1 Samuel 17:18 - Ohiatonhseratokénti

¹⁸ kwáh ó꞉ni iatsawítaf kiʼ oiéri níkon kakwetarón꞉kwen kanontíson ne rateriʼioserakweʼní꞉io ne oiéri tewenhniáʼwe ehtseráhse. Satkátho onhniʼiohtonhátie ne sheʼtsiʼokónʼahs, tánon knahó꞉tenk tonhtásaf ne rononháke nahontáhwe.”

1 Samuel 17:18 ပူးပေါင်းရင်းမြစ်များ

Genesis 37:13

Ne Israel wahawènhahse ne Só꞉se, “Iáh kenh ne sewatateʼkoʼokón꞉ʼahs tshekonwatihontanón꞉tenhs ne teiotinakarontón꞉ʼa tánon ne kaiaʼtákeras ákta ne Shechem? Káts, ienkoniaténniehte tsi nón꞉we thón꞉neʼs.” Waʼtharihwaʼserá꞉ko, “Kwáh tsi nikahá꞉wi íhsehre.”

Genesis 37:14

Katíʼ wahawènhahse, “Wáhs kíʼ ó꞉nenk, satkenʼsé꞉ra tókaʼ kenh ne sewatateʼkoʼokón꞉ʼahs iáh thé꞉non tehotiiá꞉tawens tánon ó꞉ni ne teiotinaʼkarontón꞉ʼa tánon ne kaiaʼtákeras; tánon tontahskerihwenhawíten.” Sók kí tho nón꞉we tahoténniehte aonhráhkwakon ne Hebron. Kiʼ iahá꞉rawe ne Shechem,

2 Samuel 17:29

otsinakontakwáne otsikhétas óni ne kawistoseró꞉kwen, teiotinakarontónʼahs, tánon ne kawistoseronhniáton ne tionhnónskwaron aotinón꞉tha, asèken ne ne Táwit tánon nonkweshón꞉ahs ne ratikwekonhátie enhón꞉neke; asèken wahonhní꞉ron, “Ne ronterí꞉ios rontonkárhiaks tánon teotiwisenhéion tánon rotiniatátʼtens thóh nón꞉we iahonwenhtsiatʼténhake.”

Esther 2:11

Mordecai tshiatewenhniserà꞉ke tóhka niháktons tsi nón꞉we nikontí꞉teron ne kontiiá꞉taseʼ ohnaiá꞉wenʼne nahotó꞉kenhse oh ní꞉ioht tsi iakohnhétie ne Esther tánon tsi neniakoiá꞉tawen.

Job Tánon ne Raoronhiakensera 10:10

Iáh ken thóh ní꞉ioht tsi teská꞉weron tsi ní꞉ioht ne kawistohserón꞉ni tánon watesetkarénhron tsi ní꞉ioht ne kanonthí꞉son?

Exodus 18:7

Káti ne Mahís iahaʼhiá꞉kenhne niatahoteráhthe, rahohénton watʼtaʼtsákete, tánon wahtoʼnoronhkwáhnion. Wathiaʼthateriwahnónhtonhse onhʼní꞉ioht tsi nonhnhétie tánon ethòne ó꞉nen Mahís rahothoseràkon iahiaʼtáwehʼiate.

Acts 15:36

Kwáh kenʼnáhe onakénke ne Kór wahawénhase ne Barnabas, “Ánion thóh ietsítene tseʼthinatharénsera ne thonetákwens kwáh tsi niaʼtekanátakes iehiontiateriwanóthe ne Roiá꞉ner rahowennahókons, tánon enteniriwatʼtsénri onihioʼthonhátie ne ronónha.”

Judges 18:15

Káti Micah tsi ronhnónhsohthe iahontáwehiathe, tsi nónhwe thénhteron ne kenʼnithohiónha Leviró꞉non, tánon wahonwarihwanónhtonhse onhnihiothonhátie.

1 Samuel 16:20

Ne Jesse iahénhnonke tewahón꞉tes ne wahatreniakéthate kanatá꞉ro, tánon ne kanéhonk watʼnekarákwa otsí꞉tsa, ó꞉ni kaiatáhkeras owí꞉ra, tánon ne iashakohiaténhawe ne roién꞉a Táwit tsitʼthénteron ne Saul.

1 Samuel 17:19

Nón꞉wa ne Saul, tánon ne roʼnónha, tánon ratikwékon NʼIsraeronónhke, thóh rónhneskwe ahonrahkwáhkon ne Elah, ne ronaterí꞉io ne Philistine.

1 Samuel 25:5

Káti ne Táwit iasakoténiete oié꞉ri nihá꞉ti nithotiʼiósha; tánon ne Táwit wahshakawénhase ne kén nithotiʼiósha, “Wáhs thóh iahá꞉sewe Carmel, tánon thóh iahá꞉sewe tsi thénteron ne Nabal, tánon tetsisewanón꞉weron í꞉ih aksén꞉nakon.

1 Samuel 30:21

Ehʼthóhʼne ne Táwit iasakoiatórenhne ne tekenitewenhniáwe niháti ronnón꞉kwe tsi nikáien ne shó꞉tsi teohtiwisenhéionkwe nahonwásehron ne Táwit, tánon ne ne ronónha thóh thonwanatkáwenh ne Wadi Besor. Iahónhne ne ne tahontát꞉ken ne Táwit ó꞉ni ne tahontát꞉ken nonkweʼó꞉kons tsi nikáien ne ratikweʼkonhátie ne rahón꞉ha. Nó꞉nenh ne Táwit ákta sárehte ratiʼiatákʼtion nonkweʼó꞉kons wateshakonónweron.