1 Samuel 16:21 - Ohiatonhseratokénti

²¹ Tánon ne Táwit iahá꞉rahwe tsi thénhteron ne Saul, iahatáhwehiaʼte tsi thoʼhioténhstha. Ne Saul kwáh í꞉ken tsi wahonó꞉ronhkwe, tánon ne wahaterihónten nahaháseke ne rateriʼiosthákwas.

1 Samuel 16:21 ပူးပေါင်းရင်းမြစ်များ

Genesis 41:46

Ne Só꞉se áhsen niwáhsen shaʼtehaohseriiá꞉kon sontahatáhsawen wahoióʼtenhse ne Pharaoh né ronnontí꞉io í꞉ken ne Egypt. Tánon ne Só꞉se iahaiá꞉kenʼne tsi nón꞉we ní꞉res ne Pharaoh, tánon ohontsakwé꞉kon nontá꞉rehte ne Egypt.

1 Kings 10:8

Tsi nióre tsi ionateraswí꞉io ne tesewénhterons! Ó꞉ni tsi nihonateraswí꞉io ne sanhatserahókons, né꞉ne tiotkonhónwe sahénton rónhnes tánon ronateraswí꞉hio nahonatʼthónteʼne ne satʼthokhátseras tsi nisathónhnions!

Psalms 118:9

Sénha ne tsoiánere rahonháke ne Roiá꞉ner nón꞉we iasatekwáhsen tsi ní꞉ioht né thóh nón꞉we nahisanikonraníronhke ronhnón꞉hake ne rontinontí꞉ios.

Psalms 146:3

Tó꞉sa ne seniahesénhak nonkweshón꞉has sakotihénthense; nonkweshón꞉has, ne rononháke iáh né thènen tekáien ne kaiatakenátsera.

Psalms 62:9

Nón꞉kwe ne teshonhtsérens tsi ní꞉ioht ne iahiakotonhniserón꞉ti; tsi niháti ne toʼnatonhkwetatónhnions iáh othènon tehatirihwásthas; nasehkonhtseriháren; né ratikwékon iatahonwaʼtí꞉ieste sénha iáh tehotiʼhiátatste tsi ní꞉ioht ne iotewerahrátses.

Proverbs 22:29

Takenaʼtón꞉hahs nónhka raioʼtenhserí꞉io, tánon enkonnaʼtón꞉hahse ónhka sénha ionkweʼtí꞉io tánon tehotèn꞉tshon skátne ahonné꞉sheke ne rotinontí꞉ios.

Deuteronomy 1:38

Ók tieshatsténseron tsi tehahiaʼtorétha ne iaienahwà꞉se, Joshua né꞉ne roiénha ne Nun. Ne enshakohéntenhse Israerʼró꞉nons tsi enhatiʼié꞉na nonhóntsa.’

Deuteronomy 10:8

Ne tsi tionónhte ne Roiá꞉ner washakohiaʼtarakwenhá꞉ton ne ronhnónkwe né꞉ne tsi ratiʼtá꞉raien ne Levi nahontenhnikónhraren nateriwaʼseronhniá꞉tshera oʼneró꞉kwa, né꞉ne tsi ahonwahiò꞉tenhse tsi rotikhá꞉res í꞉ken, tánon nahatirihowanáhthake ne kaiataterí꞉tsheras rahosénhnakon. Tánon shé꞉kon nón꞉wa thóh nihotihioʼtenhseró꞉ten.

Judges 9:54

Ethòne tsi niʼiostó꞉re iahó꞉nonhke nithohiónha né꞉ne rahawinónhtiene ne rateriʼiosthákwas tánon wahoró꞉ri, “Shaʼsarótsi ne shaʼsarekówa tánon takenonhwariákon. Iáh thatewakathonhontsóni nahiaiéron iónhkwe kí꞉ken onhkenonhwariákon.” Káti ne nithohiónha wathohiatoráhrake, tánon warénheie.

1 Samuel 16:22

Ne Saul ionsahoteriwaniéten ne Jesse, ratón꞉nions, “Ahtserí꞉on ne Táwit kénʼen aréhsehke tsi niwatsioténstha, asèken wahatʼtsénhri ne kaiathaterítsera nakʼkénton.”

1 Samuel 17:15

ók ne Táwit tehateratánions nenhʼné꞉eh tsi nón꞉we nihénteron ne Saul ne nasakó꞉nonte ne roʼníha raotshenenhókons teiotinakarontón꞉ʼa ne Bethlehem nón꞉we.

1 Samuel 17:55

Nó꞉nen ne Saul sahó꞉ken ne Táwit iahahiákenhne niahotiatónhti ne Philistiaró꞉non, ne raón꞉ʼa wahawénhase ne Abner, ne ne rateriʼioserakweʼní꞉io ne raotsió꞉kwah ronterí꞉ios, “Ne Abner ónhka ronhwahʼién꞉a kí꞉ken kén nithoiónha?” Ne Abner wahén꞉ron, “Ne satónnhets tsi nihión꞉nhe, Ó Sanontí꞉io, Iáh tewakateriéntare.”

1 Samuel 19:7

Káti ne Jonathan iahó꞉nonhke ne Táwit tánon orihwakwékon wahorihókʼtahse. Ethò꞉ne ne Jonathan iahohiaténhawe ne Táwit raohénton ne Saul, tánon ne Táwit wathorihwásnieʼse ne Saul tsi kiʼ niʼiotónhne ne tsiotierénhton.