1 Samuel 13:6 - Ohiatonhseratokénti

⁶ Nó꞉nen ne NʼIsraerʼró꞉nons shasakotíken tsi ronanikonrokʼtáon (asèken ne ronterí꞉ios kwáh í꞉ken tsi ioní꞉ron tsi nahonterí꞉io), nonkwé꞉okon wahontashetánion tsi iostenrakarónhtons ó꞉ni tsi ioshonwéhnions tánon nostenrákes kassonhionniá꞉nions ó꞉ni ohontsokónsons tánon tsi nón꞉we nihatiʼnekará꞉kwa.

1 Samuel 13:6 ပူးပေါင်းရင်းမြစ်များ

2 Samuel 24:14

Ehʼthóhʼne ne Táwit wahawénhase ne Gad, “Ní꞉i kwáh í꞉ken tsi kowáʼnenh tsi tewakanikónrare; áhnion thóh ietewahiatiénen rasnontsá꞉ke ne Roiá꞉ner, áhseken ne raotaniténron tsi nikowánen; ók tó꞉sa takerí꞉hon nèthoh iatiatsénenhne nónkwe akotshanáke.”

Isaiah 42:22

Ók né kí꞉ken nonkweʼshónhas ne ronwatiʼnenskwenháton tánon okontʼronhwenhnón꞉ni, ratikwé꞉kon rotiʼiatotarehon ne tsi iokarónhtons tánon ronwatiʼiatashé꞉tons tsi ionthatenotónkwas; wahatiʼronhiáken iáh ónhka teshonwatiʼniakénton, rotihetʼkénʼen iáh ónhka teiáwen, “Tsetikwahtáko!”

Jeremiah 41:9

Ne ionahweròh꞉te tsi nónhwe ne Ishmael ieshaʼkohiathóntion ne shaʼkononhwahrhiakónnion ronónhkwe kwáh íken tsi kanahwerówahnenhʼne nètho ne ne ronnonhtí꞉io Asa rohkenrahthákwen ne nónenh ne shontahotsiatónti ne ronnonhtí꞉io Baasha ne Israel. Ishmael ohieronthashón꞉a né shaʼhánahʼne.

Ezekiel 33:27

“Sehró꞉ri tsi Í꞉i, ne Wakenonhtí꞉io Watiá꞉ner, kheʼtokaténhni kwáh tsi nihioriwí꞉io tsi Í꞉i ne konhnhehónwe Ni꞉io, nonhkweshón꞉ʼas ne ienahkerénion ne ioriwenhtásehron ne kanatowáhnenhs kwáh enhonwahtinonhwahrhiakonhnion. Tsi nihiakon ne kahetake ie nakerénion konhtírhio nenhʼné꞉e enhonwahtiwáhrahke. Tsi nihiákon iakothasehthonháties tsi ionhnonhtharónhnion ó꞉ni nostenronhkónhsonhs kannrahtharinhétshera nènhne enhotírhiothe.

Philippians 1:23

Kwá íken tsi iohníron tsi enkathaterákwase. Tewakathonwentióni nakiheie tanon Kerístos iahiakinikwékhaʼne, Asèken iawehthatsiáni ne iohiánere.

Hebrews 11:38

Ne tsi ionwenhtsiáte iáh tsatekaiéri tsi niʼiohiá꞉nere ne rahotiriwáhke! Tóh ní꞉ioht tsi tehontawénhries tsi ní꞉ioht ne rohnatiatatónʼon ne kahentakekówah ó꞉ni ne tsi ionnontarónnions, ostenrakónsons tánon oshónwahkons nónwe nihathiterónton.

Joshua 8:20

Nó꞉nen ne ronhnónhkwe ne Ai nón꞉we oná꞉ken ionsahathikenhénhion, wahontká꞉tho tsioienkwahrakéthote tsi karonhiá꞉te niehiotsenhkwarí꞉non. Kwáh iáh othé꞉nen thetsóien ne ahonsahatiniákenhne, tiorì꞉wa ne Israerʼró꞉nons tsi niká꞉ien ne tsi tsiohenthakwénhrare niehothitatkhé꞉non ó꞉nen thonshahonkarahténi niahonwanatiaʼtón꞉ti.

Judges 10:9

Né Ammonró꞉nons iekaníhare waʼthatihiáiake ne Jordan nahonterí꞉io ne Judah rahotitsiókwa, né꞉ne Benjamin tánon ne Ephraim. NʼIsraerʼró꞉nons kwáh í꞉ken tsi rotinikonhraronhiákenhkwe.

