1 Samuel 10:4 - Ohiatonhseratokénti

⁴ Ne roʼnónha kwáh tenhieʼsanónhweron tánon entiéshon tekanátarake, ní꞉se kwáh kiʼ enshié꞉na.

1 Samuel 10:4 ပူးပေါင်းရင်းမြစ်များ

Judges 18:15

Káti Micah tsi ronhnónhsohthe iahontáwehiathe, tsi nónhwe thénhteron ne kenʼnithohiónha Leviró꞉non, tánon wahonwarihwanónhtonhse onhnihiothonhátie.

1 Samuel 10:3

Eʼthóhʼne ní꞉se kwáh èhʼthoh ienʼseshaténhti kwáh kén niió꞉re nienhénse tánon iénsewe tsi tsorónhtote ne kahrí꞉ton ne Tabor nón꞉we; áhsen niháti roʼnónhkwe Ní꞉io wahonwahsénhnaienʼne ne ne Bethel nón꞉we kwáh thóh nón꞉we iatenhsewatát꞉ken, saiá꞉ta áhsen niháti kaiatákeras owí꞉ra sakoiatenháwi, nó꞉ia ne ne rahawíhne áhsen nikanatarákes, tánon nó꞉ia ne ne rahawíhne ne otsítsa watʼnekarákwah ne ne kané꞉honk iotsatawíton.

1 Samuel 10:5

Eʼthóhʼne ó꞉nen ní꞉se kwáh thóh iénseʼwe ne Gibeath-elohim, èhʼthoh nón꞉we ne Philistines raoʼtitió꞉kwa ronterí꞉ios nihatíteron; èhʼthoh nón꞉we, tsi iesehnatáraʼne, ní꞉se tensewatátʼken skentió꞉kwah rotiʼtókense tahonahnontasnenhtonhátie tsi tionʼterenhnaientákwa ratihawinóntie oʼnhowaʼkó꞉wa, niwá꞉a ienakwahékʼta, ohoró꞉ta ionterennoʼtákwa, tánon ne oieri nikarenhsotarókʼkon ionterenhnoʼtákwa raoʼtihén꞉ton ronaterénhnoʼte; kwáh èhʼtho nenhotiʼiátawen tsík tshieiawé꞉nhon tsi iehatiriwaʼkénseron.

1 Samuel 16:20

Ne Jesse iahénhnonke tewahón꞉tes ne wahatreniakéthate kanatá꞉ro, tánon ne kanéhonk watʼnekarákwa otsí꞉tsa, ó꞉ni kaiatáhkeras owí꞉ra, tánon ne iashakohiaténhawe ne roién꞉a Táwit tsitʼthénteron ne Saul.