1 Samuel 10:1 - Ohiatonhseratokénti

¹ Samuel wahtatʼtshétaʼkwe ne wateienará꞉kwa tánon ranontsíne ne Saul tareienáweron, tánon watonoronkwánion; wahén꞉ron, “Ne Roiá꞉ner wahiaʼiataráko nashehéntenhse raonkwetaʼshón꞉ʼahs Israerʼró꞉nons. Í꞉se kwáh ensheʼiateriwatsʼterístase ne raonkwetaʼshón꞉áhs ne Roiá꞉ner tánon í꞉se kwáh enshenónsthate tsi nòkwah ne rontsanákes ne ronwatíswenhs natʼtatsesónhas ratinakeréhnion. Nón꞉wa neh kí꞉ken nenhshenréstaʼkwe nètho Roiá꞉ner tsi í꞉se iahíaʼtarákwen nasheʼiateriwatsʼterístaʼse ne raonkwetaʼshón꞉ʼahs Israerʼró꞉non. Í꞉se kwáh iahiaʼtaráhkwen—nasheʼiateriwatsʼterístaʼse neh kwáh raón꞉ha rahonkwetaʼshón꞉ʼahs:

1 Samuel 10:1 ပူးပေါင်းရင်းမြစ်များ

2 Samuel 1:14

Ne Táwit wahawénhase, “Ní꞉se iáh kén tesáteronskwe naʼontahsatshanakaráthaʼte natsiá꞉tonte ne Roiá꞉ner roiatahrá꞉kwen?”

2 Samuel 19:39

Eʼthó꞉ne kíʼ ó꞉nenh kwáh kanenhrakwékon wathatiniatarí꞉iake ne Jordan, ó꞉ni ne ronnontí꞉io wathaiáhiake; ne ronnontí꞉io wathonoronhkwánion ne Barzillai tánon wahoiatatériste, tánon thóh nionsáre tsi thonónshoʼte.

2 Samuel 20:19

Í꞉i ne énska ne sakʼthíken tánon wakerihwatóken ne Israerʼronónke; ní꞉se í꞉sehre nashenatént꞉tho ne kanatowanénhke ne ne konwanisténha í꞉ken Israerʼronónke; nontsiéren ní꞉se tsi asheriwèntho ne raowenhkhónwe ne Roiá꞉ner?”

2 Samuel 5:2

Asèken kwáhʼthóh tsi nikarí꞉weskwe, tsi náhe ne Saul shonkwanontí꞉iokwe, kwáh í꞉se tethesehiatinekénʼen Israerʼró꞉nons tánon thontasehiaténhawe. Ne Roiá꞉ner ièn꞉ni ónhka nenhsakotenhnikón꞉rahren nakonkweʼtashón꞉ahs Israerʼró꞉nons, í꞉se ne kwáh ensatkóraste NÍsraerʼronónke.”

1 Kings 1:34

tsi nónhwe ne Zadok tánon ne Nathan enthonwarihwaníratʼtse tsi ronhnonhtí꞉io íken Nisraerʼró꞉nonhke. Ethòne ónenh sewahonráwat tánon tesehwahénret, ‘Karíhwes rònnhet ne Ronhnonhtí꞉io Solomon!’

1 Kings 19:18

Kwáh kíʼ ó꞉ni tsáta tewenhniawehetserásen nihionkwétakes iathenhwákenre nahiakónhnheke Nisraerʼró꞉nonke—né꞉ne tsi nikáien né rotirihwató꞉ken nakonháke tánon iáh thaʼtekonwathentʼtsotháni ne Baal khés ne tahotinonronhkwáhnionke ne rahohiatónhni.”

2 Kings 20:5

thóh iesréh tsi thénteron ne Hezekiah, ne shakokhóra ne Roiá꞉ner rahonkweʼtashón꞉as, tánon nahawénhaʼse, “Í꞉i ne Watiá꞉ner, ne Rí꞉ní꞉io ne iashotʼkénʼen Táwit, onhkatʼthónteʼne ne saterénhnaient tánon wahkatʼkátho ne saká꞉sehris. Kwáh kíʼ enskóntienhte, tánon nasénhaton nienhwenhniseraʼkéhaton kwáh Ononsatokentiʼkówaʼne nienhénse.

