1 Samuel 15:28 - Ohiatonhseratokénti

²⁸ Tánon ne Samuel wahawénhaʼse ne Saul, “Ne Roiá꞉ner kwáh waharátion ne sanakerá꞉sera NÍsraerʼronónke nisèke ne kwáh nón꞉wa wenhniseráte, tánon ne tashakáwen ne tesewatonhonsanéken, tsi ronónha sénha rotiʼiánere tsi ní꞉ioht ní꞉se.

1 Samuel 15:28 ပူးပေါင်းရင်းမြစ်များ

2 Samuel 3:10

ne tsi tentsenhnaténi ne kanakerásera tsi rawatsíraien ne Saul, tánon enhinontiʼiotserónhnien ne Táwit thóh nón꞉we Israeronónke ó꞉ni tsenwakwé꞉kon ne Judah, thóh entewatáhsawen Dan tsénwaʼwe ne Beer-sheba.”

2 Samuel 3:18

Ó꞉nen kíʼ iaʼkáhewe ne khashé꞉re; asèken ne Roiá꞉ner tsi roraratsténhni ne Táwit: Raonháke nakenhá꞉tshera Táwit ní꞉i kwáh enkhenónsthaʼte nakonkweʼtashón꞉ʼahs NʼIsraerʼró꞉nons tsi nòkwah ne rontsshanákes ne Philistines, tánon tsi nòkwah ne ratikwéʼkon ne ronwatísons.”

2 Samuel 3:9

Káti aiá꞉wens ne Ní꞉io thóh nahoiérase ne Abner tánon aiá꞉wens iahá꞉ieste! Asèken tsi nahóten ne Roiá꞉ner rorahratsténhni ne Táwit, ní꞉i kwáh kiʼ enkerihwaiérite ne raonhá꞉ke,

2 Samuel 6:21

Táwit wahrénhase ne Michal, “Kwáh raohén꞉ton ne Roiá꞉ner, raón꞉ha ratiataráhkwen tsi ní꞉ioht ne ianí꞉ha tánon ratikwé꞉kon tsi nihawatsíra, ne nahatiataráko nahonkenontí꞉ioke tsi niwatenáskwah NʼIsraerʼronónke, ne raonkwetaʼshón꞉ahs ne Roiá꞉ner, nètho tsi watkenónhniakwe raohén꞉ton ne Roiá꞉ner.

1 Kings 11:11

Tánon wahawénhaʼse, “tsioríhwa tsi kwáh thá꞉sehthe waʼtéshiaʼke ne saterihwaseronhniátsera tsi nòkwah í꞉i tánon waʼsatewenhnónhti naʼkerihwatátʼtsheras, Waʼkaráhratsʼthe tsi enhkhónkwah ne kanakeráhsera tánon ónhkak tsi niháti ne sonhkwetaʼshón꞉ʼas enthekhéhion.

1 Chronicles 10:14

tsi ní꞉ioht ne Roiá꞉ner ahorihwanontónhni. Ká꞉ti ne Roiá꞉ner wahononwariákon tánon né kanakerásera ne tahá꞉wenh nahontahaʼniarótarohke né Táwit roiénha Jesse.

Job Tánon ne Raoronhiakensera 34:24

Teshakoktokwáhta ne ratiʼshátstes ne kwáh iáh othé꞉non taharihwí꞉sake, tánon akorénshons shesakoiaʼtará꞉kwas ne raotinák꞉take.

Daniel 4:17

Né kiʼ tsi nihonohétston nowennaʼshón꞉ʼa ne ratironhiaʼkehró꞉non tsi nihonatateweiennentáʼon tánon ratiʼnikón꞉rare. Ne iorihón꞉ni akwé꞉kon nonkwehshón꞉ʼa aiakoterién꞉taraʼne ne Roʼshatstenhserowá꞉nen Rawenni꞉io kwáh thishakowenní꞉io ne tsi kanontiiotsherakè꞉ron tsi ionhwentsá꞉te tánon ó꞉ni kwáh thenhanónhton nónhka aontahshakáwen ne kaʼshatsténhsera kwáh tsi nenthanón꞉weʼne—shé꞉kon ó꞉ni ne kwáh kenʼ naontaiehsennáhska.’”