Judges 20:41

Ethòne nʼIsraerʼró꞉nons sahónkhete, tánon ne Benjaminró꞉nons tsathonhnonhnaríkʼkhon tsioríhwa tsi wahóntʼthoke ónen thó꞉wa ahonwanáthonthe.

Judges 6:2

Ne Midianró꞉nons sénha ratisháststes tsi ní꞉ioht ne Israerʼró꞉nons, káti nonhkweshón꞉as Israerró꞉nonke wahonwanathaséhten ne tsi iostenhrakarónhtons tánon ne aktéson nónhwe ne sakʼtikénhaton ne tsi ionhniarónhnions.

1 Samuel 13:15

Tánon ne Samuel éhren shá꞉rehte tánon wahakthaíta tsi nontáre ne Gilgal nón꞉we. Ne roná꞉tiakes nonkweʼókons Saul neh wahonwásere tsi iashakotiatárahse ne ronterí꞉ios; iahón꞉newe Gilgal thóh ionsahonténhti Gibeah nón꞉we iathonnóiaʼke ne ne tsi tewatonhontsáien ne Benjamin. Ne Saul wasakó꞉sehte nonkweʼókons tsi nihá꞉ti ne rahón꞉ha ratikwekonhátie, káknon ne iá꞉iaʼk tewenhniá꞉we nihá꞉tikwe.

1 Samuel 14:11

Káti tenitsá꞉ron iahiatotási rononháke ne Philistiaró꞉nons ronterí꞉ios; tánon ne Philistines wahonníron, “Sewatʼkátho, ne Hebrews thontahotiʼiakenhenhátie ne tsi ioshonwakaróntons tsi nón꞉we nihonatasehtánionkwe.”

1 Samuel 14:22

Kwáh ne sahtèiot, nó꞉nen raʼtikwé꞉kon NʼIsraerʼró꞉nons ne iehonatasehtánions tsi tsionhniaʼrónhnion tsi nikakaneraseráien ne Ephraimke wahatiriwáronhke nètho Philistines tsi ronatekwenhá꞉ties, roʼnón꞉ha ó꞉ni kwáh ákta tsi nahonwatísheʼre tsi niwaterí꞉io.

1 Samuel 23:19

Eʼthóhʼne thóh kaʼniháti ne Ziphró꞉nons hiahónhne tsi tonón꞉shote ne Saul ne ne Gibeah nón꞉we tánon wahonníron, “Ne Táwit rotashetonháties tsi nón꞉we nihiakwahná꞉kere thóh tsi iahonwenhtsathénhake ne Horesh nón꞉we, thóh tsi ionhnontahrónhnions ne Hachilah, ne ne entié꞉ne nokwáhti ne Jeshimon.

1 Samuel 24:3

Iahá꞉rahwe tsi konwathiterontáhkwah teiotinakarontónha owahák꞉ta í꞉ken, thóh nón꞉we niʼiotstenrahkáronte; tánon ne Saul thóh iahatáhwehiaʼte náste iáreh. Nón꞉wa ne Táwit tánon ne raonkwetashón꞉ahs thóh tatitskó꞉ton neh kwáh í꞉non iéhke nosón꞉wakon.

1 Samuel 31:7

Nó꞉nen ne ronhnón꞉kwe ne Israerʼró꞉nons ne thóh thón꞉nes ní꞉se nokwáti nahonrákwahkon ó꞉ni tsi niiá꞉kon ne iehiotohétston ne Jordan sahatiriwáronke nètho ronón꞉kwe NʼIsraerʼró꞉nons tsi ronatékwen tánon nètho Saul ó꞉ni ne raoʼnekenteronhtseraʼshón꞉ʼahs tsi ronenhé꞉ion, watkonkénrate ne raotinátakon tánon wahontèko; tánon ne Philistines tahón꞉ne tánon thóh wahonthatíteron.

1 Samuel 7:7

Nó꞉nen ne Philistiaró꞉nons sahatiʼriwáronke nètho Israerʼró꞉nons tsi ronanitsiokwaró꞉ron ne Mizpah nón꞉we, ne Philistines rotiʼnontí꞉ios iahón꞉ne iashakonatiatónhti NʼIsraerʼró꞉nons. Tánon nó꞉nen NʼIsraerʼró꞉nons shahatiʼrihwáronke wasakotitsániʼke ne Philistines,