1 Samuel 10:22 - Ohiatonhseratokénti

²² Sók kiʼ á꞉re shé꞉kon sahonwariwaʼnóntonhse ne Roiá꞉ner, “Nètho rón꞉kwe kénʼen kénh nithaʼwénon?” Tánon ne Roiá꞉ner wahén꞉ron, “Sewatʼkátho, iehotatiataséh꞉ton tsi nón꞉we nihionthaʼkweniaientákwa ne ionteriʼiosthákwas.”

1 Samuel 10:22 ပူးပေါင်းရင်းမြစ်များ

Genesis 25:22

Tehníkhen iowiraientá꞉sere, tánon nohén꞉ton nahnennákerate, iaʼthiatatrékhon ne kaià꞉takon. Waʼkén꞉ron, “Nontié꞉ren tsi knahó꞉tenʼk kí tho ní꞉ioht tsi naontià꞉tawen?” Sók kíʼ Roiá꞉ner nonkwá niaháhe naiotó꞉kenhse.

2 Samuel 2:1

Shontóhetste kí꞉ken ne Táwit wahoriwanóntonhse ne Roiá꞉ner, “Kwáh kén iá꞉ke kaknikáiens ne kanatowánens ne Judah?” Ne Roiá꞉ner wahá꞉wenhase, “Wáhs thóh iaʼháse.” Ne Táwit wahén꞉ron, “Kaʼónte niʼkáien ne kanatowánens nón꞉we niá꞉ke?” Wahén꞉ron, “Hebron nón꞉we niaháse.”

2 Samuel 21:1

Nón꞉wa neh nón꞉we wahontonhkárhiake tsi nihotenhniseraténionkwe ne Táwit ne náhsen niʼioseráke nikarí꞉weskwe, kwáh iateioseráke; ó꞉ni ne Táwit tsi enhoriwanónhtonhse ne Roiá꞉ner. Ne Roiá꞉ner enhénron, “Kwáh ronekwensarónhnion ne Saul tsi nihoníkon ó꞉ni ne raowátsire, tsioríwa tsi sakononwarhiakhónhnion ne Gibeonró꞉nons.”

Numbers 27:21

Né enhoniahesénhake ne Eleazar ne ratsihénstatsi, rahón꞉ʼa enhorihónhnien tsi niwakenikonhró꞉ten ne énratsʼte ne ionsthaʼsónhas né Urim tánon ne Thummim. Thóh kíʼ ní꞉ioht ne Eleazar tsi enhohéntenhse ne Joshua tánon nonhkwetaʼkwékon ne Israerʼronónke ne orihwakwékon ne rahotirihwasónhas.”

Luke 14:11

Aseken ehtake niienhentsien ne iontharatasts, nok enhiontharatate ne iontatkenronni.

Judges 1:1

Sarénheie ne Joshua nonhkweshón꞉as Nisraerʼró꞉nonke wahonwarihwanónh꞉tonhse ne Roiá꞉ner, “Kanikáien ne tsi nihionkwenhtsówa entiakwahtiérenhte ne iahiakhihiatsatónhti ne Canaanró꞉nons?”

Judges 20:18

NʼIsraerʼró꞉nons tsi tsonhterenhnaienthákwah niahónhne né꞉ne Bethel nónhwe, tánon thóh nónhwe nahonwariwanónhtonse ne Rawenni꞉io, “Onhnaʼkentsiokóten enthontsérenhte niahonwanatsathónhti ne Benjaminró꞉nons?” Ne Roiá꞉ner watharihwasehráko, “Né꞉ne Judah rahothitsiókwah.”

1 Samuel 10:21

Eʼthóhʼne ne Samuel wahariwásere ne raoʼtiwátsires ó꞉ni ne raoʼtarashón꞉ʼahs ne Matrites ákta nahontahónhne tánon ne ne raoʼtitá꞉ras ne Matrites wahonwatiʼiataráko, tánon Saul ne wahonwaiaʼtaráko ne roní꞉ha ne ne Kish. Ók nó꞉nen sahonwahiatisákʼke iáh tehiotón꞉ʼon nahonwahiaʼtatʼtsénrion.

1 Samuel 14:37

Káti ne Saul wahoriwanóntonʼse Ní꞉io, “Iahiakiʼiaʼtsatónhti kén ne Philistines? Kwáh onhtèken iensehiátʼkawe thóh ronhtshanákes NʼIsraerʼró꞉nons?” Ók ne Ní꞉io iáh kiʼ tatehoriwaserákwenhni nètho siwenhniserátekwe.

1 Samuel 15:17

Samuel wahén꞉ron, “Thohʼsáne kénk ní꞉sa tsi nateskánereh, kwáh kén í꞉se ohén꞉ton iésheʼte ne raotiʼtsiokwáhkon ne Israeronónhke? Ne ne Roiá꞉ner í꞉se iahiatarákwen nahisanontí꞉ioke Israeronónke.

1 Samuel 22:10

ne Ahimelech wahoriwanóntonhse ne Roiá꞉ner ne Táwit raorihwáke, wahokwáhnonte, tánon tahá꞉wenh ne raosarekówah ne Goliath ne Philistiaró꞉non.”

1 Samuel 23:9

Nó꞉nenh ne Táwit saharihwáronhke nètho Saul tsi roteristahientáhtsies ne karihwahetkénhsera tsi nó꞉kwah ne raón꞉ha, wahawénhase ne ratsihénstatsi Abiathar, “Tasáf tí꞉ken ateniʼiónta kénʼen.”

1 Samuel 30:7

Ne Táwit wahawénhase ne ratsihénstatsi Abiathar ne ne roién꞉ha ne Ahimelech, “Táskon thí꞉ken ionthenkweʼnorók꞉ta.” Káti ne Abiathar tahá꞉hawe ne ionthenskweʼnoróktha tahá꞉wen ne Táwit.

1 Samuel 30:8

Ne Táwit wahorihwaʼnóntonhse ne Roiá꞉ner, “Kwáh kén akhésehre kí꞉ken ratinenhrakárias? Kwáh kén iakhenontérane tánon kwáh kén oriwihiohónwe tsi ahonsakheniá꞉kente.”

1 Samuel 9:21

Ne Saul tsi wathariwaserá꞉ko, “Ní꞉i kwáh nek khók tsi Benjaminró꞉non na tiathó꞉ten, ne ne kwáh ken nithotitiokwá꞉ʼa NÍsraerʼronónke, tánon natwátsire ne ne kwáh ehʼtàke rontatónhnis akweʼtsiniʼkawatsirákes ne tsi rotiʼtiókwaiens ne Benjaminró꞉nons. Ón꞉kati nihioʼtiéren tsi èhʼthoh ní꞉iot tsi waʼsekthárhaʼse?”