1 Samuel 16:13 - Ohiatonhseratokénti

¹³ Eʼthó꞉ne ne Samuel iahát꞉rakwe ne onákare ne wenhienáre, tánon waawehienáro raotihén꞉ton ne sakotsiʼokónʼahs; tánon ne raonikonratokénti ne Roiá꞉ner ónwe tehiotenonhianitonhá꞉tie tsi wahorahne ne Táwit nètho siwenhniserátekwe iahontásawen. Ne Samuel eʼthóhʼne ionsahaténti tánon thóh nón꞉we niahá꞉re Ramah.

1 Samuel 16:13 ပူးပေါင်းရင်းမြစ်များ

2 Samuel 12:7

Ne Nathan wahawénhase ne Táwit, “I꞉se nètho rón꞉kwe! Tiakariwakenhniá꞉te ráton ne Roiá꞉ner, ne Sakoní꞉io ne Israerʼró꞉nons: Í꞉i koniatará꞉kwen tsi sanontí꞉io í꞉ken nètho nón꞉we Israerʼronónke, tánon Í꞉i skonhniakénton ne ratshanáke Saul;

2 Samuel 2:4

Ehʼthóhʼne nonkweʼó꞉kons ne Judah tahón꞉ne, tánon thóh nón꞉we naonwahiataráko ne Táwit asakotenontí꞉ioste ne Judahró꞉nons. Nó꞉nen saonwaró꞉ri ne Táwit, “Ne nonkweʼó꞉kons ne Jabesh Gilead ronwaʼiatáten ne Saul,”

2 Samuel 23:1

Nón꞉wa ne kí꞉kens nonáken tsi nithotáti ne Táwit: Ne ne raowénhna ne Táwit, ne roièn꞉a ne Jesse, ne raowenhnaʼókons ne rónkwe tsi niká꞉ien ne Ní꞉io rosenhnakará꞉taton, ne ronwahiatará꞉kwen ne ne raoNí꞉io ne Jacob, ne ronwanonwéstha tsi nihashástste NIsraerʼronónke:

2 Samuel 5:3

Káti ratikwé꞉kon ne thoʼtíions NÍsraerʼronónke tahón꞉ne raohén꞉ton ne ronnontí꞉io ne Hebron nón꞉we; tánon ne Ronnontí꞉io wahrón꞉ni ne kaianerénhsera skátne ne ronónhsa thóh nón꞉we ne Hebron raohén꞉ton ne Roiá꞉ner, tánon wahonwaiataráko Táwit nahonontí꞉ioke kanakeraserakwé꞉kon Israerʼronónke.

2 Kings 9:6

Ethòne kí꞉ken teniʼiáse kanóns꞉kon niahá꞉ne, tánon né kentithoiónha rotó꞉kense taʼreienáweron ne iakeniewátha ne Jehu ranontsíne tánon wahawénhase, “Né Roiá꞉ner, ne Shakó꞉ní꞉io Nisraeʼró꞉nonke, rá꞉ton: ‘Wakonʼienáro naʼsheiatenonʼtí꞉ioste nakonkwetaʼsónhas Nisraeʼró꞉nonke.

1 Chronicles 11:3

Ká꞉ti ratikwé꞉kon ne sakotihén꞉tenhse Israerró꞉nonhke niahónʼne tsi ténhteron ne Táwit né꞉ne Hebron nón꞉we. Kwáh iotokénti tsi ní꞉ioht tsi wathonterihwá꞉iesʼte, waʼhonwenhienáʼro, tánon rahón꞉a waʼonontí꞉ioʼne Nisraeró꞉nonke, kwáh kíʼ tsi nihorahrátston ne Roiá꞉ner rahonháke ne Samuel.

Psalms 89:20

Nakenhá꞉tshera Táwit waʼhinontí꞉iosʼte; né waʼhihiatókaʼwe ne iaweienatokénti;

Psalms 89:21

Nakeshaststénhsera tiókonte ne enhnikwekónhake; nakeshaststénhsera né enhosasténhseron.

