1 Samuel 14:1 - Ohiatonhseratokénti

¹ Énska tewenhniseráteʼkwe Jonathan ne ne Saul roién꞉ha wahawénhase ne kén niʼthoiónha rónkwe ne rahawíne ne rateriʼiostákwa, “Káts, áhnion èhʼtho iéteʼne tsi tatíteron ne Philistines ronterí꞉ios ne ní꞉si nonwéha nokwáti.” Ók ne Jonathan iáh kiʼ tehoróri ne roní꞉ha Saul.

1 Samuel 14:1 ပူးပေါင်းရင်းမြစ်များ

Micah 7:5

Tó꞉sa taʼtsétat ne tsaténhro; kwáh tó꞉sa othé꞉nen sehniahesénhak ne sehnorónhkwa; sathenhnikónhraren ne tsitsaká꞉ronte tsi nahó꞉ten enshí꞉ron nahónha tho kaiatión꞉ni tsi shiktsáke;

Judges 14:6

Thontahiawénhstsi ne Roiá꞉ner rahoshastsʼténhsera sénha wahoshastsʼténhseron ne Samson, tánon rahotsianóskon tsi wahohiataratiónhko ne kénreks, tsi shí꞉ken ní꞉ioht ne kenʼnithohiónha kaiatákeras akénhake. Ók iáh kíʼ teshakoró꞉ri ne ronhwaiénha tsi nahá꞉tiere.

Judges 14:9

Ratshanáke wárasthe tsi wathanáhkon notsikhétha tánon wá꞉rahke tsi nionhsáhre. Ethòne ronhwaiénha tsitʼníteronh nionhsáre tánon osthónha washakohtsikhethanónhte. Wá꞉neke, Ók ne Samson iáh teshakoróri tsi rahiáthakon ne kénreks rothákwen tsi nikáien ne rononhwariákon.

Judges 6:27

Káti ne Gideon iashakohiaténhawe ne oiéri niháti rahonhatsherasónhas tánon thóh naháiere tsi nahó꞉ten ne Roiá꞉ner roróhri. Sóh꞉tsi kíʼ shakotsániskwe ne rahowátsire tánon nonhkweshón꞉as ne thóh nahá꞉iere ne tsi niwenhnísehres, káti okarasné꞉ha thóh nahá꞉iere.

1 Samuel 13:2

Ne Saul áhsen-tewenhniawehetsherásen nihá꞉ti wasakoiataráko thóh nón꞉we Israerʼronónke; tékeni tewenhniawehetsherásen nihá꞉ti Saul ratikwekonhátiesʼkwe ne Michmash nón꞉we tánon ne tsi ionhniarónhnion kanakeraseráien ne Bethel, tánon énska tewenhniawehetsherásen nihá꞉ti ne ne ratikwekonhá꞉tiesʼkwe ne roién꞉ha Jonathan thóh nón꞉we Gibeah ne ne Benjamin ahotonhwenhtsáke; ne ronátiakes nonkweʼshón꞉ʼahs ionshasakotóri tsi tonathatoserótons niahonsahón꞉ne.

1 Samuel 13:22

Káti neh thóh wenhniserátekwe nateriʼiósera kák niká꞉ièn asarehkó꞉wa ó꞉ni nashí꞉kwara iáh teshotitsénhrion nahatiháwake ne tsikʼón꞉ka nonkweʼshón꞉ʼahs ne ratikwekónkwe ne Saul ó꞉ni ne Jonathan; ók Saul tánon roién꞉ha Jonathan nihá꞉wakwe.

1 Samuel 13:23

Nón꞉wa ne raotitió꞉kwas ne ronterí꞉ios ne Philistines iehonatʼthaʼhíten tsi niehiotohétston ne Michmash.

1 Samuel 14:2

Ne Saul thóh néh nón꞉we nihenterón꞉takwe natstéson nokwatísons ne Gibeah thóh karontókon ne wé꞉so iotenénha káhik ne ne thóh nón꞉we Migron; ne ronterí꞉ios ne ratikwekónhne kák꞉non ne ia-iáh tehonhnenhniá꞉we nihátikwe ronhnón꞉kwe,

1 Samuel 25:19

tánon wahawenhá꞉se ne kén nithoʼiónha ranhá꞉tshera, “Wáhs akʼkénton niaháse; Í꞉i enkón꞉sehre,” Ók iáh neh tehoró꞉ri ne ró꞉ne Nabal.