1 Samuel 12:22 - Ohiatonhseratokénti

²² Asèken ne Roiá꞉ner iáh kiʼ tasakokkénrate ne raonkwetashón꞉ʼahs, ne raosennakó꞉wa akarihónhni, tsioríhwa tsi ronikonriʼió꞉on ne Roiá꞉ner ne nón꞉kwe atsitiónhni ne iatehaiá꞉ti raoriwá꞉ke.

1 Samuel 12:22 ပူးပေါင်းရင်းမြစ်များ

1 Kings 6:13

Thóh skátʼke enhiakwenhterónhtake nakonhkwetashón꞉as kénʼen kíʼ Ononhsatokentiʼkówaʼne né sanonhshón꞉nihatie, tánon iáh ki nonhwénhton takehiatewénhtheʼte.”

1 Kings 8:57

Aiáwens ne Roiá꞉ner Onhkwah Ní꞉io ahitewakwekónhake tsi kíʼ nihatikwékonhne ne ietisotʼthonkonhkénʼen; aiáwens tó꞉sa nonhwénhton ashonkwatewénhtheʼte khés nasonhkwahtsakwahríhsi;

2 Kings 14:27

Ók iáh kíʼ Roiá꞉ner thóh tehonikonró꞉thenhne nahonwaná꞉thonte Nisraeʼró꞉nons né kwáh iahonwatíshaʼhate tsi nénhwe, sók kíʼ rahonháke ne Ronnontí꞉io Jeroboam II nón꞉we nonsaʼshakoniákente.

2 Kings 21:14

Kwáh enkehiatsakwahríhʼshi nonkweʼshón꞉ʼas niaʼtenonathátere, tánon thó ienkeiátʼkaʼwe ronón꞉hake ne teontát꞉tsons, roʼnón꞉ha nènhʼne enʼonwaʼtisénhni tánon enhonwaʼnonhontsanénsko.

1 Chronicles 28:9

Tánon tsi nòkwah ne Solomon wahawénhase nenhʼné꞉e, “Riʼiénha, Waʼkonrihónten natserihwaníratse ne ianíha raoní꞉io tánon natsiótenhse né kwáh seweriásak akénhake tánon né nahisanikonhroténhake. Akwé꞉kon roteriéntare nónkwah nonthonhniónhtsheras ó꞉ni nón kwahskanéktsheras. Tó꞉ka rahonháke nòkwah nienhénse, kwáh enthiaiéna; ók tó꞉ka entsiatsatonhtákwahse, kwáh kíʼ tsi nénhwe tsi enhiatewénhtheʼte.

2 Chronicles 15:2

tánon thóh niaháre ne tahiatátʼken ne Asa. Iahonáton, “Takwahtahónsatat, Sanontí꞉io Asa, tánon sewakwáhkon ne Judahró꞉nons ó꞉ni ne Benjaminró꞉nons! Ne Roiá꞉ner ensewakwekónhake ki tsi nikaríhwes ní꞉se ensewé꞉rehke nahisewakwekónhake. Tó꞉ka entsisewahiatíshaʼke, iáh thatsisewaríhon natsisewahiatatʼtsénhri, ók kíʼ tó꞉ka entsisewatswathénien, kwáh kíʼ entsisewatewénhtheʼte.

Nehemiah 9:17

Iáh tehonathontháton nahonthahonsáthate, khéhs nahonehiá꞉rakes ne iorihwanerakwahténions tsi nahoʼténhsons tsi nisehiatié꞉rahse ne ronónha; ók wahontenontsistahní꞉rate tánon iathotirihwaién꞉tahse thóh niahonsahón꞉ne ratináskwa ahonsahónton thóh tsi ronatenontistahní꞉raton; ók í꞉se ne Ní꞉io ne sheseʼnikonrénhse, thisarihwaié꞉ri tánon sanitenhrátskon tánon iáh tesenhakwástore tánon titkáhere kanoronhkwátshera; tánon ní꞉se iáh teseiatewenhtétha.

Psalms 106:8

Nek kík sá꞉ka waʼsakonónsthate né꞉ne raosénhna aorihónʼniat, né kíʼ nahóntonh aréneste ne teiotenonhianíton raoshaststénhsera.