Numbers 11:17

Kwáh entʼkátsnenhte tánon thóh nónhwe natenʼtenithá꞉ren, tánon ostónha enskónhkwah nonikonhratokénti ne tkonhiáwi tánon roʼnónha thetekhéhion. Ethòne kíʼ enhathikwéni nahiesaiénawase nashaʼterihwakéthaʼte kí꞉ken onhkweshón꞉ʼa akorihwáke, tánon iáh sonhá꞉aʼkhók thasatkéthate.

Numbers 27:18

Ne Roiá꞉ner wahawénhase ne Mahís, “Iatshiaténhaf ne Joshua né roiénha ne Nun, enhakwéni nètho rónhkwe, tánon ranontsíne tetshianisnonsáren.

John 3:34

Aseken ne Niio thotennieton nekiok ratrori ne Niio raoȣenna aseken iah ki ok tiieroheststa ne Niio tsini honikonraȣis.

Acts 13:22

Nónen ne Rawenni꞉io Shonsahorihontáko ne Saul, Sók ne Rawenni꞉io Táwit sahonontí꞉ioste. Kén nahóten ne Rawenni꞉io wahénron tsi nòkwa ne raónha: ‘Waketʼtsénri nètho Táwit nehne Jesse roién꞉a nehne thóh niʼionkwethoten kenónwes, ne rónkwe akwékon thóh nenháiere tsi nenʼínaʼne.’

Hebrews 1:9

Sehnorónkwah nahóten ne tkariwahiéri tánon skenrónni nahóten ne iáh tetkariwahiéri. Né ká꞉ti aoríhwa ne Rawenni꞉io, ne Shaʼní꞉io, í꞉se iahiatará꞉kwen nahisanontí꞉ioke tsi ní꞉ioht nón꞉kak akóren rónkwe, tánon sénha wé꞉so thowéron natʼtsenhnonhniátshera ne shonháke sénha tsi ní꞉ioht ne ronátsiakes roʼtinontí꞉ios.”

Hebrews 11:32

Iakatashonterénken? Iáh tewahkenákʼtothe ne Gideon akhetérahkwe, Barak, Samson, Jephthah, Táwit, Samuel, tánon ne iehatirihwáhkenskwe.

Judges 11:29

Éhtho nikaháwi ne rahonikónhra ne Roiá꞉ner wahotsénhase ne Jephthah. Hiatʼrók꞉kaʼwe ne Gilead ó꞉ni ne Manasseh tánon Mizpah hionhsáre Gilead nónhwe hionsahathénhti Ammon hionsáre

Judges 13:25

Tánon né꞉ne Roiá꞉ner rahoshastsʼténhsera thontáshawen nahoshastsʼténhseron tsi náhe né tsi naʼtetsiátere ne Zorah tánon ne Eshtaol né tsi watenáthaien ne Dan.

Judges 14:6

Thontahiawénhstsi ne Roiá꞉ner rahoshastsʼténhsera sénha wahoshastsʼténhseron ne Samson, tánon rahotsianóskon tsi wahohiataratiónhko ne kénreks, tsi shí꞉ken ní꞉ioht ne kenʼnithohiónha kaiatákeras akénhake. Ók iáh kíʼ teshakoró꞉ri ne ronhwaiénha tsi nahá꞉tiere.

Judges 3:10

Ne Rahonikónhra ne Roiá꞉ner wahohiatórenhne, tánon rahónha ne Israerró꞉nonhke washakonhéntenhse. Ne Othniel wahaterihioserakétsko, tánon ne Roiá꞉ner taháwenh naʼteshenniétshera nahosénhni ne Ronhnonhtí꞉io ne Mesopotamia.

