1 Samuel 12:8 - Ohiatonhseratokénti

⁸ Nó꞉nen ne Jacob tánon ne raoʼwátsire thóhʼnón꞉we niaʼhónhne Egypt tánon ne Egyptró꞉non wahonwatiʼronhiákente, eʼthóhʼne ne sewashotʼtseraokonhkénʼen iatonséntʼtho rahonhá꞉ke ne Roiá꞉ner tánon ne Roiá꞉ner ne iaʼshakoténieʼte Mahís tánon Aaron, roʼnón꞉ha kiʼ thontasakotiʼhiatínekenʼwe ne sewashotʼtserokonhkénʼen ne Egypt nón꞉we, tánon kén nón꞉we niwahtonhóntsaʼien nahonwatíteron tsi nón꞉wa nón꞉we nítewas.

1 Samuel 12:8 ပူးပေါင်းရင်းမြစ်များ

Psalms 105:44

Né waʼsakahonhtsawí꞉hon nakorénshons raononhontsashón꞉has, tánon né waʼhatiʼientʼwakwenháton nakorénhshons rotiʼientʼthó꞉serons,

Exodus 12:51

Thóh wenhniseráteʼkwe ne Roiá꞉ner thasakohiaʼtí꞉nekenʼwe ne lsraeró꞉nons rahoʼtiʼtiókwas ne Egypt nónwe.

Exodus 6:26

Ne Aaron ó꞉ni ne Mahís ronónha ne Roiá꞉ner wasakawénhaʼse, “Ietʼtsihéntens ne kentarahsónhas ne lsraeró꞉nons nahatiʼiákenʼne ne Egypt nónwe.”

Numbers 20:15

tsi ní꞉ioht nonhkwasót꞉tsheras tsi Egypt niehonénon, tsi nónhwe karíhwes iehiakwenhterónhtakwe. Ne Egyptró꞉nons kwáh íken tsi wahonwanateweienakʼsáten nonhkwaʼsótʼshera tánon nonkwáhtiakes,

Acts 7:15

Ehʼthóhʼne ne Jacob Egypt niaháre, thóh nónwe raónha ó꞉ni ne sakoioʼokónhas iahonníheie.

Joshua 1:6

Thashaʼnikonhrakontaʼkwénhak tánon shaʼnikonhranirónhak, asè꞉ken í꞉se enshehéntenhse kí꞉ken onhkweshón꞉as tsi ienhontiaʼtakwehní꞉ioste kí꞉ken ohóntsa ne kehiararatstén꞉ni ne shakotisoʼthonkonhkén꞉en.

Joshua 21:43

Káti ne Roiá꞉ner thashaká꞉wen Nisraerʼró꞉nons akwé꞉kon nohóntsas ne kwáh rorihwanirá꞉ton tsi shakorahratstén꞉ni ne sakotisoʼthonkonhkén꞉en tsi enteshaká꞉wen. Ne nó꞉nen shihonatiaʼthakwehniióstons, thóh nón꞉we nahontená꞉taien.

1 Samuel 10:18

Tánon wasakawénhase, NʼIsraeró꞉nons, “Asèken ráton ne Roiá꞉ner, ne sakoʼNí꞉io NÍsraerʼronónke, ‘Tekwahiaʼtínekenʼen ne Egypt, tánon wakwaniákenʼte tsi nó꞉kwah ne rontsaʼnákes ne Egyptró꞉nons tánon tsi nòkwah ne rontsaʼnákes akwé꞉kon ne tsi kanontiʼiotseraʼkérons nètho ietsironhiaʼkénton.’

1 Samuel 12:6

Samuel wasakawénhase nonkweʼókons, “Ne Roiá꞉ner ne roʼriwaniráton, tsi raónha saʼkoiatarákwen ne Mahís ó꞉ni ne Aaron tánon theʼtesakoiaʼtínekenʼen ne sewashotʼtseraokonhkénʼen tsi tewatonhón꞉tsaien ne Egypt.