1 Samuel 15:33 - Ohiatonhseratokénti

³³ Ók kíʼne Samuel wahén꞉ron, “Tsi né꞉eh ne sahsarehkó꞉wa iakahonhniénhni néne konnón꞉kwe tsi iáh tahiotiwiraiéntahne, sanísten kwáh ó꞉ni iáh taiaowiraientane.” Tánon ne Samuel wahó꞉tsowe ne Agag kenkníwas rahohénton ne Roiá꞉ner thóh nón꞉we Gilgal.

1 Samuel 15:33 ပူးပေါင်းရင်းမြစ်များ

Genesis 9:6

Nónhka aiontatenonhwariá꞉kon nón꞉kwe, akó꞉ren nón꞉kwe entiontatenonhwariá꞉kon; aseʼkénh kwáh tsi nihatkathohtsheró꞉ten ne Rawenni꞉io tsi shakoiaʼtíson nón꞉kwe.

1 Kings 18:40

Né Elijah wahathénhnaʼne, “Ietsiʼiéna ne rothithó꞉kense ne Baal; tó꞉sa ónhka ietsiríhon nahonsahonthèko!” Nónhkweshón꞉as rathikwékon wahonwatiʼiéna, tánon ne Elijah iashakosárihne tsitʼkahionhathátse ne Kishon tánon washakononhwarhiákon.

Exodus 17:11

Tsi nióre ne Mahís enhoʼnatʼtsakarahtáthonke, ne lsraerʼró꞉nons enhontkwéni, ók kíʼ nónen tenthanénhtshenne, ne Amalekró꞉nons entewatásawenh nahontkwéni.

Exodus 21:24

nʼokára, iaʼtènsʼkene nʼokára, nʼonawíra, iaʼtènsʼkene nonawíra,

Isaiah 34:6

Né Roiá꞉ner raosharehkówa; kwáh ionekwenhsarón꞉nion, né iawerónhnion ne iorénhsen, né꞉ne raotinekwénhsa ne teiotinakarontónhas owirasónhas tánon ne kaiatákeras, né iawerónh꞉nion ne ioréhsens raotistiéseris ne teotinakaronhtón꞉has owirasónhas. Asèken ne Roiá꞉ner rateskóntane ne Bozrah nón꞉we, né꞉ne teiotenonhianíton tsi nenhionthatenonwarhiakónhnion ne tsi ionhontsáien ne Edom.

Jeremiah 18:21

Ók nónhwa, Saiá꞉ner, ánion ne sakothiʼienokónha athonkarhiákon rotírhiot; ánion ateriʼiosehráhkon nónwe nihonníheʼie. Ánion ne iothiniátkons ionáhtons tsi iotiniákons ó꞉ni ne akotiʼienʼokónha; ánion ne ronnónhkwe kanrahtharinhétshera rohtírhiot tánon ne kén nithóhtihiónsa tsi wahterí꞉io nónhwe nihonníheʼieh.

Jeremiah 48:10

Rontʼréwat tsi niháti ne ronahterahʼhiathá꞉kwen nahotiʼhióten ne kahioténsehra ne Roiá꞉ner teshaʼkówi, tsi thóh nònhne ne raonahsharehkó꞉wa nashaʼkothinékʼkwahthe!)

Hosea 6:5

Ne káti aorì꞉wa kherontsá꞉kon rotitokénse nón꞉we nitsawé꞉non, Khenonwarhiá꞉khon tsi nitsawé꞉non owén꞉na ne tsitsaká꞉ronte, tánon nakerihwenhthátsera ohén꞉ton niewé꞉tha tsi ní꞉ioht ne teioswát꞉te.

Numbers 14:45

Ethòne ne Amalekró꞉nons tánon ne Cannanites né nónhwe nihatinákere iahonwanatsiatónhti tánon wahonwatisénhni, tánon sahonwatísehre kwáh tsi nióre ne Hormah.

Matthew 7:2

Aseken, ok eh nentsiesaierase tsinensheierase; oni tsi ontsiehsatenienthase nensheiatenienthase

Ne꞉ne Sák Rohiaton 2:13

Asèken ne Rawenni꞉io iáh taréneste nataniténron nónen tensakoiatórete nónkwe ne iáh teiakoienʼnataniténron; nók ataniténron iosénnies ne kaiatoretátsera.

Revelation 16:6

tiorì꞉wa tsi sakotinekʼkwáhton ne rotiiatatokentískwe ó꞉ni rotitokenséhakwe, í꞉se tesheiá꞉wi nonekwénhsa ahatinekí꞉ra. Eʼtho senateonathéntion!”

Revelation 18:6

Thóh nonsatiéras nahón꞉ha tsi ne niiakoiérase nakorénhsons, tánon tetsá꞉ser tsi saská꞉rhias tsi ne niiotiéren ne ahón꞉ha; tétsests sénha kanekashátstet nahoriwà꞉ke kaksákon nahón꞉ha teioiéston.

Judges 1:7

Ne Adonibezek wahénron, “Iehioteratsʼton tsáta niwáhsenh niháti ró꞉tinonhtiios khetsiwehionkariá꞉kon ó꞉ni ne ronhhiakwirowánen, nes rónhneks nakatekhwaʼratieróhkon tehiótharons. Ónenh kíʼ ne Rawenni꞉io thóh nonhsahatiéraʼse tsi kíʼ nikheiérashe ne ronónha.” Jerusalem niahonwahiaténhaʼwe, thóh nónhwe iarénheʼie.

1 Samuel 10:8

Tánon ní꞉se kwáh èhʼthoh niaʼháse Gilgal í꞉se sénhtet tsi ní꞉iot ní꞉i; ehʼthóhʼne thóh iénʼkewe tsi téhses ne ne akateriwaʼténtsiaʼte akaʼtenaskwátʼtsahate tánon ne ahontátiesʼte ne wateskóntes neh natakaritétsheras. Tsá꞉ta nón꞉ta ensaterá꞉rate tsi ní꞉iore ienʼkoniatórenhne tánon nakonhnatónhase tsi nénhshieʼre.”

1 Samuel 15:32

Eʼthóhne ne Samuel wahén꞉ron, “Thatiaténhaf kénʼen akʼkénton ne Agag ne ronnontí꞉io ne Amalekró꞉nons.” Tánon ne Agag tahre raohén꞉ton kwáh í꞉ken tsi rotiaʼtakenʼheiáton. Ne Agag wahén꞉ron, “Orihwiʼioʼónwe ne kí꞉ken ne kanikonraronhiakénsera ne kenhé꞉ion.”