1 Samuel 17:25 - Ohiatonhseratokénti

²⁵ NʼIsraerʼró꞉nons wahonníron, “Etʼtsisewáken kén kí꞉ken rón꞉kwe tsi thawénon? Oriwiʼiohónwe tsi tahwénon ne nasakonenhrók꞉thase NʼIsraerʼró꞉nons. Ne ronnontí꞉io kwáh í꞉ken tsi teiotenonhianíton tsi enhokwatsésten ne rón꞉kwe nón꞉ka enhononhwarhiákon, tánon kwáh iensakótʼkaʼwe ne sakoién꞉a ne tsonatʼthonwisen ne ahotíniake ne rahón꞉ʼa tánon ne ensakahónhnien ne raowáhtsireh nahontatewenhní꞉ioke NʼIsraerʼronónke.”

1 Samuel 17:25 ပူးပေါင်းရင်းမြစ်များ

Ezra 7:24

Kwáh tó꞉sa nonhwén꞉ton shekarotháshen ne ratitsihénstatsis, ne Leviró꞉nons, ne ronhterenhnót꞉thas, ne ratinikonhrares, ne rotihiotens, khés nón꞉kak akó꞉ren ne tahonaterihwasónhterehke kí꞉ken Ononhsatokentihkó꞉wa.

Matthew 17:26

Tier ȣahenron: neneh ok tiiakaonȣentsiate; tontahenron ne Iesos; iah kati othenon teiakokaraien neksaokonha?

Joshua 15:16

Ne Caleb wahèn꞉ron, “Ienkhehiátkaʼwe ne kheiénha Achsah nahotí꞉hiake ne rónhkwe tsi niká꞉ien nenhákweni nahaié꞉na ne Kiriath Sepher.”

Revelation 2:17

Ánion ne nónhka teionhontakáronhte iontahón꞉satat tsi nahó꞉ten ne Ronikonratokénhti ratónhnions ne tsi ionterenhnaientákwas. Ne nónhka ne rotesénhnion kwáh í꞉i enthí꞉ion ostón꞉ha ne washé꞉ton kanà꞉taro, tánon í꞉i kwáh enthí꞉ion ne kanenhiaráken, tánon thóh ne kanenhiará꞉kenʼne tsi kahiá꞉ton kaʼsénhnase ne né꞉tho iáh ónhka teiakoterénhtare ne khók rahonhatsí꞉wa tsi niká꞉ien nenhaié꞉na.

Revelation 2:7

Ánion nónhkak ne tehionhontakáronhte iontahón꞉satat tsi nahó꞉ten ne Roʼnikonrí꞉ioston ratón꞉nions rononhà꞉ke ne tsi ionterennaientákwas. Ne ne tsi niiá꞉kon nenhiontesénhniete, Í꞉i kwáh enkerí꞉on ne tahiontskà꞉on tsi iorón꞉tote ne atón꞉nhets ne ne thóh nón꞉we tsi rothé꞉taien ne Ní꞉io.

Revelation 3:12

Tó꞉ka ní꞉se ensatesénhni, Ní꞉i kwáh ne enkonhionhniá꞉te ne kanawaháta thóh raononsatokentikó꞉wane nakení꞉io; ní꞉se kwáh iáh nonhwén꞉ton thataontahshiá꞉kenhne. Ní꞉i kwáh thenkonhiá꞉ton ne raoshén꞉na nakení꞉io, tánon tsi niiosenhnó꞉ten ne naoná꞉ta nakení꞉io, né꞉ne ná꞉se Jerusalem ne né꞉tho entewasnénhte tsi nénhtewe nakení꞉ione entkaiá꞉kenhne karonhiá꞉ke, tánon ne kwáh Í꞉i aksén꞉nase.

Revelation 3:21

Né꞉ne tsi niká꞉ien nenhatesén꞉ni enhinákton skátne ní꞉i enhiatiá꞉tsen nakanitskwá꞉rane. Kwáh tsi ní꞉iot ní꞉i tsi wakatesén꞉nion tánon wakaʼtsien ne Rakeʼní꞉ha raonitskwáhrá꞉ne.

Revelation 3:5

Tó꞉ka enshateshén꞉ni, ní꞉se kwáh thóh ní꞉iot tsi ensatierónhnike tsi ní꞉iot ne ronónha né꞉ne wakó꞉ses í꞉ken, tánon ní꞉i kwáh iáh thaonsakonhsenhnará꞉ko ne kaiatonhserá꞉kon ne iónhne; tánon ní꞉i kwáh enkeriwaní꞉rate ne sashén꞉na raohén꞉ton ne Rakeʼní꞉ha ó꞉ni raotihén꞉ton ne raoronhiakerononó꞉kons.

1 Samuel 17:24

Ratikwé꞉kon NʼIsraerʼró꞉nons nó꞉nenh saonwáken ne rón꞉kwe, wahonwatékwahse tánon kwáh í꞉ken tsi wahotíteronhne.

1 Samuel 17:27

Nonkweʼó꞉kons watonwariwaserákwahse ne ne kwáh ne saoríhwa, “Káti kwáh entonwarihwaiéritʼtse ne ónhka ne rón꞉kwe nenhononwarhiá꞉kon.”