2 Kings 9:1

Ethòne ne rotó꞉kense Elisha iahó꞉nonke kentithoiónha rotó꞉kense tánon wahawénhase, “Sathateweienéntan tánon Ramoth Gilead nón꞉we niaháse. Iahá꞉saf kí꞉ken kát꞉tse ne iakeniewátha kénʼie í꞉kare,

2 Kings 9:12

“Iáh teʼionkwahteriéntare!” tsi wathatirihwaseráko. “Thakwahróri tsi nahó꞉ten wahén꞉ron!” “Waʼhakróri ne thóh Roiá꞉ner rá꞉ton: ‘Wakonienókawe naisanontí꞉ioke Nisraeʼró꞉nonke.’”

Psalms 135:4

Asèken ne Roiá꞉ner Jacob rohtonkwetarákwen, ne Israerʼró꞉nons kwáh rahónha rahonkwetaʼshón꞉has í꞉ken.

Psalms 2:12

Tsisewawénhnarak ne Rawenni꞉io roiénha, tó꞉ka iáh kwáh enhianákwahse tanon ne tsi sathahítake atkaronhniátshera ne í꞉ken asèken ne raonakwáhtshera kwáh thenwatʼtsiró꞉ko. Iakotaskáts tsi nihiákon rahonháke nón꞉we nihiontekwáhsens.

Psalms 78:71

tsi nón꞉we nisakonikonhrá꞉rakwe ne ionatewíraien teiotinakaronhtónhas iahó꞉nonhke né nasakonikonhraratiésehkes ne rahonkwetaʼshón꞉a Jacob, né Israerʼró꞉nons asakonikonhraratiésehke.

Exodus 30:23

“Iahá꞉saf né kwáh wenhienakonhónson—12 iawénhre nikakonhtseráke ne watneʼkonhniáton myrrh, 6 nikakonhtseráke ne wenhseráhkon cinnamon, 6 nikakonhtseráke ne wenhserákons cane,

Jeremiah 10:16

Ne Jacob Raoní꞉io kwáh iáh thènen thateskahieróntare; rahónha séh norihwaʼkwékon rohshahánion, tánon Israel washaʼkohiataráko ne kwáh rahónha rahonkwetaʼshón꞉a ahónton. Né ne Roiá꞉ner Roshastsʼtenserowánen ne raosénna.

Ezekiel 16:13

Ne Sharasʼsesthánion ne owistanóronhs ó꞉ni kawistaráhkens, tánon tiókonhte ne satʼtieronhniáthon ne tewahserihiétaron ne wáhniatarí꞉io ó꞉ni ne kàneks. Ne senahthá꞉rats ne kwáh katʼthesehrí꞉io ionhniáthon, tánon sáhien notsinahkonhthákwahne raothitsikhéta ó꞉ni ne iakeniewáhtha kénhie násehke. Tsi nisatʼkatotsherí꞉io tánon weshanonhtí꞉iohne.

Hosea 13:2

Tánon nón꞉wa iehotikontákwen rotirihwanerenháties tánon ronónha ronhthatsatonhniseronhnién꞉nis, né꞉ne kahiatonhnishón꞉as ne kawistará꞉kens ne tsioianénhas tsinihotinikonraiéntas, akwé꞉kon né꞉ne rawistón꞉ni rasahánions. “Ronónha ietsiiateskóntʼtas,” enhonhní꞉ron. Nonkweshón꞉as tionhnónskwahron owí꞉ra kahiatonhnishón꞉as tekonwatinoronhkwahnióntons!

Acts 13:21

Tánon nʼónen sahathiriwanónton ne Kanontiʼiótsera, ne Rawenni꞉io Saul wasakahonkwéton nehne Kish roiénha tánon nehne Benjamin raotiʼtiókwakon non nitawénon, nehne raónha asakonontí꞉ioʼke ne kaiéri niwásen niʼioseráke.

Deuteronomy 32:9

ók ki ne Jacob tsi nitotwatsirí꞉non raónha nénhne wahathonkweʼtará꞉ko.

