1 Samuel 14:19 - Ohiatonhseratokénti

¹⁹ Tsi nikarí꞉wes ne Saul teothítaʼre ne ratsihénstatsi, tsi nihiotsarókwen tsi ronaná꞉taien ne Philistines sén꞉ha wahoseráreste; tánon ne Saul wahawénnhase ne ratsihénstatsi, “Tó꞉sa othènen saterihwaststérist.”

1 Samuel 14:19 ပူးပေါင်းရင်းမြစ်များ

Psalms 106:13

Ók iostóre sahotinikonhrénhseron ne raohiothénhseras; iáh teonaterahrá꞉ton nasakothenhnikónhron.

Isaiah 28:16

Ne káti wahón꞉ni tsi nihatónhnions ne Roiá꞉ner Ní꞉io, Satkátho, watsiéntatse tho nón꞉we Zion nahonhnitskwará꞉kwe onénhia, ne ne watenenhiátʼkenhse, ne ne kanenhianóron thenwatʼiosaién꞉taʼkwe, ne ne ioníron tsi enwaʼnitskwáhraʼkwe: “Ne tionkwé꞉ta nón꞉ka nentsiaʼkétakwe kwáh kíʼ iáh thaʼtahiakahonhnaríkʼkhon.”

Numbers 27:21

Né enhoniahesénhake ne Eleazar ne ratsihénstatsi, rahón꞉ʼa enhorihónhnien tsi niwakenikonhró꞉ten ne énratsʼte ne ionsthaʼsónhas né Urim tánon ne Thummim. Thóh kíʼ ní꞉ioht ne Eleazar tsi enhohéntenhse ne Joshua tánon nonhkwetaʼkwékon ne Israerʼronónke ne orihwakwékon ne rahotirihwasónhas.”

Joshua 9:14

Ne Israerʼró꞉nons ostónha wahatihienásehrons ne kákhwa tsi tahonwénhnon, ók iáh ki tehonwarihwaién꞉ni ne Roiá꞉ner né꞉tho aorì꞉wake.

1 Samuel 13:11

Ne Samuel wahén꞉ron, “Onnasátieʼre?” Ne Saul watarihwaserá꞉ko, “Nó꞉nen sakhéken nonkweʼókon tsi saionkatiatonʼtákwaʼse, tánon ní꞉se tsi iáh tethisénon tsi nisenhniserará꞉kwenhne, tánon ne Philistine thonitsiokwaʼserónhniskwe ne Michmash nón꞉we,

1 Samuel 14:20

Eʼthó꞉ne ne Saul tánon ratikwé꞉kon nonkweʼó꞉kons ne rahón꞉ha ratikwekonhátieʼne iathontatinóntʼkhon tánon ateriʼioseráke niahón꞉ne; tánon ne Philistines wathontaterí꞉io, káti kwáh í꞉ken tsi kowá꞉nen watewanitónhni.

1 Samuel 14:24

Nón꞉wa ne Saul tsi nahateriwaténtsate kwáh í꞉ken tsi tsiaʼtosteríhen ne thóh wenhniserá꞉tekwe. Ne Israerʼró꞉nons ronanikonrokʼtáhon ne thóh shiʼwenhniserátekwe tsi washaʼkohriwaién꞉hase ne karihwaniráʼtshera ne ronterí꞉ios, ratónnions, “Enhaʼtatʼkarónhni nón꞉ka kíʼiok tehaská꞉on nohén꞉ton noʼkarasné꞉ha tánon kwáh satahonsatʼkheiérase ne iónksʼwens.” Káti iáh kiʼ ónka ne ronterí꞉ios thaʼtehonátskaon.

1 Samuel 30:7

Ne Táwit wahawénhase ne ratsihénstatsi Abiathar ne ne roién꞉ha ne Ahimelech, “Táskon thí꞉ken ionthenkweʼnorók꞉ta.” Káti ne Abiathar tahá꞉hawe ne ionthenskweʼnoróktha tahá꞉wen ne Táwit.