1 Samuel 13:13 - Ohiatonhseratokénti

¹³ Ne Samuel wahawénhaʼse ne Saul, “Teiotenonwaroríhtonhte tsi nashá꞉tiere; iáh tesatienawáston ne raorihwatátʼtshera ne Roiá꞉ner Saní꞉io, ne tsi nihiaʼnáhon. Ne Roiá꞉ner aorihwakwatá꞉kwen ne sanontiʼiotiéra thóh nón꞉we Israeronónke ne ne tsi nénhwe aʼkénhake,

1 Samuel 13:13 ပူးပေါင်းရင်းမြစ်များ

Genesis 31:28

Tánon nontié꞉ren tsi iáh teskerihwá꞉wi taonsakhenoronhkwánionke ne akenekenhteronʼtsheraʼshón꞉aʼhs ó꞉ni ne kheioʼokón꞉ʼahs tsonathonwí꞉senʼs ne taonsakhenón꞉weronke tsi ronhtentiónhe? Tsi nahsátiere kwáh í꞉ken tsi teiotenonhwarorí꞉tonte.

2 Samuel 24:10

Ók onakènhke, ne Táwit wahawerhiasanónhwake tsioríhwa tsi sakoséhton nonkweʼókon. Ne Táwit wahawénhase ne Roiá꞉ner, “Wakeriwáneren kwáh teiotenonhianíton ne tsi niwakatiéren. Ók kíʼ nón꞉wa, Ó Saiá꞉ner, Wakaterénhnaien shonháke, éhren shasáwit ne nakenhí꞉tsera; asèken thóh niwatiéren ne kwáh í꞉ken teiotenonwarorítonhte.”

1 Kings 18:18

“Iáh í꞉i tetʼtsirónhnis thèken,” ne Elijah watharihwaseráko. “Kwáh íh꞉se—í꞉se tánon ne iaʼníha. Iáh thesathewenhnarákwah ne Roiá꞉ner rahorihwatátʼtseras tánon né tshénhnaiens ne kahiatónhni Baal.

1 Kings 21:20

Nó꞉nen ne Ahab sahó꞉ken ne Elijah, wahénron, “Waseʼnónhteraʼne, tetiatátʼtsons?” “Hen, thóh nahá꞉wenhne,” ne Elijah wathariwaseráko. “Kwáh sateriwathokénston iehiokonhthákwen tsi thóh nishié꞉ra tsi nahó꞉ten ne iáh tetkarihwaiéri rahohénton ne Roiá꞉ner.

1 Chronicles 10:13

Ne Saul né aoríhwa waʼrén꞉heie né tsi iáh teʼoríhwathóʼkenhne rahonháke ne Roiá꞉ner. Iáh tehotewenhnaráʼkwen ne Roiá꞉ner raʼorihwatát꞉tieras; né waʼhatheniénhten naré꞉saʼke né ahosárihne tsi niʼsakotenikonrátʼkenhse ne ronenheʼiónkwen

2 Chronicles 16:9

Né Roiá꞉ner kwáh í꞉ken tsi ákta ranikónhrahre ne tsi ionhontsáte, teshakówis ne kashastsʼténhsera tsi niháti né kwáh toneriasaháton tsi rotirihwatóken ne rahonháke. Tehiotenonhwaroríhtonhte tsi nashá꞉tiere, tánon káti kénʼen ienwathásawen tsi kwáh kíʼ tiókonhte tsi ensaterí꞉ioke.”

2 Chronicles 19:2

Rotó꞉kenhse, Jehu né roʼníha né꞉ne Hanani, iahá꞉re ne tahiatátken ne ronnonhtí꞉io tánon wahawénhase, “Í꞉sere onhtèken tkarihwaiéri nahonwatiʼiénawaʼse ne ionhkwetahétkens tánon né ahonwatirihwá꞉wahse tsi nihá꞉ti ronhwá꞉sons ne Roiá꞉ner? Tsi nishatiéren né takáhaʼwe ne Roiá꞉ner raonhakwáhtshera né shonháke.

Job Tánon ne Raoronhiakensera 34:18

Ónhka ne ronhwén꞉ni ne ronhnontí꞉io, ‘í꞉se ne iáh othé꞉non teserihwástha!’ tánon ne ratishenhnowá꞉nens, ‘Í꞉se ne tionkweʼtasénhskwa!’—

Proverbs 12:8

Tókaʼ tesaʼnikonhráthe, eniesahsennakará꞉tate; tókaʼ iáh tesateʼnikonhrattókha, nón꞉kwe ehtà꞉ke eniehsón꞉ni.

