1 Samuel 14:15 - Ohiatonhseratokénti

¹⁵ Wathonʼnonhnaríkkon ne tsi ronatenataiéntakwe, thóh nón꞉we kehentáke, tánon ratikwé꞉kon nonkweʼshón꞉ahs; ne ronterí꞉ios tánon iekaníhare ne ratinataká꞉rhias wahotiʼiatíshonʼkwe; watsaʼhonhontsisónkwe; tánon ne iahón꞉ton kwáh í꞉ken tsi watsakahonhnarikʼkhon.

1 Samuel 14:15 ပူးပေါင်းရင်းမြစ်များ

Genesis 35:5

Tsi tahontáhsawen ne tahontháhahkwe ne Bethel nón꞉we niahón꞉ne, kahteronhtsherowá꞉nen Rawenniió꞉ke non tá꞉we tánon ne wahotíhrahʼne ne kanatowá꞉nenʼs ne aktóntieʼs tsi nón꞉we nihón꞉neʼskwe, ne ká꞉ti ne tóhsa ónhka ahonwatíhsere ne Jacob raonekenhteronʼtsheraʼshón꞉ʼa.

2 Samuel 5:24

Nó꞉nen ní꞉se ensatón꞉tene tsi nihotiʼnenhraseronhnihá꞉tsie ne tsi ioronhthó꞉tons ne iotshokó꞉tons, ehʼthó꞉hʼne kíʼ sathateweienʼnénhtan; asèken ehʼthóhʼne ne Roiá꞉ner sahén꞉ton niehawénon nashakoiatsenenhte ne raotiʼtsió꞉kwas ronterí꞉ios Philistines.”

Job Tánon ne Raoronhiakensera 18:11

Ne kateronkwáhtshera ne ronwateronkwén꞉nis kwáh tsík nahontahiotserá꞉tonke, tánon ronwá꞉sehres tsi nihokoʼtaraienthánionre tánon iáh tehoterièn꞉tare kaʼnón꞉we niá꞉re.

Psalms 14:5

Ók kwáh kíʼ enhonateronhniénten, asèken ne Rawenni꞉io ratikwekonhátie ne iakoiánere.

Exodus 19:18

Ohnonhthakwékon ne Sinai tehioienkwaráien, tsioríwa ne Roiá꞉ner tsi thóh nónhwe nathatásenhthe òtsire nikwekonhátie. Noʼiénkwahra thóh ní꞉ioht tsi onhtharátate tsi ní꞉ioht ne karístakon iohienkwarahkéthothe, tánon onhkwetakwékon tehiotenonhianíton tsi ní꞉ioht tsi wahakohiatísonʼkwe.

Daniel 5:6

Nó꞉nen ne ronnontí꞉io shahatkáhtho waʼthatskennentónten ó꞉ni kwáh í꞉ken tsi wahoteronhiénhten kwáh waʼthosiníshonkwe.

Matthew 24:6

Enseȣariȣaronkanion iakoteriio, oni ionteriiosere, tosa tanon seȣateronhienten: Aseken iatekakonte neneh tsi eh nenhiaȣenne; iah ki tanon, areko oni neh teken ne tsi iotokte.

Joshua 2:9

tánon wahakawénhase, “Wakaterièn꞉tare né꞉tho Roiá꞉ner tsi thetsisewá꞉wi ki kén꞉en ionhontsá꞉ien. Kwáh onhkweʼtakwé꞉kon ne kén꞉en kanakerahserá꞉kon tsi ietsiʼtshiánis.

Judges 7:21

Kwáh tsi niháti thóh nónhwe nathatítane tsi natehiokwahtáse ne tsi ronatenáthaien, tánon ratikwékon ne tehontátʼtsons ratisó꞉tar wahontèko tehotihenré꞉thane

1 Samuel 13:17

Tánon ne ratinahtakárias tahatiʼiákenhne ne tsi ronanáhtaien ne Philistines áhsen natonnihtiokwí꞉iakon; skentió꞉kwa thóh ne nó꞉kwati niahatiʼiérate ne Ophrah, tsi tiohontsá꞉ien ne Shual,

1 Samuel 13:18

nó꞉ia kentió꞉kwa thóh neh nòkwahti niahatiʼiérate ne ne Beth-horon, tánon nó꞉ia kentió꞉kwa thóhʼne nó꞉kwati niahatiʼiérate ne ne tsi tionontáhere nétho ieióken nahonráhkwakon ne Zeboim tsi nieiawénon ne iahontsawenténhaʼke.

1 Samuel 13:23

Nón꞉wa ne raotitió꞉kwas ne ronterí꞉ios ne Philistines iehonatʼthaʼhíten tsi niehiotohétston ne Michmash.

1 Samuel 14:14

Neh sontontiérente sahontawéntʼtho Jonathan tánon ne raonkwé꞉ta ne ráhas rateriʼiostákwas wasakotinonwarhiakhónhnion kákʼnon neh tewáhsen niháti, neh nó꞉hen nénskat tewenhniá꞉we niwasítake shiehonénon ne tsi ionwénhtsaʼien.

1 Samuel 14:16

Ne Saul tsi nón꞉we natehanenhraientákwa thóh nón꞉we Gibeah ne ne Benjamin tsi nishakotinikónraʼre nonkweʼshón꞉áhs tsi nihatiʼtatʼkenónties tsi natehonaniʼtonhniénhni.

1 Samuel 7:10

Ne Samuel tsi nioteriwaʼthentiáton tsi rotenaskwaʼtsahʼáhton ne thoiéston, ne Philistines ákta waʼhón꞉nete niaʼsakonatsatónhti NʼIsraerʼró꞉nons; nok ne Roiá꞉ner wathohénrehte karonhiáke nontáwe kwáh ne ne waʼká꞉wereh nètho shiʼwenhniseráteʼkwe tsi iashakotiatónhti ne Philistines tánon neh watonnahniʼtonhniáten; tánon sahontèko raotiʼhén꞉ton NʼIsraerʼró꞉nons.