1 Samuel 13:7 - Ohiatonhseratokénti

⁷ Otiá꞉kes ne Hebrews iatatiʼiáiaʼke ne Jordan kaniaʼtaratátie thóh niahónhne tsi tiohontsáien ne Gad tánon Gilead. Ne Saul shékon nén꞉en neʼe Gilgal nón꞉we níresʼkwe, tánon ratikwé꞉kon nonkweʼókons ronwanonterátieʼne rotiʼiatishónkwaʼne.

1 Samuel 13:7 ပူးပေါင်းရင်းမြစ်များ

Leviticus 26:17

Kwáh kíʼ enkonhiatʼkónhten, né nahónton ne kwáh ahieshassénhni, tánon tsi nikáien ne sèhsons kwáh kíʼ enhiesatkórasʼthe; thoʼnióre tsi enshaterónhsehke kwáh kíʼ enshaʼtekwenhá꞉tie nó꞉nen iáh ónhka tehieshá꞉sehre.

Deuteronomy 20:8

“Ne rasenhnowá꞉nen kwáh ó꞉ni enshakawénhase ne ronhnónhkwe, ‘Ónhka kén꞉en í꞉res ne rónhkwe ne iáh teshonikonhraʼtsháni tánon rò꞉terons? Tó꞉ka tó꞉kenske, ó꞉nenk tsi enshahténti. Tó꞉ka iáh, kwáh ki enshakonikonhrário ne ronatià꞉kes.’

Deuteronomy 28:25

“Ne Roiá꞉ner kwáh enteshaká꞉wen ne ieshá꞉sons naiesashén꞉ni. Énska tsi nenhteshiérate tsi iensehiatiaʼtón꞉ti ók ó꞉ia natenhteshiérate tsi ensehsatéko, ók kwáh tsík nenhteshierathánion tsi ensehiatekwenhátonhse, tánon akahontsakwé꞉kon enhiakoteronhiénten nó꞉nen enhiontkátho tsi nesahiathákwen.

Deuteronomy 3:12

“Nó꞉nen sahakwaʼtié꞉nawatste nonhóntsa, né꞉ne Reuben tánon ne Gad nahotiʼtaró꞉tens takhé꞉ion né꞉ne kanakerá꞉sehra nothorè꞉ke nokwá꞉ti tsi kaná꞉taien ne Aroer ákta ne Arnon Kaniataratátie tánon iowénhte ne tsi ionónhte ne Gilead, tshiewakwé꞉kon ne kanataʼsónhas.

Joshua 13:11

Thóh í꞉wa ne Gilead, ne tsi kanakerahserá꞉iens ne Geshur tánon ne Maacah, akwé꞉kon ne tsi ionónhthe ne Hermon, tánon atenathakwé꞉kon ne Bashan kwáh tsi nió꞉re ne Salecah.

Joshua 13:8

Ne rahotitióhkwas ne Reuben ó꞉ni ne gad ó꞉ni nó꞉ia tióhton nihotitióhkwakes ne Manasseh ó꞉nen nénhne rotiienàhon nonhóntsas né꞉tho Mahís teshakó꞉wi, né꞉ne Roiá꞉ner raonhátsera, theshakó꞉wi; né꞉ne tsitʼkarahkwí꞉nekens nokwá꞉ti ne Jordan Kaniataratátie.

Judges 7:3

Sehrihowanáthen nonhkweshón꞉ʼa, ‘Ónhka ne iakoterónhni tsonhténhtiʼkiʼ, ók ní꞉i kénʼen tsi ionónhte ne Gilead entewenhterónhtake.’” Káti tewásenh-tékeni tehonhnienwahetserásenh niháti sahonthénhti, ók oiéri tewenhniawehetsherásen niháti iatonathátere.

1 Samuel 13:8

Tsá꞉ta niwenhniserá꞉ke wahateráraʼte, thóh nikaríwes nihorihwíson ne Samuel; ók ne Samuel iáh nenʼnéʼe tiehawé꞉non ne Gilgal, tánon nonkweʼókon tahiontásawen sahonwatsiaʼtontákwase ne Saul.

1 Samuel 17:11

Nó꞉nen ne Saul tánon ratiʼkwé꞉kon NʼIsraerʼró꞉nons wahonatʼthóntene kí꞉ken raowenhnahó꞉kons ne Philistiaró꞉non, kwáh í꞉ken tsi wahonhnikonrók꞉ten tánon kwáh í꞉ken tsi wahotíteronhne.

1 Samuel 31:7

Nó꞉nen ne ronhnón꞉kwe ne Israerʼró꞉nons ne thóh thón꞉nes ní꞉se nokwáti nahonrákwahkon ó꞉ni tsi niiá꞉kon ne iehiotohétston ne Jordan sahatiriwáronke nètho ronón꞉kwe NʼIsraerʼró꞉nons tsi ronatékwen tánon nètho Saul ó꞉ni ne raoʼnekenteronhtseraʼshón꞉ʼahs tsi ronenhé꞉ion, watkonkénrate ne raotinátakon tánon wahontèko; tánon ne Philistines tahón꞉ne tánon thóh wahonthatíteron.