1 Samuel 11:11 - Ohiatonhseratokénti

¹¹ Thóh siʼiokaratsiérate ne Saul nonkweʼókons áhsen naʼtesakonenrhakhási. Tánon tsi iahó꞉rhenne iaʼsakotinenhrhénten tsi thóh nathaʼtoserótons tánon washaʼkotinonwarhiakhónnion ne Ammonró꞉nons kwáh tsi ní꞉iore nénhtie iahón꞉ton; tánon tsi niʼiákon ne iatiaʼkotátere waʼtionhréhni, káti kwáh iáh ónka ne teionkwé꞉take ahonsakénhaʼke.

1 Samuel 11:11 ပူးပေါင်းရင်းမြစ်များ

Genesis 22:14

Káti NʼAbraham neh nón꞉we niwatenà꞉taien ne wahaná꞉tonhkwe, “Roiá꞉ner enthahtkaʼwe.” Tánon shé꞉kon nón꞉wa niwenhniseraténion nonkwehshón꞉ʼa ne ión꞉ton, “Tsi rotenontáhere ne Roiá꞉ner non nithahtká꞉was.”

2 Samuel 18:2

Tánon ne Táwit wateshakokʼkhashión꞉ko ne ronhterí꞉ios áhsen nahanitsiokónhni ⅓ ne ne entesakoniarohtaró꞉ke ne Joab, ⅓ ne ne entesakoniarotaró꞉ke me Abishai ne roní꞉ha ne ne Zeruiah, ne ne Joab iatatekénʼa, tánon ⅓ ne ne entesakoniarotaró꞉ke ne Ittai ne ne Gitró꞉non. Ne ronnontí꞉io wasakawénhase ne ronnónkwe, “Kwáh ó꞉ni í꞉i ientiákenhne nahí꞉tewe ní꞉se.”

Psalms 46:1

Rawenni꞉io seh nonkwaʼnhétshera tánon onhkwasháststenhse í꞉ken, tiotkonhónwe rotateweienhnentáhon nahatsniénon nónen thènen tekanikónhrahre.

Exodus 14:24

Kwáh onenhtó꞉wa sahiórenhne ne Roiá꞉ner tsi iotsiro꞉te ó꞉ni tsi iotsikero꞉te ehtàke wásakoken ne Egyptró꞉nons ronhterí꞉ios tánon watesakahonhʼnhaʼríkhon.

Matthew 7:2

Aseken, ok eh nentsiesaierase tsinensheierase; oni tsi ontsiehsatenienthase nensheiatenienthase

Ne꞉ne Sák Rohiaton 2:13

Asèken ne Rawenni꞉io iáh taréneste nataniténron nónen tensakoiatórete nónkwe ne iáh teiakoienʼnataniténron; nók ataniténron iosénnies ne kaiatoretátsera.

Judges 1:7

Ne Adonibezek wahénron, “Iehioteratsʼton tsáta niwáhsenh niháti ró꞉tinonhtiios khetsiwehionkariá꞉kon ó꞉ni ne ronhhiakwirowánen, nes rónhneks nakatekhwaʼratieróhkon tehiótharons. Ónenh kíʼ ne Rawenni꞉io thóh nonhsahatiéraʼse tsi kíʼ nikheiérashe ne ronónha.” Jerusalem niahonwahiaténhaʼwe, thóh nónhwe iarénheʼie.

Judges 4:16

Ne Barak washakósehre kíʼ notsón꞉kwas tánon ne ronhterí꞉ios tsi nióre ne Harosheth-Né꞉ne-Iáh-Tehatiʼshíʼtaeró꞉nons, tánon ratikwékon kíʼ ne Sisera rahonkwetashón꞉as ronterí꞉ios wahonwatinonhwariákon. Iáh ne tsonkwéta tiatesohthaténron.

Judges 7:16

Wateshakokháshion ne áhsenh tewenhniáwe niháti áhsen nikenhtsókwahke wasakotiokónhnien tánon satihiatátʼtsons tasakáwenh ne iehonrawatsthákwah tánon skatʼtshéta ne watheienatekháʼtha thóh í꞉wa.

Judges 7:20

tánon nóia tehotitsókwahkes thóh nònhne nahatí꞉iere. Rathikwékon rathihawánion né sathinekwáhti nahontsanátis ne wateienatsahátha, ne iehonrawatsʼthákwah shatiweienhthethákwen nènhne nokwáhti rathihawánionhkwe, tánon tehotihenrenhta, “Né nasarekówa ne Roiá꞉ner rahorihwáke tánon ne Gideon!”

Judges 9:43

káti iashakohiaténhawe ne rahonkwetaʼshón꞉as, áhsen naʼteshakonitsokwí꞉hiake, tánon kahentákes wahonthasehthánion, wahonteráraʼthe. Nó꞉nen shasakothí꞉ken nonhkweshón꞉as tahathihiákenhne ne kanatowanénhke, wahathohthási nashakononhwariakónhnion.

1 Samuel 11:2

Ók ne Nahash wasakawénhase, “Tiorí꞉wa kiʼ tsi nenhiotón꞉hake kwáh entiaʼnerenhserónhni naterihwaseronhniátshera tsi naʼtetewátere, ne enkénhake nètho tenkhekaratáko ratiʼkwé꞉kon ne satiweientetákwen, tánon neh enkaién꞉taʼne natehénsera onkweʼtakwékon NÍsraerʼronónke.”

1 Samuel 14:47

Nó꞉nen ne Saul sahonontí꞉ione NIsraerʼronónke, wahonteriʼióhaton ratikwé꞉kon ne ronwáshons kwáh tatkaiénh꞉thakwe—tsi washakokʼkónten ne Moab, ó꞉ni ne Ammonró꞉nons, ó꞉ni ne Edom, ó꞉ni ne rotinontí꞉ios ne Zobah, ó꞉ni ne Philistines; tsi nón꞉we nienhatiérate tsi washakósere.