Proverbs 19:3

Ótiaʼke nón꞉kwe eniontatkarón꞉ni tókaʼ ohnonhwarorí꞉ta tsi ní꞉ioht tsi iontonhianorónkwahs tánon enthonwàrahse Roiá꞉ner.

Isaiah 39:5

Eʼthó꞉ne ne Isaiah wahawénhase ne Hezekiah, “Sathón꞉tek ne raowenhnaókons ne Sakoiá꞉ner ne ratironhiakeró꞉nons:

Jeremiah 18:10

ók ethónʼne nètho ónkwe iáh tehionkewenhnaráhkwen tánon kariwáksen tsi nahontiéreh, iáh kíʼ eh thatiéreh tsi niwáhken.

1 Samuel 1:22

Ók ne Hannah iáh ne tseiawénon, asèken waoró꞉ri ne ró꞉ne, “Kwáh tsi niʼiostóre ne raksá꞉a enhátsʼtarontáko, enthiʼiaténhawe, ne raónha ahón꞉ton nahaténesʼte raohén꞉ton ne Roiá꞉ner, tánon thóh aréh꞉seke tsi nénhwe akénhake; kwáh enhiwenhní꞉ioste tsi ní꞉iot ne nazirite ne ne tsókonte enkénhake.”

1 Samuel 13:12

Wakí꞉ron, ‘Ó꞉nenh kiʼ ne Philistine kwáh entionkatsiaʼtónti neh Gilgal nón꞉we, tánon arèkok siwakesákon ne raononwetiéra ne Roiá꞉ner’; káti wakaʼtatré꞉ke, tánon wakatenaskwaʼtsahatánion.”

1 Samuel 15:11

“Skaʼtateriwástahni tsi rinontiʼióston ne Saul, asèken tonsahatkarahténi tsi ratʼnonteráhtieskwe, tánon iáh tehorihwaieríton nakatiawenhráseras.” Ne Samuel tsi nahonhákwen; tánon iathaséntʼtho rahonháke ne Roia꞉ner asontahkwé꞉kon.

1 Samuel 15:22

Tánon ne Samuel wahén꞉ron, “Ne Roiá꞉ner tóh kénh nihatsennonniátha ne watʼtsaháhtons iaiéthate ó꞉ni ne watéskonte, tsi naiontewennará꞉kwe ne raowennaó꞉kons ne Roiá꞉ner? Oriwiʼiohónwe, naiontewennará꞉kwe sénha ne ioiá꞉nere tsi ní꞉ioht ne kariwiʼiosehokónhas, tánon ahiontahón꞉sathaʼte tsi ní꞉ioht ne ronarésens teotinakarontón꞉ʼahs owirasón꞉ʼahs.

1 Samuel 15:28

Tánon ne Samuel wahawénhaʼse ne Saul, “Ne Roiá꞉ner kwáh waharátion ne sanakerá꞉sera NÍsraerʼronónke nisèke ne kwáh nón꞉wa wenhniseráte, tánon ne tashakáwen ne tesewatonhonsanéken, tsi ronónha sénha rotiʼiánere tsi ní꞉ioht ní꞉se.

1 Samuel 16:1

Ne Roiá꞉ner wahawénhase ne Samuel, “Tohá꞉kwa nikarí꞉wes tsi entsationniónhkwen ne Saul? Ní꞉i rikenronníhon nahonontí꞉ioke ne NIsraerʼronónhke. Ne í꞉senanh ne katshénen aonakarakénʼen ne iakenʼiewá꞉tha kénhie tánon tho iahá꞉se, Ní꞉i kwáh ienkoniaténieʼte tsi thénhteron ne Jesse ne ne Bethlehemró꞉non, asèken ní꞉i neh wakathaterakwénhni ne iatetsiá꞉ti ne ahotinontí꞉ioke ne sakohiohokónʼahs.”

1 Samuel 26:21

Ehʼthó꞉ne ne Saul wahén꞉ron, “Tewakaterientawénhrie; tontasáket, konién꞉ʼa Táwit, asèken kwáh kiʼ iáh nonwénhton shé꞉kon tahonsakonkaréhwate, tsioríhwa nakatónnhets tsi nikanó꞉ron ne sahén꞉ton nón꞉wa wenhniseráte; Tewakatonʼnóktahkwe, tánon teiotenonʼianíton tsi watkaterientawénhrie.”