánon iáh ó꞉ni ne Hezekiah raoní꞉io tashakonónsthaʼte ne rahonkweʼtaʼshón꞉as tsi nòkwah ní꞉i.”

Nehemiah 5:9

Iakatahshón꞉teren katónhnions “Iáh teioiánere né꞉tho tsi nisatié꞉ra. Iáh ken teió꞉wenk thóh nón꞉we nasaténhti atietsaníseke ne onkwaní꞉io tiorì꞉wa tsi ionkhisenhnát꞉satha ne ionkhí꞉sons?

Psalms 44:13

Né wastiónhnien ne tehiakwanonsanekʼkhánion nahionkhistériste, tánon thahonkhiʼiéron ne skát꞉ne iákwes.

Psalms 74:18

Ók sehiárak, Ó Saiá꞉ner, ne iesáhshons tsi tihiesaiéron, né꞉ne iáh tehotirihwiʼiostonhtseráien tánon iesáshons.

Psalms 79:12

Saiá꞉ner, tsáta niʼiorihwáke shasehkáriaks nakorénhshons nonkweshón꞉has; né nakwékon tsi nihotiʼthónhiote ne sahénton tsi niʼiesanikonraksáton!

Isaiah 37:23

“‘Ónhka ónhte sherákwe tsi thiʼtierónhakwe tánon tienikonratsʼsáthakwe? Ónhka rahonhá꞉ke tsi satewenhnakétskwen tánon tsi nisathatónhni tsi ní꞉ioht tsi wasatarakétsko? Rahonhàke ne Roiatatokénti NʼIsraerʼronónke!

Jeremiah 10:10

Ók í꞉se, Saiá꞉ner, ne kwáh oriwiʼiohónwe Ní꞉io, Í꞉se ne shonnhehónwe Ní꞉io tánon tsi nénhwe Sanontí꞉io. Nónen shaʼnakwénʼen, ne tsi ionwenhtsiáte tenhiowísonʼkwe; nonkweshón꞉a iáh tahiekwéni nahiontahkátsthaʼte ne sahnahkwáhtshera. (

Jeremiah 9:25

Ne Roiá꞉ner ráton, “Ienkáhewe nónenh enkheréwahte nonkweshón꞉a ne Egypt, Judah, Edom, Ammon, Moab, tánon ne kahentahkeʼkówa nónwe nihathináhkere, ne ne kénk nisohthinonkwíseres tsi rohnatateʼnónkaron. Onhkwetahkwékon tsi iáh tehonatewarahkwétaron, tánon tsi niaʼtekanonhsáhkes ne Israel ne rahonerhianéson tsi iáh tehonatewarahkwétaron.”

Ezekiel 28:10

Kwáh thóh ní꞉ioht tsi enshíheʼie tsi ní꞉ioht nʼérhar né꞉ne rahtisnonhsáke nónhwe niʼiothaténron ne iáh tehotiniʼiosehráhien thihononhontsáthes. Í꞉i ne Wakenonhtí꞉io Watiá꞉ner, tewahkatʼkáwenh né nahatíʼiereh.”

Daniel 5:23

Wahsatathará꞉tate tsi nonkwá꞉ti ne Roiá꞉ner Rawenni꞉io ne karonhiá꞉ke thén꞉teron tánon táhsionʼte ne kátshe ó꞉ni ne akehraʼshón꞉a ne thotíha ne raononhsatokenhtiʼkowáhne. Í꞉se tánon ne sonkweʼtaʼshón꞉ʼa ne ratihsennowá꞉nens, sewaniákhons, sahskareʼó꞉kon, ne wésewatste tsi wesewahnekí꞉ra ne notsì꞉tsa ó꞉ni wesewahsénnaien ne kaiaʼtón꞉ni ne ionniá꞉ton ne ohwistanó꞉ron, kahwistará꞉ken, ne kahwistárhon ne otsì꞉nekwar nikaristó꞉ten, karístatsi, ó꞉iente, tánon ne onén꞉ia—kaiaʼtón꞉nis ne iáh tekontí꞉ken tánon iáh teionathón꞉te iáh ó꞉ni thé꞉nen teionaterién꞉tare. Nok iáh tehtskweniénhston ne Rawenni꞉io tsi niká꞉ien thoniarotárhon ne tsi sónnhe ó꞉ni tsi satónrie ó꞉ni kwáh tsi ní꞉ioht tsi satoriá꞉nerons.

Daniel 6:27

Shakonónhstats tánon shakoʼniakénhtha; né roióʼtens né iorihwanehrákwa tánon né iorihwanehrakwahténions, né karonhià꞉ke ó꞉ni onhwentsià꞉ke. Sahoniá꞉kenhte ne Daniel, né kèn꞉reks ahonwaiaʼtaratsónkwen.”

Daniel 9:16

O Saiá꞉ner, tsi nitiawé꞉non seriwahnirá꞉ti ne sarihwatokenhtíhtshera ne Israerʼró꞉non, ne katiʼ aorì꞉wa nasathontátsheke ne táhstaʼne tsi shenaʼkhwáse tsi rotinátaien ne Jerusalem. Í꞉se saná꞉ta, tánon ne sanonhsatokénhti. Akwé꞉kon ne thihotitiohkwaténion niakwaiaʼtaktóntie ratinakerénion ratikenhrón꞉ni ne saná꞉ta, tánon ó꞉ni ne sonkweʼtaʼshón꞉ʼa ne tsi nihotirihwanéren nonkwahsótshera ó꞉ni nonkwatiaʼkéshon.

