1 Samuel 15:11 - Ohiatonhseratokénti

¹¹ “Skaʼtateriwástahni tsi rinontiʼióston ne Saul, asèken tonsahatkarahténi tsi ratʼnonteráhtieskwe, tánon iáh tehorihwaieríton nakatiawenhráseras.” Ne Samuel tsi nahonhákwen; tánon iathaséntʼtho rahonháke ne Roia꞉ner asontahkwé꞉kon.

1 Samuel 15:11 ပူးပေါင်းရင်းမြစ်များ

Genesis 6:6

Ne Roiá꞉ner kwáh íken tsi satateriʼwáhsten tsi shakoiaʼtíson nonhkweshón꞉a ne tsi ionwenhtsá꞉te, tanon kwáh íken tsi raʼwe꞉rhiasanonhwátʼta.

Genesis 6:7

Ka꞉ti ne Roiá꞉ner wahénron, “Kwáh ensekheiarékwahte kíʼ onhkweʼshón꞉ʼa ne kheiaʼtíson, tánon ó꞉ni ne kárioʼs ó꞉ni notsitenokón꞉a ne tsi iówerare, ne tsi skataterihwáhstani tsi kheiaʼtíson.”

2 Samuel 24:16

Ók nó꞉nenh neraronhiakeró꞉non wathanéntseste iathatókente Jerusalem nahá꞉tonhte, ne Roiá꞉ner tonsahotiriwathénien ne tó꞉sa sénha ishiʼnónwe nahiontatréwate, tánon wahawénhase ne raronhiakeró꞉non tsi rahón꞉ha tahaháwine ne atkaronhniátsera rononháke nonkwé꞉okon, “Kwáh totʼnikónhak; thontashatsanónhnek.” Ne raronhiakeró꞉non ó꞉nenh thóh shières tsi tsetethákwas tkaswenhkarakwenhtaron ne Araunah ne Jebusite nónwe.

1 Kings 11:9

Ethosàne ne Roiá꞉ner, ne Sakoní꞉io Nisraerʼró꞉nons, tehiorihwáke rothotashiénhni ne Solomon tánon rorihwasthénhni né tó꞉sa ashakosénhnaien ne tikaniʼiosehrátes, ne Solomon iáh kíʼ tehowenhnarákwen ne Roiá꞉ner ók khèkenk wahotsathonhthákwahse. Káti ne Roiá꞉ner wahonákwahse ne Solomon.

1 Chronicles 10:13

Ne Saul né aoríhwa waʼrén꞉heie né tsi iáh teʼoríhwathóʼkenhne rahonháke ne Roiá꞉ner. Iáh tehotewenhnaráʼkwen ne Roiá꞉ner raʼorihwatát꞉tieras; né waʼhatheniénhten naré꞉saʼke né ahosárihne tsi niʼsakotenikonrátʼkenhse ne ronenheʼiónkwen

1 Chronicles 21:15

Ethóhʼne ó꞉nen raronhiakeró꞉non tahoténieʼte nahaʼrihwénhtʼtho ne Jerusalem, ók kíʼ thonsahóterihwaténien tánon wahawénhaʼse ne raronhiakeró꞉non, “Téstann! Thóh iatekaiéri!” Né raronhiakeró꞉non ethohʼnónhwe niháthaʼkwe né꞉ne tsi ratiʼthethá꞉kwahkwe né꞉ne Araunah raoʼwenhkénʼen, né꞉ne Jebusite nahaʼiatótenhne.

Job Tánon ne Raoronhiakensera 34:27

tiorì꞉wa tsi iáh ó꞉nen teshonwanonterátses, tánon iáh othé꞉non tehonsterístha tsi nahiotón꞉hake ne raoweiénhnas,

Psalms 109:4

Né iatewatkaraténies nakenonronkwáhtshera hionkerihwáʼros, iekaníhare kehiaterenhnaiénhnis.