Psalms 94:14

Asèken ne Roiá꞉ner, iáh tasakotewenhtethe ne rahonkwetashón꞉has; iáh tasakoré꞉kwahte ne rahónha rahonkwetaʼshón꞉has í꞉ken;

Exodus 32:12

Onhnontiéren ne Egyptró꞉nons tsi ahatiʼkwéni nahonhníron tsi tethesehiatinekénhʼen ne shonkwetashón꞉ʼas ne Egypt, satenikonhrónhniskwe ne tsi tsiononhtáhere nónhwe nasehnonhwarhiáʼkonhke ó꞉ni kwáh ashehiatónhtonhke? Sátkaf tsi nisanakwénhʼen; thonsashateriwaténien tánon tó꞉sa tásaf kí꞉ken kariwaiesáhtsera ronónhake ne shonkwetasónha.

Isaiah 37:35

Asèken kwáh kí éntkene kí꞉ken kanatowanénke nakenónsthate, asèken Í꞉ih akerihwá꞉ke tánon ne raorihwá꞉ke nakenhá꞉tshera Táwit.’”

Isaiah 41:17

Nó꞉nenh ne iakóten tánon ne tehiontkárias enienekí꞉shaʼke, tánon iáh kanèka tekanekáien, tánon ne ronhnenhnásake iostáthen tánon rotiniatáʼthens, í꞉i ne Watiá꞉ner kwáh tenkheriwasehrá꞉kwahse, í꞉i ne KheʼNí꞉io NʼIsraerʼronónke kwáh kí iáh takhehiatanikónren.

Isaiah 42:16

Kwáh enkhehéntenhse ne teieronhwèkon né tsi iohatátie ne iáh tehatihaientéri nakohianaken ioháte ne iah tehatiʼientérihkwe Kwáh í꞉i enkeiatenhnikonráren. Kwáh tentʼkaraténi ne tetsiókaras thóh rahotihénton tahioswát꞉thene, ne watenatáʼshens nahontonhontsakwahrísi. Né kí꞉ken nahorihoténshons tsi thóh nénhtiere, tánon iáh takheiatewénhtethe.

Isaiah 43:25

Í꞉i, Í꞉i ne rahónha í꞉ken Í꞉i skeriwathón꞉tha ne saterihwatewahtóntshera né꞉ne kwáh Í꞉i akerihonhniát, tánon iáh tahonsakeiáraʼke ne sariwaʼnerahák꞉tsheras.

Isaiah 43:7

thentʼkakwékte ónhka né hionthaʼtenathón꞉kwen naksénhna, tsi nikáien khehiaʼtíshon né natiaʼtanerakwáhtshera aorihwá꞉ke, tsi nikáien ne khehiaʼtónhni tánon wákshon.”

Isaiah 48:11

Asèken I꞉i akerihwá꞉ke, asèken I꞉i akerihwá꞉ke, ehnéntiere, asèken nontiéren naksénhna tsi akonwasenhnáksaʼte? Naʼtiatanerakwáhtshera kwáh iáh ónka nakó꞉ren tethekheiaʼwí꞉re.

Isaiah 49:15

Ahkakwé꞉ni kén ne iónkwe ahiakohiaʼtanikónren ne iakostarónt꞉tha ieksá꞉a, khés ne iáh tawénesʼte nahontahiotenonwát꞉then nahiakoténhre ne ieksá꞉a né kwáh ahónha tsi watewiraʼrá꞉kwah nitsakawénon? Iekaníhare kí꞉ken ahónton nahiotinikónren, kwáh kí ní꞉i iáh takonhiatanikónren.

Isaiah 63:8

Asèken ráwen, “Oriwiʼiohónwe né kí꞉ken nakonkwetaʼshón꞉has í꞉ken, ratiksaʼokónha ronón꞉ha né iáh tahonnó꞉wenhte”; tánon né wahá꞉ton rahónha ensesakoskontáko

Jeremiah 14:21

Sehiárak tsi nisharahratsthánion tánon tó꞉sa tahkwahkénron; tó꞉sa shatéhat ne Jerusalem, thóh nónhwe nishaʼtenitskwarahtseró꞉te ne shaʼnitskwahrahtsherahtokénti. To꞉sa thétiak ne aterihwasheronniátshera né sáhson tsi nahtethewáhtereh.