1 Samuel 1:19

Oronkétsʼtsi wahontkétsko tánon wahonwasénhnaien ne Roiá꞉ner; eʼthóhʼne ó꞉nenh tsi thoʼtinónshoʼte nionsahón꞉ne thóh nón꞉we Ramah. Ne Elkanah sakoientériʼkwe ne ró꞉ne Hannah, tánon ne Roiá꞉ner shaʼrehiáraʼne.

1 Samuel 10:1

Samuel wahtatʼtshétaʼkwe ne wateienará꞉kwa tánon ranontsíne ne Saul tareienáweron, tánon watonoronkwánion; wahén꞉ron, “Ne Roiá꞉ner wahiaʼiataráko nashehéntenhse raonkwetaʼshón꞉ʼahs Israerʼró꞉nons. Í꞉se kwáh ensheʼiateriwatsʼterístase ne raonkwetaʼshón꞉áhs ne Roiá꞉ner tánon í꞉se kwáh enshenónsthate tsi nòkwah ne rontsanákes ne ronwatíswenhs natʼtatsesónhas ratinakeréhnion. Nón꞉wa neh kí꞉ken nenhshenréstaʼkwe nètho Roiá꞉ner tsi í꞉se iahíaʼtarákwen nasheʼiateriwatsʼterístaʼse ne raonkwetaʼshón꞉ʼahs Israerʼró꞉non. Í꞉se kwáh iahiaʼtaráhkwen—nasheʼiateriwatsʼterístaʼse neh kwáh raón꞉ha rahonkwetaʼshón꞉ʼahs:

1 Samuel 10:6

Eʼthóhʼne ne raoʼnikonratokentítshera ne Roiá꞉ner tenhiotenonʼianitónhake tsi ensatiaʼtakwení꞉ioste, tánon ní꞉se kwáh èhʼthoh nenhsaʼiátawen tsi tsheʼiawé꞉nhon tsi ienseriwáken tánon ronón꞉ha enseiatiáʼtarase tánon ó꞉ia nenshonʼkweʼtó꞉tenhne.

1 Samuel 11:6

Tánon ne raoʼnikonratokentí꞉tshera ne Ní꞉io wahó꞉rane ne Saul tho kashastsʼtenserákon nó꞉nen wahothóntene kí꞉ken owennahó꞉kons, tánon ne raonhakwátshera teiotenonhianíton tsi taióteke.

1 Samuel 16:18

Saiá꞉ta ne kén nithoʼiónha wathariwaserá꞉ko, “Satahón꞉satat, í꞉i kwáh rí꞉ken ne roién꞉ha ne Jesse thóh tsitkanátahien ne Bethlehem, raón꞉ʼa ne rorenhná꞉hon nahaterenhnó꞉ten. Ne raón꞉ʼa kwáh nón꞉ne eh ronikonratʼtsáni tánon ranekénteron, rashotarí꞉io, tánon ratenikonratʼtókha tsi ní꞉ioht tsi rathátis; tánon ne Roiá꞉ner kwáh nikwé꞉kon ne raón꞉ʼa.”

1 Samuel 18:12

Ne Saul rotsániskwe ne Táwit tsioríhwa ne Roiá꞉ner tsi raónha nikwekonhátieskwe ók rotsatontakwénhni nenhʼné꞉eh ne Saul.

1 Samuel 2:35

Ní꞉i kwáh tenhí꞉taste iaʼtetiá꞉ti ne roʼrihwatóken ratsihenstá꞉tsi, raʼónha kwáh ne enhateriwathéntsiaʼte ne entsioianénhaʼwe tsi nahó꞉ten í꞉wa nakwerhiá꞉ne tánon naʼkenikonrákon. Ní꞉i kwáh enhiʼwatsirónhnien ne iorihwatóken kawátsire, tánon ne raón꞉ha kwáh ienhataweiátʼthake ó꞉ni nienhaiakénhseʼke raoʼhénton ne riʼiatarákwen ne ne tsi nénhwe enkénhaʼke.