Joel 2:19

Tsi wateshakoriwaʼserá꞉kwahse ne rahonkweʼtashón꞉as ne Roiá꞉ner wahèn꞉ron: iakwateniéten ne sewarihwà꞉ke nonátsias, onenhará꞉keri, tánon kénhie, tánon kwáh ensehwerienʼtí꞉io tánon iáh shé꞉kon ne thahonshationhniáte ne naietsiiatehá꞉te tsi ratinákere ne ronhnonhontsakeró꞉nons.

Deuteronomy 5:26

Ónhka kén nónhkwe nonhwén꞉ton shé꞉kon ahiakónhnheke nó꞉nen iakothontè꞉hon ne rónhnhe Rawenni꞉io ahontahatá꞉ti ne tsi ioʼtékha?

1 Thessalonians 1:9

Kwá onkwetakwékon iakotarákwen tsi ní꞉ioht tsi wahteskwaróton ne siakwanatarénase, tánon tsi ní꞉ioht tsi thonsehsewatkaraténi tsi nòkwa ne kahiatonnisónhas tánon Rawenní꞉ioke ionséhsewe, nasisewahiótense ne oriwiʼiohónwe ó꞉ni ne ronnhehónwe Ní꞉io

Joshua 3:10

Tsi iensewahténhti, kwáh oriwihiohón꞉we tsi enshakotekwáhthe ne Canaanites, ne Hitró꞉nons, ne Hivró꞉nons, ne Perizró꞉nons, ne Girgashró꞉nons, ne Amorʼró꞉nons, ó꞉ni ne Jebusites. Kwáh ki ensewaterienʼtará꞉ne ne ronhnhehón꞉we Ní꞉io tsi kén꞉en í꞉res tewahiataʼtónhtie

1 Sawátis 5:20

Ionkwateriéntare ne Rawenni꞉io Roiénha tsi thawénon ó꞉ni teshonkwáwi ne kanikonraienthátsera, neh꞉ne ahtsitewaientérahʼne ne kwá tókenske nʼoriwí꞉io Rawenni꞉io. Thóhnon nitión꞉ne tsi tehionkwateriwasóntere ne kwá tókenske Rawenni꞉io—ne ó꞉ni tehionkwateriwashóntere ne Roiénha Ié꞉sos Kerístos. Neh kí꞉ken ne kwá tókenske Rawenni꞉io, ó꞉ni ne kí꞉ken ne ionnheʼónwe natónnhets.

1 Samuel 11:2

Ók ne Nahash wasakawénhase, “Tiorí꞉wa kiʼ tsi nenhiotón꞉hake kwáh entiaʼnerenhserónhni naterihwaseronhniátshera tsi naʼtetewátere, ne enkénhake nètho tenkhekaratáko ratiʼkwé꞉kon ne satiweientetákwen, tánon neh enkaién꞉taʼne natehénsera onkweʼtakwékon NÍsraerʼronónke.”

1 Samuel 14:6

Ne Jonathan wahawénhase ne kén nithoiónha rón꞉kwe ne rahawinón꞉tse rateriʼiostákwas, “Káts, áhnion thóh niehé꞉tene tsi kentió꞉kwaien ne ronterí꞉ios ne ronónha tsi iáh tehonwatiʼwarakwétaron; tó꞉ka nón꞉wa ne Roiá꞉ner teshonkwariwáhwá꞉se; asèken ne Roiá꞉ner iáh thaónton tahoiótatʼtse nasakonónsthate aiakotiokówanenke khéhs kénk naiakónha.”

1 Samuel 17:10

Tánon ne Philistiaró꞉non wahén꞉ron, “Ónwa wenhniseráte wakhenenrót꞉thase NʼIsraerʼró꞉nons! Tationkwéton, ne nahón꞉ton skát꞉ne tsi ahiʼtewaterí꞉io.”

1 Samuel 17:30

Ne raón꞉ʼa watatkaraténi éh꞉ren sárehte tsi nón꞉we níres ó꞉ia iatonhsanithá꞉ren kwáh ne saoríhwa; tánon nonkweʼó꞉kons shé꞉kon kwáh thóh ní꞉ioht tsi tonsahonwarihwaserákwahse tsi ní꞉ioht ne tsioʼtierénton.

1 Samuel 17:36

I꞉i kwáh kekononhwarhiákhon tetsá꞉ron ne kénreks ó꞉ni nokwáhri; tánon kí꞉ken ne iáh teotewarakwétaron Philistiaró꞉non kwáh nonhnéʼeh tho nenhoiátawe tsi kíʼne eh nihotiʼiatawénhʼen ne ró꞉nonha, neh tsi sakosenhnakʼsáton ne raotió꞉kwas ronterí꞉ios ne ronhnheʼón꞉we Ní꞉io,”

1 Samuel 31:4

Ehʼthóhʼne Saul wahawénhase rateriʼiostáhkwa ráhas, “Shió꞉tion ne shá꞉sare tánon testiaʼtáwehest nètho, ne káti nètho ne iáh tehonatewarakwátahron ne tó꞉sa ahón꞉ton nahontahón꞉ne tánon ne tahiontiatáweheste, tánon ne ahionkatswátahkwe.” Ók ne ráhas ne rateriʼiostákwa iáh tehothontháton; asèken sótsi roteronhienténhni. Káti Saul wahathá꞉wa ne raoʼsarehkó꞉wa tánon thóh iahathatsá꞉tsenenhte neh wahaiatohárahne.