Jeremiah 14:7

“Nakonhkwetashón꞉꞉á í꞉i nòkwah tetthonséntthos, ‘Iáh werohhátien nonhkwahriwaʼnerahákʼtshera tsi ionkwahriwáhrhos, thakwahiénawas, Saiá꞉ner, tsi nishaʼrahrátsʼton. Wéso iorihwáhke kwatkarhathénion; ionkwahrihwáneren tsi nòkwah ní꞉se.

Jeremiah 14:9

Onhnihiotiéren tsi ehnishá꞉thatieren tsi shí꞉ken ní꞉ioht nónhkak tahionthathonhnékten, tsi ní꞉ioht ne raterí꞉ios iáh othènenh tehoshastsʼtenseráien nahatsniénon? Oriwiʼiohónwe, Saiá꞉ner, tsi tewahkwékon! Í꞉i ne shonkwetahshon꞉a; tó꞉sa takwahtewénhtet.’”

Lamentations 5:20

Hon nihiotiéren tsi ehnikaríwes hetʼtiskwatʼkáwen? Shékon ontèken enseskwehiáraʼne?

Ezekiel 20:14

Ók iáh kíʼ eh tewahtiéren, sóhtsi enkatatʼtsennáksate tsi nihatinahkeréhnion nonhkweshón꞉a né hióntʼken tsi wakhehiasárine Nisraeró꞉nonhs tsi takhehiatínekenwe ne Egypt.

Ezekiel 20:9

Ók iáh kíʼ étho tewahtiéren, tsi nátiere né꞉ne ahontákene natkwénienste naksénhna, asèken rahotihénton ne skátʼne ratináhkerekwe nonhkweshón꞉ʼa tsi kherihowahnahténhni ne Israerʼró꞉nons tsi enkhehiasárihne tsi entekhehiatínekenhwe ne Egypt.

Malachi 1:2

Konnonronhkwá꞉ʼon, rá꞉ton ne Roiá꞉ner. Ók ní꞉se sá꞉ton, “Oh ní꞉ioht tsi takenoronhkhwá꞉ʼon?” Iáh kenh ne Esau Jacob tehiatateʼkén꞉ʼa? rá꞉ton ne Roiá꞉ner. Ne kiʼk shá꞉ka rinoronhkhwá꞉ʼon ne Jacob

Matthew 11:26

Eh niiot, O Rakeni, nehkitsi eh nitisanikonriiohon.

John 15:16

Iah ȣahi ise teskȣaiatarakȣen, ii tanon ȣahi kȣaiatarakȣen, kȣanaktaseronnienni oni, naontonseke akȣekon naonteseȣete, nok aeseȣateiaronhase, tiotkon oni eh naiotonhatie, neh oni ne tsi ok nahoten atsiseȣariȣanontonse ne Rakeniha ii aksennakon, entetsitsion.

Romans 11:1

Keriwanóntons, káti; wahsakokénron kén ne Rawenni꞉io rahonkwetaʼsónha? Oriwihiohónwe tsi iáh! Kwáh ó꞉ni í꞉i ne Israerʼró꞉non natsiatóten, Abraham non nihtewakatʼwatsirínon, tiátare ne Benjamin kentiókwa.

Romans 11:29

Asèken ne Rawenni꞉io iáh nènʼne thateshoteriwateniénʼnis ónhka akénhake nen sakoiataráko tánon nasakoiatatériste.

1 Corinthians 4:7

Ónhka ietsihionniénni ne sénha ahontesewátʼtehke tsi ní꞉ioht nahkorénshon? Iáh kén Rawenni꞉io tetʼhiáwi tsi nahoténshon sháh꞉ien? Ánion, káti, onhʼní꞉ioht tsi askwéni tahshahtaterénsaron, tsi shí꞉ken ní꞉ioht nahóten sáien ne iáh taiesháh꞉wi?

Ephesians 1:12

Ánionʼkiʼ, tsi í꞉i tionkwatserénton tetsitewethákwen ne Kerístos, tethewatenonweráton ne Rawenni꞉io rahohiathanerakwátsera.

Ephesians 1:6

Ánion theʼtsitewanonweráton ne Rawení꞉io tsi nihionerákwat ne rahoténrat, tsi kwáh iáh thènen tehiokaráien tsi nithesonkwáʼwi ne roiénha!

