1 Samuel 12:10 - Ohiatonhseratokénti

¹⁰ Eʼthó꞉ne iathonséntʼtho rahonhá꞉ke ne Roiá꞉ner, tánon wahonhní꞉ron, ‘Ionkwarihwanerenhákskon, tsioríhwa tsi entsitewaʼtewenhthéton ne Roiá꞉ner, tánon ne waeʼthiʼió꞉tense ne Baal tánon ne Astartes; ók ó꞉nenh kiʼ saskwaniá꞉kenk ne rontsanákes ne ionkíswens, tánon í꞉se enskwaiótenʼse.’

1 Samuel 12:10 ပူးပေါင်းရင်းမြစ်များ

Psalms 106:44

Nek kík sáka waʼsakóthenhre tsi nihotironhiáken nó꞉nen sahothón꞉tene tsi tehonséntʼthos.

Isaiah 26:16

Ó Saiá꞉ner, aterientakariahtserákon tsi wahesahiatíshaʼke, tahonwéron naʼterenhnaientátshera nó꞉nenh ne sáwenk karehwatátshera sahotíraʼne.

Isaiah 33:22

Asèken né꞉ne Roiá꞉ner nonkwá꞉wenk rarihwéntʼtha í꞉ken, né꞉ne Roiá꞉ner nonkwahkóra í꞉ken, né꞉ne Roiá꞉ner nón꞉kwah nontí꞉io ní꞉ken; kwáh rahónha enshonkwahiatanónsthaʼte.

Joshua 13:31

Thóh í꞉kare nasénhnon ne Gilead, ó꞉ni ne Ashtaroth ó꞉ni ne Edrei, né꞉ne kanathakweʼní꞉io ne kanatowá꞉nens ne Og kanakerahserá꞉kons ne Bashan nón꞉we. Akwé꞉kon kí꞉ken ne thonwanawí꞉hons ne asénhnon rahotiwá꞉tsires tsi nithonatwatsirí꞉non ne Machir ne roiénha ne Manasseh.

Judges 10:10

Ethòne ónenh nʼIsraerʼró꞉nons iathotihénrete rahonháke ne Roiá꞉ner tánon wahonhníron, “Ionhkwarihwáneren tsi nòkwah ní꞉se, asèken kwahtewenhthéton, onhkwahNí꞉io, tánon né wahakwahsénhnaien ne Baal.”

Judges 2:11

Ethòne kíʼ nonhkweshón꞉as Nisraerró꞉nonhke wahatiriwánerake tsi nòkwah ne Roiá꞉ner tánon tahontháshaʼwenh nakonwahiótenhse ne Baals.

Judges 2:13

Wahóntkaʼwe tsi ronhwasénhnaiens ne Roiá꞉ner tánon né sakonwahiótenhse ne Baals ó꞉ni ne Astartes.

Judges 3:15

Ethòne ónenh nʼIsraerʼró꞉nons hiathonsénhto rahonháke ne Roiá꞉ner, tánon ónhkak tahonténiethe nasakohiathotaríhsi. Né꞉ne kén í꞉ken ne Ehud, né꞉ne sanekwáhti rátstha nenhahiáton, né roʼníha né꞉ne Gera, né꞉ne tsi ratitsiókwahien ne Benjamin nónhwe nihahiátare. Nonhkweshón꞉as Nisraerró꞉nonhke Ehud iahonwaténieʼthe ne tsi ténhteron ne Ronhnonhtí꞉io Eglon ne Moab nónhwe skátke nathatawítshera nahonthaháwen.

Judges 3:7

Nonhkweshón꞉as Nisraerró꞉nonhke wahonwahiathanikónhren ne Roiá꞉ner Rahotiní꞉io; wahatirihwánerake tsi nòkwah ne rahónha tánon wakonhwatisénhnaien nahohiatonhnisónhas ne Baal ó꞉ni ne Asherah.

Judges 3:9

Ethòne ónen nʼIsraerʼró꞉nons iathonsénhto rahonháke ne Roiá꞉ner, tánon ónhkak tahoténiethe nahonshasakohiathotharísi. Né kí꞉ken ne Othniel, né roʼníha né꞉ne Caleb kén nieráha roʼkénha Kenaz.

Judges 4:3

Né Jabin tióhton tewenhniáwe nikasehré꞉thakes roserethaiénthakwe otsón꞉kwa né꞉ne karísthatsi kasehrethonhniáton, tánon kwáh íken tsi kaniakatstensehrákon tánon wateshakothonhnakárhiaʼthe tsi washakotkórasthe Israerʼró꞉nons né꞉ne tewáhsen niʼiosehráke nikarihwésonsʼne. Ethòne nonhkweshón꞉as Nisraerró꞉nonke rahonháke ne Roiá꞉ner iathonsénhtho.

Judges 6:7

Ethòne Nisraerʼró꞉nons iathonhséntʼtho rahonháke ne Roiá꞉ner nashakoiénawaʼse tsi nòkwah ne Midianró꞉nons,

1 Samuel 7:2

Neʼthóh tewenniseráteʼkwe nètho oneró꞉kwa shiaʼhatí꞉ien ne Kiriath-jearim, ó꞉nen kaʼríhwes tsi ná꞉he tsiotohétsʼton, kákʼnon ne tewáhsen niʼioseráke tsi ná꞉he tkènhne, tánon tsi nikanonsákes NÍsraerʼronónke saʼionská꞉neke naʼonsahonwásere ne Roiá꞉ner.

1 Samuel 7:6

Káti waʼhonnitiokwaró꞉roke ne Mizpah nón꞉we, tánon iahatiʼnekó꞉tsenʼte tánon tahatiʼneká꞉weron raoʼhén꞉ton ne Roiá꞉ner. Tánon wahonentontié꞉te nétho wenhniserá꞉te, tánon wahonníron, “Ionkwarihwáneren tsi nòkwah ne Roiá꞉ner.” Tánon ne Samuel watehshakoiaʼtó꞉rehte NʼIsraerʼró꞉nons thó nón꞉we Mizpah.