1 Thessalonians 5:26

Teietʼtsihiaróton ratikwékon ne thoʼnetákwen ne teietʼtsinoronkwáhniont ne skénʼnon.

Hebrews 2:10

Ne khók tkariwahiériʼkwe ne Rawenni꞉io, tsi nikáien rashahánions ó꞉ni orihwakwékon rahnónstats, ne aoríhwah ne Ié꞉sos rotesénnion tsi nòkwah ne raoronhiakénsera ehnahontáwe rohnatiokowáhnen ahontasakotiʼiaténhawe ne ieksaokónhas nahontiátaren ne raoiatanerakwahtsherákon. Asèken ne Ié꞉sos rahónha iensakosárine tsi nòkwah ne kaiatakenáhtshera.

Revelation 5:8

Ne nó꞉nen shiháhawe ne kahorohthakwenón꞉ni, ne kaié꞉ri nihá꞉ti ne ronón꞉nhe kárhios tánon ne tewáhsen nihá꞉ti ratirehtsá꞉rons wahatiiataién꞉taʼne raohénton ne teiotinaʼkaronhtón꞉ʼa, satiiatátions ratí꞉hawe ne onhowakó꞉wa tánon nowistanó꞉rons aké꞉ra titkáhereh wenhnekerá꞉kon, né꞉ne raonaterén꞉naient ne rotiiatatokéntis.

1 Samuel 12:3

Kénʼen í꞉kes; serihwanírat naskatʼkónten raoʼhén꞉ton ne Roiá꞉ner tánon raoʼhén꞉ton ne roʼiatarákwen. Ónhka raoʼtshé꞉nen ne teonákares tionhnhónskwaron iehiʼiaténha? Khéhs ónka raoʼtshénen tehahóntes iehiʼiaténha? Khéhs ónhka ahinikonraténhni? Ónhka ahironhiakénton? Khéhs ónhka ratsanáke nón꞉we nahontónkʼkha tsi tahionkhetsiketároʼse ne ne tsiaʼtahonkateronwékon? Seriwaní꞉rat naskatʼkónten tánon kwáh kiʼténtʼtion tsi nahó꞉ten ne iahónkʼkhake.”

1 Samuel 13:14

ók ó꞉nenh ne sanontiʼiótshéra kwáh iáh tsahontasón꞉terake; ne Roiá꞉ner roiatatʼtsénhrion ne rónkwe kwáh tsi niʼionkwetó꞉ken tehotonhontsó꞉ni; tánon ne Roiá꞉ner roiatarákwen nasakokʼkó꞉raste ne raonkwetashón꞉ʼahs, tsioríhwa ní꞉se tsi iáh tesatienawáston tsi nahó꞉ten ne Roiá꞉ner ianhá꞉onkwe.”

1 Samuel 15:1

Samuel wahawenhá꞉se ne Saul, “Ne Roiá꞉ner tahakaténiete nakoniená꞉ro naiesaʼnontí꞉ioste ne raonkweʼtashón꞉ʼahs Israerʼronónke; ó꞉nen ká꞉ti satahónsatat ne raowennaókons ne Roiá꞉ner.

1 Samuel 15:17

Samuel wahén꞉ron, “Thohʼsáne kénk ní꞉sa tsi nateskánereh, kwáh kén í꞉se ohén꞉ton iésheʼte ne raotiʼtsiokwáhkon ne Israeronónhke? Ne ne Roiá꞉ner í꞉se iahiatarákwen nahisanontí꞉ioke Israeronónke.

1 Samuel 16:1

Ne Roiá꞉ner wahawénhase ne Samuel, “Tohá꞉kwa nikarí꞉wes tsi entsationniónhkwen ne Saul? Ní꞉i rikenronníhon nahonontí꞉ioke ne NIsraerʼronónhke. Ne í꞉senanh ne katshénen aonakarakénʼen ne iakenʼiewá꞉tha kénhie tánon tho iahá꞉se, Ní꞉i kwáh ienkoniaténieʼte tsi thénhteron ne Jesse ne ne Bethlehemró꞉non, asèken ní꞉i neh wakathaterakwénhni ne iatetsiá꞉ti ne ahotinontí꞉ioke ne sakohiohokónʼahs.”