Deuteronomy 14:2

Roiá꞉ner sewaNí꞉io ní꞉se rahonkweʼtashón꞉as; raónha tsi sewahiatarákwen ní꞉se rahonkweʼtashón꞉as ahisewá꞉ton né꞉ne tsi nihiá꞉kon nonhontsà꞉ke ienákere.

Deuteronomy 31:17

Nó꞉nen ne nenhiá꞉wenhne, kwáh ki enkhenákwase; kwáh enkhehiatewenhthéte, tánon kwáh enhonwatinonhwarià꞉kon. Wé꞉so ioriwákes ne kariwaieshá꞉tsheras enhotí꞉rahne, tánon nó꞉nen enhónhthoke kí꞉ken tsi nihotihiathawénhserons ne tiorì꞉wa Ní꞉i ne Raotiní꞉io, tsi iáh ó꞉nen tetiakwakwé꞉kon.

Deuteronomy 31:6

Kwáh iasewanikonhrakónhtat tánon sewaʼnikonhranirón꞉hak. Tó꞉sa ietshitshà꞉nisek. Ne sewaNí꞉io, ne Roiá꞉ner rahonhatsí꞉wa, ensewakwekónhake. Iáh thatsisewaʼnikonráhthe iáh ó꞉ni thatsisewatiaʼthonthakwáse.”

Deuteronomy 31:8

Ne Roiá꞉ner rahonhatsí꞉wa enhiahéntenhse tánon entiateróhsen. Iáh tathahiaʼnikonriákten iáh ó꞉ni tahiatehwenhthéte, iáh thashaʼnikonhrókten iáh ó꞉ni taeshateronhní꞉sehke.”

Deuteronomy 7:6

Tó꞉ki naʼsewáhier ne tsi Roiá꞉ner sewaNí꞉io ní꞉se rahonkweʼtashón꞉as. Tsi nihiakotióhkwa nonhkweshón꞉as ne tsi ionwenhtsá꞉te í꞉se watsisewahiatará꞉ko ne kwáh ahionkweʼthatokénhake raonkwè꞉ta ahisewá꞉ton.

Deuteronomy 9:5

Iáh ne tetiorí꞉wa tsi sewaiánere tánon thóh nisewahiéra né꞉tho Roiá꞉ner tsi sewariwá꞉wis nahisewatié꞉nawatste ne rahononhóntsas. Akwáh enshakohiaʼtínekenhwe ne tiorí꞉wa tsi nihonhnonkweʼtahétkens tánon ne tiorí꞉wa tsi ihré꞉re nahatié꞉nawatste tsi nishakorahratstén꞉ni ne sewasoʼtsheraokonhkén꞉en, nʼAbraham, Isaac, tánon ne Jacob.

Philippians 1:6

Rawenni꞉io seh tehtsisewathasawén꞉ni kiʼ kaiohtenserí꞉ios, ó꞉ni kwáh orihwí꞉io wakón꞉ni tsi iáh tahátʼkawe nohénton ne iahontésha ne enwenniseráteke nó꞉nen ne Kerístos Ié꞉sos thètʼtre.

Hebrews 13:5

Tóhsa sewahwistanorónkwak, nók sewaktsennonníhak tsi nahoténson sewáhien. Asèken ráwen ne Ní꞉io, “Iáh nonwénton tiakonhiatewénhtethe; iáh nonwénhton tiakonhiáʼkaweh.”

Joshua 7:9

Ne Canaanites ó꞉ni onhkweʼtakwé꞉kon ne tsi kanakerahserá꞉ien enhatirihwà꞉ronhke. Kwáh tenhionkiwá꞉nake tánon kwáh iakwahkwé꞉kon enhionkinonhwarià꞉kon! Tánon ethò꞉ne onhónenh nenhséhshiere nahontásehne ne sharenhsarónhtsera?”

1 Tiér 2:9

Nók í꞉se ne kentiókwa ne ietʼtsiʼiatarákwen, ne Ronontí꞉io rahotsihénstatsis, ne otiokwatokénti, ne kwáh Rawenni꞉io rahonkwetaʼsónha, kahiatarákwen nahontʼróri ne ionerakwathénion ne Rawenni꞉io rahoweiénnas, ietsisewennónkon tsi tetiókaraskwe tánon thonónwe nonsatsisewátʼkawe ne ioriwanerákwat raoskwatetʼtserákon.