1 Samuel 1:19 - Ohiatonhseratokénti

¹⁹ Oronkétsʼtsi wahontkétsko tánon wahonwasénhnaien ne Roiá꞉ner; eʼthóhʼne ó꞉nenh tsi thoʼtinónshoʼte nionsahón꞉ne thóh nón꞉we Ramah. Ne Elkanah sakoientériʼkwe ne ró꞉ne Hannah, tánon ne Roiá꞉ner shaʼrehiáraʼne.

1 Samuel 1:19 ပူးပေါင်းရင်းမြစ်များ

Genesis 21:1

Né Roiá꞉ner sahrehiá꞉raʼne ne Sarah tsi kíʼ nihá꞉wen, tánon ne Roiá꞉ner tho kíʼ nahá꞉iere tsi kíʼ nihoʼrharátston.

Genesis 30:22

Eʼthó꞉ne ne Rawenni꞉io sahshakawehiá꞉raʼne ne Rachel, tánon ne Rawenni꞉io sahshakótsenʼte tánon sahahnhotón꞉ko ne tsi iewiraráhkhwah.

Genesis 4:1

Nón꞉wa ne Á꞉ton ó꞉nen shakoienté꞉ri ne ró꞉ne Eve, tánon onthá꞉wa naiowiraièn꞉taʼne roskenʼrakéhte waówiraièn꞉tane ók waʼkèn꞉ron, “Né tsi wahatié꞉nawaʼse né Roiá꞉ner roskenʼrakéhte onkewiraièn꞉taʼne.” Sók kí Cain wahoná꞉tonhkwe.

Genesis 8:1

Eʼthó sá꞉ne iawehnó꞉tonkwe énska tewenʼniáwe tanon wísk niwáhsen nón꞉ta nikarí꞉weʼskweʼ ók kiʼ ne Rawenni꞉io rawehiá꞉rahkweʼ kíʼ ne Noah ó꞉ni kontikwé꞉kon ne kontírioʼs ó꞉ni ne ienáhskwahiens ne skátne ratiiaʼtí꞉tahkwe ne kahón꞉wakon. Tánon ne Rawenni꞉io waʼthaweratásehte ne tsi ionhwentsá꞉te, tánon nohné꞉kanos ehtà꞉ke nionsá꞉we;

2 Kings 4:17

Ók, kíʼ tsi niháwen ne Elisha, kwáh tó꞉ka thóh sí꞉kahawi nó꞉ia sahioseráthe raksáha wahonákeratsthe.

Psalms 119:147

Ohénton shontakarahkwínekenhne iakonhnáton nastiénawase; thóh nónhwe niwahkérahre tsi nisharahrátston.

Psalms 136:23

Kwáh seh rahónha ne iáh tesonhkwahiatanikonhrénhen nó꞉nenh sihionkhisénhnion; asèken ne iorihwatóken raonoronhkwáhtshera tsi nénhwe enkátake;

Psalms 25:7

Saskenikónhrens nakerihwanerahák꞉tsera ne sitewatiónha ó꞉ni tsi naʼtewakaterientawén꞉rie; né entsoianénhawe ne sáwenk iorihwatóken kanoronhkwáhtsera tsi takehiárak, asèken né tsi nisahiánere aoríhwa, Ó Saiá꞉ner!

Psalms 5:3

Saiá꞉ner, noronhkéne enskewénhnaronhke; tsi nonhtahiorakwinekenhenhátie enkonhianithéntase nakerihwashónhas ne shonháke, tánon enkateráhrate ne tekarihwasehrákwen.

Psalms 55:17

Okarasnéha tánon noronhkéne tánon nenhtieníkare nakerihwakathénhtseras tánon tsi niwakonhséhna rahonháke nón꞉we niewètha, tánon kwáh kíʼ enhakewenhnáronhke.

St. Mark 1:35

Nok, sekon ok tetiokaras ȣahatkestsko, tsinonȣe shatitken niiahare eh iahaterennaien.

Luke 23:42

Nok iahatati tsi roiatenton ne Iesos, ȣahenron: Seȣenniio! aonsaskeiarane nonen saiatanerakȣatserakon natentese.

