1 Samuel 17:12 - Ohiatonhseratokénti

¹² Nón꞉wa ne Táwit ne roniʼkénʼen ne Ephrathite ne Bethlehemró꞉non ne ne Judah nón꞉we, Jesse ronwaiáts, ne raónha shaʼtékon nionekenterontseraien꞉takwe. Thóh tsi nihotenhniseraténionskwe ne Saul ne ne rón꞉kwe ó꞉nenk shiʼoksténha tánon kwáh thóh tsi nihahoserákwen.

1 Samuel 17:12 ပူးပေါင်းရင်းမြစ်များ

Genesis 35:19

Katíʼ ne Rachel waʼkénheie, tánon tho nón꞉we naʼkonwaiaʼtáta tsi nieiothahí꞉non ne Ephrath (ne ne Bethlehem),

2 Samuel 23:1

Nón꞉wa ne kí꞉kens nonáken tsi nithotáti ne Táwit: Ne ne raowénhna ne Táwit, ne roièn꞉a ne Jesse, ne raowenhnaʼókons ne rónkwe tsi niká꞉ien ne Ní꞉io rosenhnakará꞉taton, ne ronwahiatará꞉kwen ne ne raoNí꞉io ne Jacob, ne ronwanonwéstha tsi nihashástste NIsraerʼronónke:

Psalms 132:6

Ephrathah nón꞉we nihionkwahrihwaʼrónhken nètho oneró꞉kwah; tánon wahakwát꞉tsenhri tsi kahentaien ne Jaar nón꞉we.

Micah 5:2

O ní꞉se, O Bethlehem ne Ephrathah, í꞉se ne kwáh kenk nitesewentará꞉sas ne Judah, tionhà꞉ke nón꞉we nenthaiá꞉kenhne éntre akonhá꞉ke rahónha enhatkóraste Israeronónke, ne tsi tahawatsirathátie né꞉ne owatsiratsthénha, né꞉ne wahón꞉nise tkénne.

Matthew 1:6

Nok ne Jesse rohnontiio David roienha; David ronontiio roienha ne Salomon, Urikenha rone roteȣetonni.

Matthew 2:1

Herod Shihonontiio, nihonakeraton ne Iesos tsi tkanataien ne Bethlehem, etho kati ȣahonneȣe Asen nihati Ratisennoȣanens tsi tkarakȣinekens nontahonne.

Matthew 2:6

Iah teionatakenrat ne Bethlehem Konȣanntonkȣa Sitaeronon rahonatenata, enhiakotoheststen ne kanatoȣanens, aseken enthaiakenne ne Raȣenniio enhonȣennakeraton rahotiokȣa Israerronon.

Ruth 4:17

Kí꞉ken konnón꞉kwe ne tho kontinákere wahonwahsén꞉non kí꞉ken raksá꞉ʼa Obed. Waʼtkonterihwaré꞉niaʼte akwé꞉kon aiakotó꞉kenhse, “Raksá꞉ʼa wahrénnakerate Naomi ronwaién꞉ʼa!” (Toh nihatiweienoʼtén꞉e neʼthó shontakahá꞉wi.) Obed káti ieshoién꞉ʼa ne Jesse tánon ne ieshoién꞉ʼa ne Táwit.

1 Samuel 1:1

Tho nón꞉we ronkwetaʼtóken ranákerehkwe ne ne Ramathaim-zophim, ne ne tsi ionhniarónhnion kanakeraseráien ne Ephraimke, Elkanah ronwáiatsʼkwe ne roní꞉ha ne ne Jeroham, ne roshót꞉tha ne ne Elihu, Tohu tsi tahawatsiraʼtátie, ne ne Zuph naohtaró꞉then, Ephraimró꞉non.

1 Samuel 16:1

Ne Roiá꞉ner wahawénhase ne Samuel, “Tohá꞉kwa nikarí꞉wes tsi entsationniónhkwen ne Saul? Ní꞉i rikenronníhon nahonontí꞉ioke ne NIsraerʼronónhke. Ne í꞉senanh ne katshénen aonakarakénʼen ne iakenʼiewá꞉tha kénhie tánon tho iahá꞉se, Ní꞉i kwáh ienkoniaténieʼte tsi thénhteron ne Jesse ne ne Bethlehemró꞉non, asèken ní꞉i neh wakathaterakwénhni ne iatetsiá꞉ti ne ahotinontí꞉ioke ne sakohiohokónʼahs.”

1 Samuel 16:18

Saiá꞉ta ne kén nithoʼiónha wathariwaserá꞉ko, “Satahón꞉satat, í꞉i kwáh rí꞉ken ne roién꞉ha ne Jesse thóh tsitkanátahien ne Bethlehem, raón꞉ʼa ne rorenhná꞉hon nahaterenhnó꞉ten. Ne raón꞉ʼa kwáh nón꞉ne eh ronikonratʼtsáni tánon ranekénteron, rashotarí꞉io, tánon ratenikonratʼtókha tsi ní꞉ioht tsi rathátis; tánon ne Roiá꞉ner kwáh nikwé꞉kon ne raón꞉ʼa.”

1 Samuel 17:11

Nó꞉nen ne Saul tánon ratiʼkwé꞉kon NʼIsraerʼró꞉nons wahonatʼthóntene kí꞉ken raowenhnahó꞉kons ne Philistiaró꞉non, kwáh í꞉ken tsi wahonhnikonrók꞉ten tánon kwáh í꞉ken tsi wahotíteronhne.

1 Samuel 17:58

Ne Saul wahawénhase, “Ónhka ní꞉se iesaién꞉ha, nitisahiónha?” Tánon ne Táwit watharihwaseráko, “Ne ratién꞉ha ne sanhá꞉tshera Jesse ne ne Bethlehemró꞉non.”