1 Samuel 11:2 - Ohiatonhseratokénti

² Ók ne Nahash wasakawénhase, “Tiorí꞉wa kiʼ tsi nenhiotón꞉hake kwáh entiaʼnerenhserónhni naterihwaseronhniátshera tsi naʼtetewátere, ne enkénhake nètho tenkhekaratáko ratiʼkwé꞉kon ne satiweientetákwen, tánon neh enkaién꞉taʼne natehénsera onkweʼtakwékon NÍsraerʼronónke.”

1 Samuel 11:2 ပူးပေါင်းရင်းမြစ်များ

Genesis 34:14

Wahonwanénhahse ne Shechem tánon ne Hamor, “Iáh thaiakwakwé꞉ni naiakhiríhon ne iakwatenoʼsénha nahotíniake nónhka ne iáh tehonwaʼwahrakwé꞉taron, aseʼkénh kwáh neʼ í꞉ken tsi eniakwatatéhaʼte.

2 Kings 18:31

Tó꞉sa tsi sewathahónsatat ne Hezekiah. Ne rakóra ne Assyria tsi sewaró꞉ris nahontesewaiákenʼne ne kanatowanénhke tánon sewatsakwahríhsi. Tánon enietʼtsiríhon naisewanenhárake ne tsi sewatenenhárare ó꞉ni ne kahiksónhas ne tsi sewatkwirótons, tánon naisewanekíra ne kwáh í꞉se tsi sewatnaweró꞉tons—

Psalms 44:13

Né wastiónhnien ne tehiakwanonsanekʼkhánion nahionkhistériste, tánon thahonkhiʼiéron ne skát꞉ne iákwes.

Exodus 3:6

Í꞉i Naʼkení꞉io ne sesotʼthonkonhkénʼen, né꞉ne Rahotiní꞉io ne Abraham, lsacc, ó꞉ni ne Jacob.” Káti ne Mahís wahatʼkonhsàh꞉sehʼte, tsioríwa tsi wahaʼtsàhniʼke nahó꞉ken ne Rawenni꞉io.

Proverbs 12:10

Tionkweʼtaié꞉ri tehshakotíhshnie raotitshenenʼó꞉kon, nok ne rotirihwanerenʼákskon shakotiiesáhtha nen né꞉ʼe.

Jeremiah 39:7

Ethóhʼne ónenh wahthonwahkharahthaʼkwaniónhko ne Zedekiah tánon wathonwahronhkwahshaʼnerénkʼkhon tsi niaʼhonwahiaténhaʼwe ne Babylonia nón꞉we.

Numbers 16:14

Níse kwáh orihwihiohʼónwe tsi iáh teteskwahiaténha tsi nónhwe ne ionhontsí꞉io akénhake khès nahontaskwáhwiʼke ne kahentashónhas ó꞉ni ne kanenharaientʼthósehrons nahionkwaʼwenhkhónweke, tánon ónenh nónhwa sateniéntʼtha naskwahnikonhráten. Iáh kíʼ tshiahiákwe!”

Judges 16:21

Ne Philistiaró꞉nons wahonwaiéna tánon wathonwakaratháko. Gaza niahonwahiaténhawe, wahonwaronhkwahsanerénkʼkhon né꞉ne tehiotwístaron otsínekwar, tánon wahonwahiótensthe onátsa wahát꞉thete ne tsi ionhthatenonhthónkwah.

1 Samuel 11:10

Káti ne ratiʼnakeréhnion ne Jabesh nón꞉we wahonníron, “Nenʼiórenhnhe kwáh kiʼ ienʼhiakwatiaʼkwarísi shonháke tánon ní꞉se thóh natakwaiéras kwáh tsi nentesehnón꞉wene.”

1 Samuel 12:12

Ók nó꞉nen satsisewá꞉ken ne Ronnontí꞉io Nahash ne ne Ammonró꞉non tsi atsisewahtʼkón꞉ten, waskwenhá꞉se, ‘Iáh, ók ronnontí꞉io enteshonkwaniarotaró꞉ke,’ awerohátien tsi Roiá꞉ner sewaní꞉io raón꞉ha sewanontí꞉io í꞉ken.

1 Samuel 17:26

Ne Táwit wahawénhase ne rón꞉kwe ne raiaták꞉ta rátahkwe, “Ónh nahonwatiérase ne rón꞉kwe nón꞉ka ahononhwarhiákhon kí꞉ken Philistiaró꞉non, tánon éhren ahaháwite natehénsera NÍsraerʼronónke? Asèken ónhka kí꞉ken ne iáh tehotewarahkwétaron Philistiaró꞉non ne ne rahón꞉ʼa asakonenrók꞉thaʼse ne ronwaterí꞉iose ne ronnheʼónwe Ní꞉io?”