1 Samuel 14:10 - Ohiatonhseratokénti

¹⁰ Ók tó꞉ka enthonníron, ‘Kénʼen nontásene tsi nón꞉we niiá꞉kwes,’ eʼthó꞉ne kiʼ ien꞉tene; asèken ne Roiá꞉ner wahathónttate naitewatkwé꞉ni. Nètho kwáh kiʼ neh enteniʼienterésthaʼkwe.”

1 Samuel 14:10 ပူးပေါင်းရင်းမြစ်များ

Genesis 24:14

Káti thóh niiohtónhak, ‘Ahsathón꞉tate, iaʼsetshé꞉tenht niahshnekótsenhte tánon takné꞉kanont.’ Tóka enkèn꞉ron, ‘Snekíra, tánon ó꞉ni entekhehnekenhawíhten ne satshenenóʼ꞉kon iotiniaʼkwáhere,’ aiá꞉wenhs kiʼ áonha nahsheiaʼtarákwen ne sahnhá꞉tshera Isaac raorihwá꞉ke. Né katiʼ kí꞉ken enhtshienteréhstahkwe tsi seʼnéhston ne iorihwató꞉ken kanoronhkwáhtshera raonhá꞉ke ne riioʼténhse.”

2 Kings 20:9

Ne Isaiah watharihwasehráko, “Ne Roiá꞉ner éntʼhion ne kaieronhnitstákwen nakarihwanírahte tsi kwáh thóh nenhá꞉iere tsi kíʼ nihorahrátston. Nón꞉wa, né kén ahontasheráhko ne tsi iotashá꞉tare tsi kanekotáhere oiéri nihiokháhake ohénton niáhwe khés noiéri nihiokháha: onàken ahonsáwete?”

Exodus 3:12

Ne Rawenni꞉io wahthaʼriwahseràko, “Í꞉i enthenikweʼkónhake, tánon nónenh tenhtesehiaʼtínekenʼwe nonhkweshón꞉ʼa ne Egypt nónhwe, kwáh kènʼen tsi ionónhte ensekʼsénhnaien. Né enkariwahnírahte tsi iekonhiaʼteniéthonʼne.”

Judges 6:36

Ethòne ne Gideon wahawénhase ne Rawenni꞉io, “Sáton tsi iatisarihwaiénthase naskeniáhese tsi ahonsakheniákente Israerʼró꞉nons.

Judges 7:11

Ensatʼthóntene tsi nahó꞉ten ronhtónhnions, tánon ki ethòne ensanikonhraníra niasehiatsathónhti.” Káti ne Gideon tánon ne rahonhátsera Purah thóh niahá꞉ne ákta ne tsi nónhwe iáh ónhka tehatíteron tsi ronanáhthaien.

1 Samuel 10:7

Nón꞉wa nó꞉nen kí꞉ken waʼtenientensʼtánions ensatʼkathóseron, thóh nátier tsi nisatʼkáthos ne tkaʼriwaié꞉ri, asèken Ní꞉io ní꞉se senikwé꞉kon.

1 Samuel 14:9

Tó꞉ka enhionkiʼién꞉hase, ‘Tsiateráhrat tsík í꞉i thóh ienʼiákwe tsi thiʼsènes,’ eʼthó꞉ne kiʼ kwáh tentení꞉take thaʼtentiatótaʼte tsi nón꞉we níteneʼte, tánon kwáh kiʼ iáh thóh tiahítene tsi thón꞉nes.