Daniel 4:32

Eniesarékwahte tsi ratí꞉teron nonkwehshón꞉ʼa, kontírio ientsisewakwekónhake, ó꞉ni óhonte ensehsonʼnhéhkwen né tsá꞉ta niiohserá꞉ke tsi ní꞉ioht ne tiohnhónskwaron teiotinà꞉kares. Eʼthó꞉ne enhserihwaní꞉rate ne Roʼsatsthenhserowá꞉nen Rawenni꞉io tsi raoʼshatsthénhsera í꞉kate tsi kanontiioʼtsheraké꞉ron tsi ionhwensià꞉te tánon raónha enthanónhton ónhka ahshakoiaʼtará꞉ko naiontenontí꞉iohste.”

John 19:11

Tontaenron ne Iesos: iah se othenon taesakȣeniatseraientake nii kiatatake ne iah ehneken taontaiesaȣi; nese ȣaonni senha koȣanen ronnhikon ne rakatenninon.

Acts 13:22

Nónen ne Rawenni꞉io Shonsahorihontáko ne Saul, Sók ne Rawenni꞉io Táwit sahonontí꞉ioste. Kén nahóten ne Rawenni꞉io wahénron tsi nòkwa ne raónha: ‘Waketʼtsénri nètho Táwit nehne Jesse roién꞉a nehne thóh niʼionkwethoten kenónwes, ne rónkwe akwékon thóh nenháiere tsi nenʼínaʼne.’

Romans 13:1

Kwáh iatehionkwétake ónenk tsi enhiontewénʼnaraʼkwe ne kakorásera ahoianerénseras, ne tsi iáh thakaianerenseróten takátake neh iáh Rawenni꞉io tahoriwíson, tánon tsi wahthátie neh rathikoráhsons neh kíʼ tsi Rawenni꞉io tesakówi.

1 Samuel 13:14

ók ó꞉nenh ne sanontiʼiótshéra kwáh iáh tsahontasón꞉terake; ne Roiá꞉ner roiatatʼtsénhrion ne rónkwe kwáh tsi niʼionkwetó꞉ken tehotonhontsó꞉ni; tánon ne Roiá꞉ner roiatarákwen nasakokʼkó꞉raste ne raonkwetashón꞉ʼahs, tsioríhwa ní꞉se tsi iáh tesatienawáston tsi nahó꞉ten ne Roiá꞉ner ianhá꞉onkwe.”

1 Samuel 16:12

Káti ne Jesse iasakoténieʼte nahonsahonwenhnónkʼsa tánon tahonwahiatínionhte. Nón꞉wa ne raón꞉ʼa tsi nihashokwí꞉io tánon rotakaríhte, tánon tehakarí꞉ios, tánon ranekénteron. Ne Roiá꞉ner wahén꞉ron, “Téstann tánon tieíenároh; asèken neh kí꞉ken.”

1 Samuel 18:8

Ne Saul kwáh í꞉ken tsi wahonhákwen, ne kí꞉ken tsi nihiontón꞉nions wahonikonrák꞉sate. Wahén꞉ron, “Tsi nahonwahiátonhse ne Táwit oié꞉ri tewenniawehetsherásen, tánon ní꞉i tsi nahontʼiátonhse twenniawehetsherásen khók; ónh ní꞉ioht tsi sénha wé꞉so ahotónhnien nek khók ne kanakerásera?”

1 Samuel 25:30

Nó꞉nen ne Roiá꞉ner tho nihoiéren tsi nòkwah natiá꞉ner ne tahioianénhawe akwé꞉kon ne ioiá꞉nere nètho tsi nihothátiʼon ní꞉se sarihwá꞉ke, tánon í꞉se iahiatahráhkwen nasenhéntense Israerʼronónke,