1 Samuel 15:19 - Ohiatonhseratokénti

¹⁹ Onhnontiéren káti ní꞉se tsi iáh tesatewenhnarákwen ne raowennaó꞉kons ne Roiá꞉ner? Onhniʼiohtiéren tsi iatesatʼtsianakwe thóh tsi nikanenskwenhá꞉ton, tánon thóh nashiéh꞉re ne karihwahét꞉kens raohén꞉ton ne Roiá꞉ner?”

1 Samuel 15:19 ပူးပေါင်းရင်းမြစ်များ

2 Samuel 12:9

Onhniʼiotséren tsi iáh karíhwa tesón꞉ni ne raowénhna Roiá꞉ner, tsi ne thonáshere ne karihwahetkénsera ne raohén꞉ton? Í꞉se watienonwarhiákhon ne Uriah ne Hitró꞉non ne washástste ne raonasharehkówa Ammonró꞉nons.

2 Chronicles 33:2

Né rashé꞉rene ne ioterihwatéhas tsi nihieweienhnó꞉tens nonhkweʼshón꞉as tsi nikáien ne Roiá꞉ner sakohiatinekénʼen tsi ionhontsáien né tsi niahónhne ne rahonkweʼtaʼshón꞉as, ne Manasseh waharihwánerahke tsi nòkwah ne Roiá꞉ner.

2 Chronicles 33:6

Roiénha waʼhoronhiákenhte né Hinnom nón꞉we Ahonráhkwahkon tsi waʼhoteskónhten. Né waʼhatéweiensʼte ne tahatkónsthake tánon natenhenhnarátsheras tánon né waʼsharorihwanonhthonhniónhaʼse ne sakonatʼhiatonhserátʼkenhse tánon ne rohnenheʼiónkwen. Kwáh í꞉ken tsi tehiotenonhianíton tsi ní꞉ioht tsi waʼharihwánerahke tsi nòkwah ne Roiá꞉ner tánon wahonakhwísa.

2 Chronicles 36:12

Waʼharihwánerahke tsi nòkwah ne Roiá꞉ner tánon iáh teothahonsatháton nʼehtàke aothatónhnike raohénton ne rotokenhséhakwe Jeremiah, tsi nikáien né꞉ne rotharáhkwen ne Roiá꞉ner raowenhnaókon.

Proverbs 15:27

Tókaʼ enhsateʼnién꞉ten ne iáh tetkarihwaié꞉ri tahsnaʼnéta tsi tahsatèn꞉tsha, ienhsheiaʼtenhá꞉wihte ne sahwá꞉tsire tsi tensewaʼnikonhrhá꞉ren. Tóhsa oʼthé꞉nen tsé꞉na nahò꞉ten iáh tetkarihwaié꞉ri aiesatkáriaʼkse nothé꞉nen tánon karí꞉wes enhshónhnheke.

Jeremiah 7:11

Ísehre onhtèken nakenonhsatokentíke thóh nónhwe nihonthasehtákwah ne ratinénhskwas? Wakatʼkátho tsi nisahtiérah.

Numbers 14:41

Ók ne Mahís wahénron, “Onhkáti nihiotiéren tsi tsisewawenhnónhties ne Roiá꞉ner nónhwa? Iáhʼse tshiatahitsiótkaʼwe!

2 Timothy 4:10

Ne Demas wahanóronkwe ne kén ionwentsiáte tánon wahakatewéntethe, Thessalonica niaháre. Ne Crescens Galatia neh niaháre, tánon ne Titus Dalmatia ne niaháre.

1 Samuel 14:32

Káti kwáh tsiatʼthonskénhni tsi tkaké꞉rons ne kanenskwenhá꞉ton, tánon wasakotiʼiéna ne teiotinakarontón꞉ʼa ó꞉ni ne teotinákares tionhnónskwarons ó꞉ni natenaskonhnihasónhas tionónskwarons, tánon kwáh thók ohontsá꞉ke wasakotinonwarhiaʼkhónhnion; tánon ne ronterí꞉ios wahatiwáraʼke tieotenekwénhsa.

1 Samuel 15:20

Saul wahawénhase ne Samuel, “Wakatewenhnaráhkwen ne raowennaókons ne Roiá꞉ner, Thóh niewakénon wakaterihwathentiá꞉ton tsi kiʼ niehakateniéton ne Roiá꞉ner, Thiʼiaténha ne Agag ne ne sakonontí꞉io ne Amalekró꞉nons, tánon kwáh thóh kénʼen tsi keiatónhton ne Amalekró꞉nons.