1 Samuel 11:13 - Ohiatonhseratokénti

¹³ Ók ne Saul wahén꞉ron, “Iáh ónka tahionthaʼtenonwarhiáʼkhon nón꞉wa wenhniseráte, asèken ón꞉wa wenhniseráte ne Roiá꞉ner taháhaʼwe tsi sasahkonónstaʼte NʼIsraerʼró꞉nons.”

1 Samuel 11:13 ပူးပေါင်းရင်းမြစ်များ

2 Samuel 19:22

Ók ne Táwit wahén꞉ron, “Ónhʼní꞉se nakonhierá꞉se, Í꞉se ne raonekenteronhtserashón꞉ahs ne Zeruiah, nètho ní꞉se tsi kwáh ákte nòkwahti tentisewáthane nakonhá꞉ke? Kwáh kénk ónhkak ahiontatenonwarhiá꞉kkhon ne Israerʼronónke nón꞉wa senhniserá꞉te? Asèken ní꞉i kwáh iáh tewakateriéntare nón꞉wa wenhniserá꞉te tsi í꞉i wakenontí꞉io NIsraerʼronónke?”

2 Samuel 19:23

Ne ronnontí꞉io wahawénhase ne Shimei, “Kwáh ní꞉se iáh thashíheie.” Tánon ne ronnontí꞉io tahá꞉wen ne raoteriwanirátʼtsera.

2 Samuel 23:10

ók iáh kí ne éhren tesawé꞉ton. Ne rahónha wasakononwarhiakhónnion ne Philistiaró꞉nons tsi niió꞉re iathanenhtsakénheie, kíʼ shá꞉ne ne ratshanáke thóh rosará꞉kwakon. Ne Roiá꞉ner tahahá꞉we kowánen atesenhniétshera nètho wenhniserátekwe. Eʼthó꞉ne nonkweʼókons rahonhá꞉ke nionsáien—ók ne khók nahonwatinenskwenhá꞉ton ne roʼnenhéions.

Exodus 14:13

Ne Mahís waʼthariwasehráko, “Tó꞉sa sehwaʼteronhiénten! Sehwaʼnikonhraʼnirónhak, tánon ensewatʼkátho tsi nenháiere ne Roiá꞉ner tsi entsiʼsewaʼnóns꞉thate nónhwa wenhniseráte; kwáh iáh shé꞉kon nonhwénhton tahonsaʼietʼtsíken ne Egyptró꞉nons.

Exodus 14:30

Né wenhniseráhʼtekwe ne Roiá꞉ner waʼsakonónhsʼtaʼte nʼIsraerʼró꞉nons tsi nʼòkwah ne Egyptró꞉nons, tánon káti ne lsraerʼró꞉nons waʼsakotíken tehatiʼhiaʼtótaron roʼienheiónhseron nʼatsaktónʼtie.

Isaiah 59:16

Wahatʼkátho tsi kwáh iáh ónhka, tánon wahorihwaneráko tsi kwáh iáh ónka teiakotsiaʼtóronh; sók kí rahónha raonénhtsa khók tsi wahatesénhnieʼte, tánon né꞉ne iaʼtehahiáti khók raoʼrihwakwahrihshióntshera wahotiénawasʼte.

1 Corinthians 15:10

Ónk né tsi Rawenni꞉io raoténrat thóh nitiatóten tsi kíʼ nitiatóten, tánon ne kenténrat tahkáwi iáh tehioiesháhon. Khèʼkok, sénha wahkakwísron tsi ontióten tsi ní꞉ioht ne rohnáhtiakes ne ratikwekónne, éhʼtho sáne iáh í꞉i thóh tewákʼshon, ónk né꞉ne Rawenni꞉io raoténrat tsi ioiotáties nahkónhahke.

1 Samuel 10:27

Ók ótiakes ne iáh ohthé꞉nen tehatirihwásthas wahonní꞉ron, “Ónh ní꞉iot tsi ahakwéni kí꞉ken rón꞉kwe nashonkwanónstaʼte?” Wahonwaʼkén꞉ron tánon iáh ohthé꞉nen tethonwaʼhawiʼtén꞉ni nahón꞉ion. Ók ne raón꞉ha skénnonk thahataʼtónhni.

1 Samuel 14:45

Eʼthó꞉ne nonkweʼókons wahonwénhase ne Saul, “Ó꞉nenk kén tsi enrénheʼie ne Jonathan, ne tsi raón꞉ha roriwakanonhní꞉hon kí꞉ken kowánen atesheniétshera NÍsraerʼronónke? Ahínon ít꞉ken! Ne tsi nironnheʼón꞉we ne Roiá꞉ner, iáh ne skanonkwísera ne ranontsíne tsiakaién꞉taʼne nonwenhtsá꞉ke; asèken ne raónha tsi nahoióten nón꞉wa wenhniseráte Ní꞉io seh wahoiénawaʼse.” Káti nonkweʼókons thonsahonwatentsaháhten tsi rónnhe ne Jonathan, tsi iáh tharénheʼie.

1 Samuel 19:5

asèken thóh wahathatonhnáren ratsanáhke nó꞉nen shiaʼhotiatónhti ne Philistiaró꞉non, tánon ne Roiá꞉ner tahá꞉hawe kowánen atesenhniétshera nakwé꞉kon akorihwáke NʼIsraerʼronónke. Ní꞉se satʼkáton, tánon satonhnaráhon; onhnontiéren ká꞉ti tsi asherihwánerake tsi nòkwah ne iáh tehoníkon rón꞉kwe ne tsi atieʼnonhwarhiákon Táwit ne kwáh iáh othènon teiorihonhníhon?”