Psalms 110:4

Né Roiá꞉ner kwáh í꞉ken tsi rorihwaʼniráton tánon kwáh kíʼ iáh tatahonsahoterihwaʼténien, “Kwáh tsi nénwe tsi enstsihénstatsi enkénhake tsi ne nihatsihenstotenhne kenʼne ne Melchizedek.”

Psalms 119:136

Wé꞉so tsi watkaséntʼtho tsioríhwa nonhkweshón꞉has tsi iáh tehiontewenhnarákwa ne saianerénhsera.

Psalms 125:5

Ók tsi nihiákon ne ákte niehiakotseráton ne tsi natehiotsátʼton nakoweiénhna ne Roiá꞉ner kwáh ensakohéntenhse éhren ensakohiathenhawite ne karihwahét꞉kens tsi nihonhtséra. Skénnonk tikénhak ahonháke ne Israel!

Psalms 36:3

Nó꞉nen enhontáti akwékon tehiotsákton í꞉ken tánon kanikonhráton; iáh ó꞉nen né teshotihiótens nahó꞉ten ne tkarihwaʼiéri tánon ioiánere.

Psalms 78:41

Waʼhonwateniénten ne Rawenni꞉io thon tahontashaʼwénhʼses, tánon ronhwanakwí꞉son ne rotokénti í꞉ken Israeronónke.

Psalms 78:57

ók tonsahontkaraténi tánon iáh othenènon tethonethákwen kwáh kíʼ tsi ní꞉ioht ne sakotisotʼthonhkonkénʼen; thóh nió꞉re tsi iáh othènen tehathirihwástha kwáh né꞉nen tehiotʼwatáse kaiénhkwire.

Exodus 32:11

Ók ne Mahís wahoniténhthase ne Roiá꞉ner Raoní꞉io tánon wahénron, “Saiá꞉ner, nonhtiéren tsi thóh nióre tsi asehnákwahse ne shonkwetasónhas, tsi nikáien ne sesheniakénton ne Egypt né꞉ne kashatsʼtenserowánen ó꞉ni kashatsténsera?

Exodus 32:14

Káti ne Roiá꞉ner tonhsahoteriwaténien tánon iáh tetʼthó꞉ha ne kariwaieshátshera tsi nihaterónhkwahkwe.

Jeremiah 11:10

Thóh nionsahónʼne tsi nithatiʼriwahneraháksʼkwe ne sakothisotʼthonkonhkénʼen, ne ne iáh tehonatʼthontháton ne èthoh nahatíhieʼre tsi niwáhken; né wakonhwathisénnaien ne thikáhionk niʼiohokónha. Tetsáron ne Israel ó꞉ni ne Judah tehotihiákon ne ateriwaʼsehronniátshera tsi nikhesenhénni ne sakotisotʼthonkonhkénʼen.

Jeremiah 13:17

Tó꞉ka iáh tahisehwathahonsahtháte, nakwahtónnhets hathaséhtonke tsi tenwahséntho né enkarihónni tsi nisewahnáie; kwáh íken tsi katsithowáhnen tsi tenkaséntho, tánon natkásehri tenwatnahwénhthe tioríhwa ne Roiá꞉ner rahonkwetaʼshón꞉a tsi iahonwathihiaténhaʼwe nahonwatinaskónhni.

Jeremiah 34:16

Ók ki shékon thonʼsehsewahtheriwahthénien tánon waʼskwahsennáksahthe. Kwáh sehwahkwékon ionsahietʼtsihiaténhaʼwe ne rahtináskwas tsi nikáien ne tsi tsiʼiatkáwenh ne tsi nihonaskahnékon, tánon shé꞉kon thonʼthaietʼtsihianónhthonʼse ratináskwah sahónton.

Jeremiah 9:1

Kaskáneks ne kenonhtsí꞉ne ahionahwehróthake nonékanos, tánon ne khará꞉ke ahionahóthake ne ohkáhsehri, ne nahónton konhthatiekówah tánon ashonthakwékon tsi takaséntho ne ne akonhkwetashón꞉ha rahothiriwáhke tsi niháti ne ronwahthinonhwahrhiákon.

