1 Samuel 15:9 - Ohiatonhseratokénti

⁹ Ne Saul tánon nonkweʼó꞉kons wahonwanónstate ne Agag, tánon ne kwáh tkanaskwí꞉ios teiotinakarontón꞉ʼa ó꞉ni ne tionhnónskwarons ó꞉ni ne konwanarehsénstonhkwe, ó꞉ni ne teotinakarontón꞉ʼahs owirasón꞉ʼahs, tánon akwé꞉kons ne kanorón꞉sons, tánon kwáh ne iáh tahóton꞉te; akwé꞉kon ne iáh othènon tekarihwásthas ó꞉ni ne iáh othenènon tehiorihónte kwáh ne wahatirihwáhtonhte.

1 Samuel 15:9 ပူးပေါင်းရင်းမြစ်များ

2 Samuel 6:13

tánon nó꞉nen tsi nihá꞉ti ne ratinhorokwenháwine ne raoʼteriwaseronniátshera ne Roiá꞉ner tewáhsen-wísk (mile) niió꞉re shieʼoné꞉non, ne Táwit wateshakótaste tsi nikarí꞉wes wahó꞉tenaskwatsahaten ne Roiá꞉ner ne ne teoná꞉kares tánon ne ró꞉rehsen tionhnónskwaron rátsinn.

1 Kings 20:34

Né Benhadad wahawénhase, “Ensetkwahthakwenháton ne kanatowanénkes né rakenikénʼen ró꞉kwen ne ianikénʼen, tánon enwáton nashathenhninonhseróten né satekanatíhen ne Damascus, kwáh kíʼ tsi nihoiéren ne rakenikénʼen ne Samaria.” Né Ahab watharihwaseráko, “Kén kíʼ kí꞉ken ní꞉ioht, ethòne khók, enskonhiátkaʼwe.” Wahiatsanerenhserónhni tsi natehiátere tánon sahó꞉kaʼwe.

Matthew 26:9

Esose naha iataiohnenon naontenninonke nok iakotent aiontatitenraton.

Joshua 6:18

Ók iáh ki tsiasawe ne thenen akénhake ne akariwathonhtonke; ók tó꞉ka thóh nenhsehre, entesawe ne takanikonraʼráhtsera ó꞉ni ne kariwaiesatsera tsi ronanatenataien Israerʼró꞉nons.

Joshua 7:21

Tsi nahoʼténhsons iehionkwáha wakatkátho tsi nihiohiánere Babylonihiaró꞉non tehiontewehiarákwah, tánon kák꞉non ne wísk nikakonhtserá꞉ke nihióksthe kawistará꞉ken, tánon skakonhrétʼtsa owistanó꞉ron ishiʼnónhwe ne skakónhtsera nihióksthe. Tsi nió꞉re tsi waʼtewakathonhóntsose hiahákhawe. Enseʼtshén꞉ri wakashé꞉ton nakatohserá꞉kon, kawisthará꞉ken tewakenonhkhonniáton.”

1 Samuel 15:10

Ne raowennaʼó꞉kons ne Roiá꞉ner wahohiatórenhne ne Samuel:

1 Samuel 15:15

Ne Saul wahén꞉ron, “Thóh nitkonwatiʼiaténha Amalekronónke; asèken nonkweʼó꞉kons ne konwatinónsthaʼton ne kwáh tkanaskwí꞉ios ne teiotinakarontón꞉ʼahs ó꞉ni ne tionhnónskwarons, neh nahkonwahtsatatʼtsaháhte rahohénton ne Roiá꞉ner Saní꞉io; ók nonátiakes kwáh kiʼ nenhné꞉e iakhiʼiathónhton.”

1 Samuel 15:19

Onhnontiéren káti ní꞉se tsi iáh tesatewenhnarákwen ne raowennaó꞉kons ne Roiá꞉ner? Onhniʼiohtiéren tsi iatesatʼtsianakwe thóh tsi nikanenskwenhá꞉ton, tánon thóh nashiéh꞉re ne karihwahét꞉kens raohén꞉ton ne Roiá꞉ner?”

1 Samuel 15:3

Ó꞉nen wáhs tánon iasheiatiatónhti ne Amalekró꞉nons, tánon kwáh tokénʼen serihwá꞉tont tsi nahó꞉ten ahotiʼientahtseraiéntahke; tó꞉sa othènen teshenonhiánik, ók senonwarhiá꞉kon tetsá꞉ron rón꞉kwe tánon ne konnón꞉kwe, ratiksaʼokónhas ó꞉ni nowiráhas, teotinákares tionónskwarons ó꞉ni teiotinakarontón꞉ʼahs, iotiniakwáhere ó꞉ni tewahóntes.’”

1 Samuel 28:18

Ne tsioríhwa tsi iáh tesatewenhnará꞉kwen ne Roiá꞉ner raoriwatát꞉tshera tánon iáh tsesahshá꞉haton nasehiathón꞉ton ne Amalekró꞉nons ó꞉ni akwé꞉kon tsi nihotíien. Ne kiʼ aoríhwa ne Roiá꞉ner thóh kí꞉ken nihiaierasehátsie ó꞉nenh.