1 Samuel 16:13

Eʼthó꞉ne ne Samuel iahát꞉rakwe ne onákare ne wenhienáre, tánon waawehienáro raotihén꞉ton ne sakotsiʼokónʼahs; tánon ne raonikonratokénti ne Roiá꞉ner ónwe tehiotenonhianitonhá꞉tie tsi wahorahne ne Táwit nètho siwenhniserátekwe iahontásawen. Ne Samuel eʼthóhʼne ionsahaténti tánon thóh nón꞉we niahá꞉re Ramah.

1 Samuel 2:10

Ne Roiá꞉ner ronwáswenhs kwáh kiʼ enhionthatá꞉tonhte; ne kwáh éhʼneken thót꞉te kwáh entʼtáwere thóh karonhiáke. Ne Roiá꞉ner kwáh enharíwente tsehionhontsakwé꞉kon; raón꞉ha enhoshaststénseron ne raonnontí꞉io, tánon enhoshastsʼtenserowaʼnénhake ne rohiatarákwen.”

1 Samuel 24:6

Ne raónha wasakawénhase ne raonkwetaʼshón꞉ʼahs, “Ne Roiá꞉ner roriwáston neh thóh kí꞉ken nahiʼiéhrase Natiá꞉ner, ne ne Roiá꞉ner roiatahrákwen, neh niaʼtahkanénhtseste nahiʼiatkónten; asèken ne ne Roiá꞉ner rohiatahrá꞉kwen.”

1 Samuel 26:11

Ne Roiá꞉ner roriwáston nètho ne kwáh akanenhtiaʼkétsko nahiʼiatkónten ne Roiá꞉ner roiataráhkwen; ók ó꞉nen kiʼ entnioʼtáhko nashí꞉kwahra ne kanió꞉te tsi rotenontsístahte, tánon ne watnekarákwah kát꞉tse, tánon ánion thóh niehé꞉tewe.”

1 Samuel 26:9

Ók ne Táwit warénhase ne Abishai, “Tó꞉sa entsiá꞉tonhte; asèken ón꞉ka aiekwéni nahontahiontsanakétsko nahonwatkónten ne Roiá꞉ner roiatarákwen, tánon ne iáh tahiakoníke?”

1 Samuel 8:19

Ók kiʼ nonkweʼókons iáh teonathontá꞉non nahontahónsatate ne raoʼwénhna ne Samuel; wahonníron, “Iáh! Ók tionkwanikonrakontákwen tsi enhionkwanontiʼiotseraién꞉taʼne nontionháke,

1 Samuel 8:9

Ó꞉nenh káti, satahónsatat ne raotiwennaókons; ne khók—ní꞉se kwáh ioriwaníronk tsi shehiaronká꞉ten, tánon senikonraién꞉tat tsi nenhiotónhake ne raoʼtinontí꞉io tsi nenhsakótseraʼse.”

1 Samuel 9:16

“Nenʼióhrhenʼne tó꞉kaʼ kiʼ tonenkaʼhá꞉wiʼke kwáh entiʼiatéʼnié꞉te shonháke rón꞉kwe thóh nèntʼre tsi tionhontsá꞉ien ne Benjamin, tánon kwáh í꞉se entiaʼtaráko naʼsakokʼkóraste nakonkwetaʼshón꞉ʼa Israerʼró꞉nons. Kwáh Rahón꞉ʼa ensakonónsthaʼte tsi nòkwah ne raoʼtishastsʼténsera ne Philistines; asèken kwáh í꞉i wakatká꞉thon ne raoʼtironiakénhsera nakonkwetaʼshón꞉ʼahs, tsioríwa tsi naʼteotihenrétha ontiaʼtórenhne.”

1 Samuel 9:27

Tsi niahoneʼnonhátie ne tsi iehiotenátokʼte, Ne Samuel wahawénhaʼse ne Saul, “Eʼtsró꞉ri nètho raksá꞉a onkenihénton niehé꞉re, tánon nó꞉nenh sashaʼkotohétsʼten, kénʼen niáʼrekwe téstatʼ ní꞉se, ne nahón꞉ton akonhiaronkáten ne raoʼwénhna ne Ní꞉io.”