Jeremiah 9:18

Nonhkweshón꞉a wahonníron, “Teietsisteríhat tánon tehionkhiriwáhkwas ne iontatsatathahástha, tsi nióre ne iakwahkarákes tentkhakasehrárahʼne, tánon ne iakwatkaroʼrókstha kwáh ionahnáwen tsi natehiakwahséntʼthos.”

Ezekiel 18:24

“Ók tó꞉ka ne tsionkwetaiéri enhióntkawe ioiánere tsi nihiontiérah tánon ne entiontáshawenh oriwahkwékon ne kariwahétken tsi nahiónhtiereh, ioteriwahtehashón꞉has nètho ne iokwetahétkens tsi nihatihiéra, kwáh onhtèken enrónhnheke? Iáh! Iáh nénhska ne ioiánereh tsi nihotiéren tawehiárahke. Kwáh enrénheʼie tioríhwa tsi iáh tehoriwahtó꞉kenʼne tánon ne rahoriwahnerahákʼtshera.

Amos 7:3

Ne Roiá꞉ner tonshahoteriwahthénien né꞉ne aorihwà꞉ke tánon wahèn꞉ron, “Tsi nahó꞉ten wahsatʼkátho iáh é꞉tho tahiá꞉wenhne.”

Jonah 3:10

Nó꞉nen ne Rawenni꞉io shahatkátho tsi ronatkáwen tsi nihatiweiennàksens, waʼtehshakononhiá꞉niʼke tánon tonsahoterihwaté꞉nien iáh tehshakohrewáhton tsi nithá꞉wen.

Jonah 4:2

Sók ki Roiá꞉ner iahorihwakà꞉tatshe, “Iáh ken tewá꞉ken ne ohén꞉ton shontakahtén꞉ti tsi kwáh kiʼ eʼtho nénhshiere, Saiá꞉ner, ne waʼkarihón꞉ni Spain nón꞉we iaʼkateʼkwáshen! Wakaterién꞉tarahkwe tsi sá꞉ien ne kanoronhkhwáhtshera ó꞉ni satanitén꞉ron Sewenní꞉io, saiaʼtakenhé꞉ion ne aesanà꞉khwen ó꞉ni kanáhnon ne iáh teiorihwanó꞉ronʼs kanoronhkhwáhtshera. Wakaterién꞉tarahkwe tsi niwatié꞉sen ne taonsahstá꞉ton ne sarihwaʼshón꞉ʼa ne tóhsa ahsheiá꞉tonʼte kí꞉ken onkweʼshón꞉ʼa.

Zephaniah 1:6

Tsi nihiákon ne tsakokton tsi ronhwanonhterá꞉tsene ne Roiá꞉ner, ronónha ne iáh tehonwaiatísaks ne Roiá꞉ner khés ne thé꞉nen ahonwarihwanóntonhse.

Matthew 24:13

Nok tanon onka iatenharionkote neh enhaniakenne.

Matthew 5:44

Katon kati nii: Shenonȣehak ne iesasȣens, nok Teshenonȣeratonsek ne iesakenronni, sheiaterasȣiiosten ne iesakenronni, nok sheiaterennaiennihek ne teiesonnharikhons oni iesakenrenseronnis.

Luke 6:12

Eh oni nonȣe siȣenniseratenion onontoharake niiahare ȣahaterennaienna, akȣa oni ok iatharhente roterennaien.

Hebrews 10:38

Ne tionkweʼtaié꞉ri thóh ne nón꞉we nironhnonhnhétse tsi nithanetákwen; nok tóka ónhka tsi niháti tenshontʼkarahté꞉ni, iáh Tahontahionkenikonrahié꞉rithe.”

Joshua 22:16

tánon shakotiʼthará꞉nis kwáh kanenhrakwé꞉kon ne Roiá꞉ner rahonkweʼtashón꞉as, washakotiró꞉ri, “Nonhtié꞉ren tsi ki thóh nikarihwahétken tsi nesewátiere tsi nòkwah ne Sakoiá꞉ner Nisraerʼró꞉nonhke? Watsisewawenhnónhti ne Roiá꞉ner tsi wetsónhni kí꞉ken ietsienharáhkwa ne ní꞉se sewarihwà꞉ke! Iáh ó꞉nen tetsitsewanonhteráties!

