1 Samuel 14:37 - Ohiatonhseratokénti

³⁷ Káti ne Saul wahoriwanóntonʼse Ní꞉io, “Iahiakiʼiaʼtsatónhti kén ne Philistines? Kwáh onhtèken iensehiátʼkawe thóh ronhtshanákes NʼIsraerʼró꞉nons?” Ók ne Ní꞉io iáh kiʼ tatehoriwaserákwenhni nètho siwenhniserátekwe.

1 Samuel 14:37 ပူးပေါင်းရင်းမြစ်များ

2 Samuel 5:19

Ne Táwit wahoriwanóntonhse ne Roiá꞉ner, “Kwáh kén iá꞉ke niakeiaʼtiatónhti ne Philistines? Kwáh ní꞉se entesehiát꞉kaʼwe thóh katshanáke?” Ne Roiá꞉ner wahawénhase ne Táwit, “Wáhs thóh iahá꞉se; asèken kwáh oriwiʼiohónwe ienkheiát꞉kaʼwe ne Philistines thóh satshanáke.”

2 Samuel 5:23

Nó꞉nen ne Táwit sahoriwahnóntonhse ne Roiá꞉ner, wahén꞉ron, “Ní꞉se kwáh iáh thóh tsiá꞉se; wáhs sehiakwahtáse rahtísonne nontáse, tánon thóh nontáhse tsi ensehiatórenhne ákta nokwáhti tsi iorontótons ne iotshokó꞉tons.

1 Kings 22:15

Nó꞉nen rahohénton ne Ronnonhtiio Ahab shiaʼthátaʼne, ne ronhnonhtí꞉io wahorihwanónhtonhse, “Micaiah, iothonhónken ne Ronhnonhtí꞉io Jehoshaphat tánon ní꞉i niahiákene niaʼsatsathónhti ne Ramoth, khés ne iáh?” “Iaʼtsitsatsiathónhti!” ne Micaiah watharihwaseráko. “Orihwí꞉io tsi entsatʼkwéni. Ne Roiá꞉ner enthetsisénon naʼtesenhniétsera.”

1 Kings 22:5

Ók kíʼ thiʼtsiátseren tsi thininhikonhríhsak ne Roiá꞉ner.”

Ezekiel 20:3

“Rónhkwe iaiénha,” wahénron, “Sehthá꞉ras kí꞉ken ohénton iehonʼnéton tánon sehró꞉ri nètho Ronhnontí꞉io Roiá꞉ner tsi nihatónhnions: Tésehwe naskwahriwanonhtonʼniónhase, ne wahi tesehwathonwenhtióni? Kwáh tsi nihioriwí꞉io tsi Í꞉i ne Konhnhehónwe Ní꞉io, kwáh iáh takwahríhon ne thènenh askwahriwahnonhthonhniónhase. Í꞉i ne Wakenonhtí꞉io Watiá꞉ner wakatáti.

Judges 1:1

Sarénheie ne Joshua nonhkweshón꞉as Nisraerʼró꞉nonke wahonwarihwanónh꞉tonhse ne Roiá꞉ner, “Kanikáien ne tsi nihionkwenhtsówa entiakwahtiérenhte ne iahiakhihiatsatónhti ne Canaanró꞉nons?”

Judges 20:18

NʼIsraerʼró꞉nons tsi tsonhterenhnaienthákwah niahónhne né꞉ne Bethel nónhwe, tánon thóh nónhwe nahonwariwanónhtonse ne Rawenni꞉io, “Onhnaʼkentsiokóten enthontsérenhte niahonwanatsathónhti ne Benjaminró꞉nons?” Ne Roiá꞉ner watharihwasehráko, “Né꞉ne Judah rahothitsiókwah.”

1 Samuel 10:22

Sók kiʼ á꞉re shé꞉kon sahonwariwaʼnóntonhse ne Roiá꞉ner, “Nètho rón꞉kwe kénʼen kénh nithaʼwénon?” Tánon ne Roiá꞉ner wahén꞉ron, “Sewatʼkátho, iehotatiataséh꞉ton tsi nón꞉we nihionthaʼkweniaientákwa ne ionteriʼiosthákwas.”

1 Samuel 23:2

Ne Táwit wahorihwanóntonhse ne Roiá꞉ner, “Kwáh kén iá꞉ke tánon iakheiaʼtiatónhti kí꞉ken Philistiaró꞉nons?” Ne Roiá꞉ner wahawénhaʼse ne Táwit, “Wáhs tánon iasehiaʼtiatónhti ne Philistiaró꞉nons tánon sehnónstat ne Keilah.”

1 Samuel 23:4

Eʼthóhʼne kiʼ ne Táwit shé꞉kon sahoriwahnóntonse ne Roiá꞉ner. Ne Roiá꞉ner watorihwaserákwahse, “Hén, wáhs thóh iahá꞉se Keilah; asèken ne Philistiaró꞉nons thóh shasanáhke iekheiát꞉kaʼwe.”

1 Samuel 28:6

Nó꞉nen ne Saul sahoriwanóntonhse ne Roiá꞉ner, nr Roiá꞉ner iáh tahtehoriwaserakwénhni, iáh naʼtetsenhsehrákon, khéhs ne ratsihénstatsi, khéhs ne rotitó꞉kenhse.