1 Samuel 1:3 - Ohiatonhseratokénti

³ Nón꞉wa kí꞉ken rón꞉kwe tshiaʼteiohserá꞉ke raoná꞉takon enthaténti ne nahosennaʼiénhna tánon katshénen enhoteskóntaʼse ne Sakoiá꞉ner ratironhiakeró꞉nons thóh nón꞉we Shiloh, tsi thóh nón꞉we ne teniiáhse Eli sakohioʼokónahs, ne ne Hophni tánon Phinehas, ne ne Roiá꞉ner raoʼtsihénstaʼtsis.

1 Samuel 1:3 ပူးပေါင်းရင်းမြစ်များ

Psalms 78:60

Kwáh kíʼ waʼhatewénhthete tsi nón꞉we nihenterónhtakwe ne Shiloh nón꞉we, né꞉ne tsi rononshó꞉te tsi nón꞉we sát꞉ne nitewanákerekwe,

Exodus 23:14

“Sehwatenikonhró꞉ri náhsen niʼioríwake akakhwárake ne tsósehra né nasekʼkwéniensthe.

Exodus 23:17

Iatehioseráke kí꞉ken ne áhsen nihioriwàke ne katʼkhwaráston ratikwékon ne tionhkwétas ronhnónhkwe ónenk tsi entʼthónne nahionksenhnáien, ne Roiá꞉ner Sewaní꞉io.

Exodus 34:23

“Áhsen nihioriwáhke ne tsiósera ratikwékon ne shonkwetasónhas ó꞉nenk tsi enʼthónhne nahiontsénhnaien, ne Watiá꞉ner, ne Khení꞉io NʼIsraerʼró꞉nonhs.

Luke 2:41

Niateioserake, tsini Shatonnhethe, Jerusalem iesnethakȣe ne ronȣaienha.

Deuteronomy 16:16

“Ratikwé꞉kon ne ronhnónhkwe ne sewenhtiókwakons tsi enʼtónhne nahonwasénhnaien ne Roiá꞉ner áhsen nihiorì꞉wake ne tsósehra né꞉ne tsi nón꞉we ne énskak kók tsi nón꞉we nihionterenhnaientákhwa: ne tsi nieskáhes ne watohetstákhwa, tsi nihieientwákwas ne thahonhtenonhwerá꞉ton, tánon ne tehiontenonhweraʼthónkwa ne tsi waskwakarénre. Ne satihiaʼtátsons ó꞉nenk tsi enthatíhawe natatawí꞉tshera

Joshua 18:1

Nó꞉nen sahatiiéna nonhontsaʼshón꞉as, kwáh kenʼnenhrakwé꞉kon ne Israerʼró꞉nonhke wahonhnitiohkwaró꞉roke ne Shiloh nón꞉we tánon wahonthatoserothón꞉nion tsi nón꞉we ní꞉res ne Roiá꞉ner.

Judges 18:31

Ne Micah rahohiatónhni thóh nónhwe nikaiénthakwe kwáh tsi nikaríhwes thóh nónhwe niwatohsehróthaʼkwe tsi nónhwe ne Rawenni꞉io nihonwasenhnaienthákwahkwe thóh nónwe nikaiéntakwe né꞉ne Shiloh nónhwe.

Judges 21:19

Ethòne sahonnehiáraʼne, “Ne iatehioseráke tsi naʼthehonwanonhwerátons ne Roiá꞉ner ne Shiloh nónhwe iosthó꞉ratse tsi ienhkáheʼwe.” (Ne Shiloh né nothoréke nòkwahti ne Bethel, entiéne nòkwahti ne Lebonah, tánon ne Shechem.)

1 Samuel 1:21

Ne rón꞉kwe Elkanah tánon rathí꞉kwe ne raoʼnóns꞉kon rathí꞉teron iahón꞉ne nahonwawenhní꞉iosʼte ne Roiá꞉ner; ne niaʼteioseráke rateskón꞉thaʼkwe, tánon nahakárhiaʼke tsi nihorahrátsʼton.

1 Samuel 1:9

Nó꞉nenh sahathiʼkwénhtaʼne tánon sahathiʼnikirénhsi thóh nón꞉we Shiloh, Hannah watiétaʼne tánon thóh watiétaʼne raohén꞉ton ne Roiá꞉ner. Nón꞉wa ne Eli ne ne ratsihénstatsi thóh renskwáhereh ákta tsi kanonkáronhte kanawahátote raoʼnonsatokentikó꞉waʼne ne Roiá꞉ner.

1 Samuel 14:3

neh roʼnaterosenhtátiene ne Ahijah ne ne Ahitub roién꞉ha, Ichabodʼs iathatekénʼa, ne nenhné꞉e ne Phinehas roiénh꞉ha ne Eli ne nènhne roién꞉ha ne Phinehas, ne raotsihénstatsi kènʼne ne Roiá꞉ner thóh nón꞉we Shiloh, raón꞉ha rahá꞉wine ne waniataríio í꞉ken atení꞉ionta. Nón꞉wa nonkweʼókons iáh teiakoteriéntarahkwe nètho Jonathan tsi kakʼniehawé꞉non.

1 Samuel 2:19

Ne roʼnisténha ne shés ronʼionhniénhni niwá꞉ha atewéiara tánon ienʼonwahawíten niaʼteioseráʼke, ne nó꞉nen enhiaʼteró꞉sen ró꞉ne ne nianítaʼte niaʼteioseráke iateskónt꞉tha thóh nón꞉we Shiloh.

1 Samuel 2:34

Tsi nenhotiʼiátawenh ne teniʼiáhse saʼnekenteronhtserashón꞉ʼahs, Hophni tánon Phinehas, kwáh kiʼ neh ensheʼnésten—tenitsá꞉ron tenhníheʼie neh saʼhennísera.

1 Samuel 3:13

Asèken í꞉i riʼró꞉ri nètho í꞉i tsi ó꞉nenh thó꞉wa akréwaʼte ne tsi ronónshoʼte ne ne tsi nénhwe enkén꞉hake, asèken ne kariwahetkénhsera tsi roteriéntaraʼkwe, tsioríwa ne raoʼnekenterashón꞉ʼahs tsi ronwariwaiesaténhnis ne Ní꞉io, tánon iáh teshakoríston.

1 Samuel 4:11

Ne raoʼneró꞉kwah ne Ní꞉io wakonwaiéna; tánon ne teniʼiá꞉se raoʼnekenteronhtseraʼshónʼahs ne Eli, ne ne Hophni tánon ne Phinehas, waní꞉heʼie.

1 Samuel 4:4

Shók꞉kiʼ ne ronterí꞉ios iahonwanaténieʼte Shiloh, tánon thohʼnónwe nahontahatíhaʼwe ne oneró꞉kwah ne raoʼteriwaseronniátshera ne Sakoiá꞉ner ne ratiʼronhiakeró꞉nons, raónha thóh rénskote tsi natehiátere ne niʼnikonhrare iotokentis. Ne tenihiá꞉se raoʼnekenteróntsheras ne Eli, Hophni tánon Phinehas, ronón꞉ha nihnikonráraʼkwe nonerokwahtokénti skát꞉ne tsi taʼhón꞉ne.