Joshua 18:25

Thóh ó꞉ni í꞉kare ne Gibeon, Ramah, Beeroth,

1 Samuel 1:1

Tho nón꞉we ronkwetaʼtóken ranákerehkwe ne ne Ramathaim-zophim, ne ne tsi ionhniarónhnion kanakeraseráien ne Ephraimke, Elkanah ronwáiatsʼkwe ne roní꞉ha ne ne Jeroham, ne roshót꞉tha ne ne Elihu, Tohu tsi tahawatsiraʼtátie, ne ne Zuph naohtaró꞉then, Ephraimró꞉non.

1 Samuel 1:11

Nakaónha kén ní꞉iot tsi wahonráhratsʼte: “Ó Sheiá꞉ner ne ronterí꞉ios ratironhiakerónons, tó꞉ka ní꞉se kwáh asheiatkátho tsi niʼiakonhnátsen ne sanhá꞉tshera, tánon aonshaskeiá꞉rahne, tánon tó꞉sa sheʼiatanikónren ne sanhá꞉tshera, ók enteshé꞉ion ne sanhá꞉tshera roskerakéte owirá꞉a, eʼthóhʼne kiʼ enhí꞉teron sahén꞉ton kwáh ne ne nazirite kwáh tsenshatonhnók꞉ten. Iáh thahanekiráke notsítsa khés niakononwahratóntha, eʼthóhʼne kwáh kíʼenthí꞉ion Roiá꞉ner kwáh tsi nikarí꞉wes enrón꞉nheke tánon iáh tsaʼkaiéna ne ionthatenonkarhiákstha ne ranontsíne.”

1 Samuel 15:34

Eʼthó꞉ne ó꞉nenh ne Samuel thóh niahá꞉re Ramah; tánon ne Saul tsi thóh nón꞉shote neh nionsáreh thóhh nón꞉we Gibeah neʼne Saul.

1 Samuel 16:13

Eʼthó꞉ne ne Samuel iahát꞉rakwe ne onákare ne wenhienáre, tánon waawehienáro raotihén꞉ton ne sakotsiʼokónʼahs; tánon ne raonikonratokénti ne Roiá꞉ner ónwe tehiotenonhianitonhá꞉tie tsi wahorahne ne Táwit nètho siwenhniserátekwe iahontásawen. Ne Samuel eʼthóhʼne ionsahaténti tánon thóh nón꞉we niahá꞉re Ramah.

1 Samuel 19:18

Nón꞉wa ne Táwit rotèkwen tánon roniakénʼen; iatʼiatátken ne Samuel ne Ramah nón꞉we, tánon akwé꞉kon wahorihóktase nètho Saul tsi nihoiérahse. Ne raón꞉ʼa tánon ne Samuel iahá꞉ne tánon thóh nón꞉we iahiatenáhtaien Naioth.

1 Samuel 2:11

Eʼthóhʼne ne Elkanah sahaténti Ramah nionsá꞉re, eh nenhnéʼe ne raksá꞉ʼa thóh reterón꞉takwe ne ne taorihwásnieʼse ne Roiá꞉ner, thóh raohénton ne ratsihénstatsi Eli.

1 Samuel 25:1

Ó꞉nen ne Samuel warénheʼie; tánon kanahkeraserakwéʼkon Israerʼronónke wahonnitsowahróhroʼke tánon wahonwatiónhnionhse ne raón꞉ha. Wahontsáhate ne raoierón꞉ta thóh raononsatʼta ne Ramah nón꞉we.

1 Samuel 7:17

Eʼthó꞉hʼne énsraʼwe ne Ramah, asèken thóh nón꞉we nihononshótaʼkwe; rahón꞉ha sakohkó꞉rakwe NʼIsraerʼró꞉nons neh nón꞉we, tánon wahahónhnien ietsenharákwa ne Roiá꞉ner.

1 Samuel 8:4

Eʼthóhʼne ne ronhnón꞉kwe NÍsraerʼronónke wahontiataróroʼke tánon Samuel wahonwatʼkenséra tsi thénteron ne Ramah nónwe,

1 Samuel 9:26

Óronkéstsi wahontʼkétsʼko ne shonʼtakarakwí꞉nekenhne ne Samuel iahonáton ne Saul thóh tsiít karonkwenáheʼre, “Sahtkétsʼko, káti ne nahón꞉ton iahonsakonhiaʼténieʼte tsi nienshé꞉se.” Ne Saul wahatkétsʼko, tánon tenitiá꞉ron raón꞉ha ó꞉ni ne Samuel tsi tekanatokenhátie niahá꞉ne.