1 Samuel 12:23

Sénha isiʼnónwe nakeriwá꞉ke í꞉ken, ahí꞉non nikénhak nakeriwá꞉ke nètho ne kwáh akeriwanerá꞉ke tsi nókwah ne Roiá꞉ner tsi akatʼkáwe tsi koniaterennaién꞉ni; tánon kwáh enkonrihón꞉nien thohʼnónhwe ne ioiá꞉nere tánon ne tkariwaié꞉ri.

1 Samuel 13:13

Ne Samuel wahawénhaʼse ne Saul, “Teiotenonwaroríhtonhte tsi nashá꞉tiere; iáh tesatienawáston ne raorihwatátʼtshera ne Roiá꞉ner Saní꞉io, ne tsi nihiaʼnáhon. Ne Roiá꞉ner aorihwakwatá꞉kwen ne sanontiʼiotiéra thóh nón꞉we Israeronónke ne ne tsi nénhwe aʼkénhake,

1 Samuel 15:10

Ne raowennaʼó꞉kons ne Roiá꞉ner wahohiatórenhne ne Samuel:

1 Samuel 15:3

Ó꞉nen wáhs tánon iasheiatiatónhti ne Amalekró꞉nons, tánon kwáh tokénʼen serihwá꞉tont tsi nahó꞉ten ahotiʼientahtseraiéntahke; tó꞉sa othènen teshenonhiánik, ók senonwarhiá꞉kon tetsá꞉ron rón꞉kwe tánon ne konnón꞉kwe, ratiksaʼokónhas ó꞉ni nowiráhas, teotinákares tionónskwarons ó꞉ni teiotinakarontón꞉ʼahs, iotiniakwáhere ó꞉ni tewahóntes.’”

1 Samuel 15:35

Ne Samuel iáh shé꞉kon teshó꞉ken ne Saul kwáh tsi niʼió꞉re iarenhé꞉ie, ók ne Samuel wahotiónhnionhse ne Saul. Tánon ne Roiá꞉ner tsi sathateriwástani nètho tsi ne rahónhni ne Saul nahonontí꞉ioke NʼIsraerʼronónke.

1 Samuel 15:9

Ne Saul tánon nonkweʼó꞉kons wahonwanónstate ne Agag, tánon ne kwáh tkanaskwí꞉ios teiotinakarontón꞉ʼa ó꞉ni ne tionhnónskwarons ó꞉ni ne konwanarehsénstonhkwe, ó꞉ni ne teotinakarontón꞉ʼahs owirasón꞉ʼahs, tánon akwé꞉kons ne kanorón꞉sons, tánon kwáh ne iáh tahóton꞉te; akwé꞉kon ne iáh othènon tekarihwásthas ó꞉ni ne iáh othenènon tehiorihónte kwáh ne wahatirihwáhtonhte.

1 Samuel 16:1

Ne Roiá꞉ner wahawénhase ne Samuel, “Tohá꞉kwa nikarí꞉wes tsi entsationniónhkwen ne Saul? Ní꞉i rikenronníhon nahonontí꞉ioke ne NIsraerʼronónhke. Ne í꞉senanh ne katshénen aonakarakénʼen ne iakenʼiewá꞉tha kénhie tánon tho iahá꞉se, Ní꞉i kwáh ienkoniaténieʼte tsi thénhteron ne Jesse ne ne Bethlehemró꞉non, asèken ní꞉i neh wakathaterakwénhni ne iatetsiá꞉ti ne ahotinontí꞉ioke ne sakohiohokónʼahs.”

1 Samuel 8:6

Ók kí꞉ken niʼkarihó꞉ten kwáh í꞉ken tsi tahotiérase ne Samuel nó꞉nen sahonní꞉ron, “Takwanontiʼiótseron nashonkwatʼkó꞉rasʼte.” Samuel iahaterénnaien rahonháke ne Roiá꞉ner,